¹ Kuklubha ubhwami bhwijulu bhususa numuganza umulima, yabhyuse mukitondo kale kumulukelwa kugomba aze kubhaheleza abhakozi ibhikolwa mumulima gwage gwimizabibu. ² Hanyuma yukubha bhalemezanyije nabhakozi idinali limwe kumwililo yalabhatumye kugenda mumulima gwage gwi mizabu ³ Yalasubhiye kandi hahise amasa tatu akola nukubhona abhandi bhakozi bhali bhagaze bhatagila ibhikolwa bhali muluhande lulugelelo. ⁴ Alabhabhwila, 'Namwe kandi nimugende mumulima gwi Mizabibu nalyolyose lilikwene ndobhaheleza kwilo bhakozeko nukugenda kukola ibhikolwa. ⁵ Alasubhilayo kandi hahise amasa mugaga kandi ninsa ya chenda, kandi yalakoze intyo nyene. ⁶ Alasubhilayo kandi munsa ya chumi na limwe, yalagiye nukubhasanga abhandi bhantubhagaze bhatali nibhikolwa. Yalabhabhwiye, nikuki komwahagaze hano mutagila ibhikolwa bhyobhyose kulusiku lose lukwiye? ⁷ Bhaweje bhamubhwila, kubhwili ntawaliho umuntu wowose yathaye ibhikolwa. Alabhabhwila, 'Namwemwe kandi nimugende mwagulya mulima gwi-Mizabibu.' ⁸ Mukanya kakumugobha hokagera, mwene mulima gwimizabibu yalamubhwila umuhagalikizi wage, 'Abhahamagale abhakozi abhalihe imishahara, kukutangula nuwamwisho nukugela kuwambele.' ⁹ Hobhaza bhalya bhahamwe kunsa ya chumi na yimwe, kila umwe wabho yalakiye idinari. ¹⁰ Hobhaza abhakozi, bhambele, bhiyumvuye lyukubha bhaloyakilaibhilenze, aliko bhakiye kila umwe ihela limwe kulikila muntu. ¹¹ Hanyuma yukwakila induhulo yabho, bhalamulalamikye uwaganza umulima. ¹² Bhalavuga, 'Abha bhakozi bhubhuheluka bhakoze insa yimwe kusa mukukola ibhikolwa, aliko ulabhinganishije na twebhwe, natwebhwe tweguye umuligo gulusiku lukwiye nukusha nichuya.' ¹³ Aliko mwenwe mulima yalamwishuye nukuvuga mwali umwe wabho? 'Munywanyi, hindakoze ijambo libhi. Intya! ntilwemezanyije najewe kwidinali yimwe? ¹⁴ Niwakile ikilukuli chawe nawigile kusa. Nishimo lyanje kubhaheleza bhano bhakozi bhahawe ibhikolwa inyuma kumwe na mwewme. ¹⁵ Intya ntalikulikwanje kukola kilya chochongiye ngomaba kumahela ganje? Kandi ijisho lyawe nilyubhubhu kumubhili jewe ndimwiza? ¹⁶ Nikantyo wakumpela alobha wambele kandi wambele alibha wakumpela" ¹⁷ Yesu hoyali agiye agegela agenda Yerusalemu, yalabhatoye abhigishwa bhage chumi na-bhabhili hambavu, nikunzila alabhabhwila, ¹⁸ "Labha tulimo tulatekela kugela Yerusalemu, kandi numwana wu Mwami aloshilwa mumabhoko gabhakulu nabhandisi bhalomuchila ulubhanza gulufu ¹⁹ Kandi bhalomutanga kubhantu bhabhapagani, kugomba kubhigaguza, nukumukubhita nukumubhigaguza. Aliko mumisi zitztu alozuka. ²⁰ Ahweza nyina wabhana bha Zebedayo yalaje iwa Yesu nabhene bhage. Imbele yage nukumusabha ibhintu kuva iwage. ²¹ Yesu alamubhwila, "Ugomba iliki? "Yemela abha bahana bhanje bhabhili bhichale, umwe mukubhoko kwawe kubhulyo uwendi mukubhoko kwibhamvu mubhwami bhwawe." ²² Aliko Yesu yalamwishuye nukuvuga "Ntimumenye kilya chomugiye musabha. Intya! ayobhola kulinyweleko ilikombe lyondonyweleko?" bhalamubhwila, "Tulayobhola." ²³ Alabhabhwila, "Ilikombe lyanje nikwene nyene mulolinywelako. Aliko kwichala mukubhoko kwanje kubhulyo kandi mukubhoko kwanje kwibhamvu hindi nubhushobhozi bhwanje kubhaheleza, aliko nikulibhalya alibho bhaja bhaleguliwe na Data wanje." ²⁴ Abhigishwa abhandi chumi hobhumva intyo, bhalichumiye chane nabhalya bhadugu bhabhili. ²⁵ Aliko Yesu yalabhamagaye wene nyene nukubhabhwila, "Mulamenya lyukubha abhaganza bhabhapagani bhalobhakangula, kandi nabhakulu bhabho tumenye mubhuganza halugulu yabho. ²⁶ Aliko ntibhibhe intyo kuli mwemwe. Hanyuma yage, wowose alobhagomvye kubha mukuli mulibhyanyu hagombezwa abhe umukozi wanyu. ²⁷ Kandi uwalobha wambele muli-mwemwe hagombezwa abhe umukozi wanyu. ²⁸ Nkakulya Umwana wa Adamu ntiyaje kukolelwa, aliko kuituma nukwitanga ubhulamvi bhwage kubha umukiza wa bhenshi. ²⁹ Mwako kanya hobhali bhagiye bhava Yeriko, ubhwinshi bhwabhantu bhunini bhwalakulikiye. ³⁰ Kandi bhalamubhonye hambavu yinzila. Hobhumva lyukubha Yesu alimo alahita, bhalatanze ubhwaku nukuvuga, "Umwami umwana wa Daudi, utgilile ikigongwe." ³¹ Aliko ubhwinshi bwalabhatetese, nukubhabhwila nimuholele. Ninkantyo, bhene bhalatanze ubhwaku bhulenze nukuvuga, "Mwami, Umwana wa Daudi utugilile ikigongwe." ³² Yahweje Yesu ahagalala nukabhahamagala nukubhabhaza, "Mugomba ndabhakolele iki?" ³³ Bhalamubhwila, "Mwami tugomba amaso gachu gahumululwe." ³⁴ None kwilyo Yesu, yalabhabhoneye ikigongwe alafata kumaso gabho, aho-nyene, bhalakiye ubhushobhozi bhukubhona kandi bhakozeko nukumukulikila.