¹ Habhaye hanyuma ya Yesu hoyamalila kubhalongolela abhigishwa bhage chumi nabhabhili yalagiye plae nukugenda kwigisha nukubhabhwiliza mungo zabho, ² Egoye Yohana hoyali mwibhohelo hoyumva alihalugulu yibhikolwa bhya krisito, yalatumye inkulu kuhitila kubhigishwa bhage, ³ Kandi bhalamubhajije, "Wene niulya agiye aza, kandi haliho uwundi agombezwa kumulabhiza?" ⁴ Yesu yalamwishuye nukugamba iwabho "Nimugende muje kumuheleza inkulu Yohana galya gomugiye mubhona kandi nagalya gomugiye mumviliza. ⁵ Abhantu bhahumye bhatabhona, ibhimuga bhitatambula, abhanyamubhembe bhaloyuhagilwa, abhantu bhatumva bhaloyumva bhaloyumva kandi, abhantu bhafuye bhalozulwa nukulonka ubhulamvi, egoye nabhantu bhagomba kufashwa bhaloyigishwa inkulu nyiza. ⁶ Kandi yalahezagiwe ulya atagiyabhona umwihahalo halugulu yanje. ⁷ Mwaklya kanya bhanobhantu hobhavho Yesu yalatanguye kugamba mubhwinshi bhwa abhantu halugulu ya Yohana, "Nilyahe limwagiye kulabha mwilyo bhuga__Itete yalanaganyijwe ni-mboga? ⁸ Aliko nikuki mwagiye kulabha umuntu yambaye inyambalo mololo? Nikwene, bhalya bhambala inyambalo zimeleye bhalichala munzu ya bhami. ⁹ Aliko mwalagiye kulabha niwahe umubhonyi? Nikwene, ndimo ndabhabhwila, nukusambaza uubhubhonyi. ¹⁰ Uyo niwe yandikiwe, "Labha, ndimo ndamutuma ubhuntu bhwanje imbele yuluhanga lwawe, aliwo alolinganiza inzila yawe imbele yawe. ¹¹ Jewe ndimo ndabhabhwila ukuli, mulabho bhavyawe numugolegole ntawaliho umukulu kusumba Yohana uwalabhatiza. Aliko aliho mutonyi mubhwami bhwi julu kuliwene. ¹² Kuva kumisi za Yohana umubhatiza mpaka kugera nintya, ubhwami bhijulu nibhwinguvu, egoye nabhantu bhalininguvu, bhalabhutola kunguvu. ¹³ Kuko abhabhonyi ni teka, bhalateguje mpaka mukanya ka Yohana. ¹⁴ Mukabha mulikwene nyene kukwemela, uyo ni Eliya agiye aza. ¹⁵ Uwali namatwi kukumva na niyumve. ¹⁶ Ndaki nganye niki ululuvyalo luno? Ninko kwa bhana bhagiye bhakinila muluhande lwa mulugelelo, bhagiye bhachala nukuhamagalana. ¹⁷ Nukuvuga, twalabhavugilije ingoma ntimwatamvye. Twalabhashize hamaganya ntimwalize. ¹⁸ Kukubha Yohana yaje hatagila kulya umukate kandi kunywa kaloli, nukubha bhalibhavuga, alinibhisigo. ¹⁹ Umwana wimana yalaje alalya nukunywa nabhalagamvye labha, umuntu umuli nukunywa, numugenzi wabhatiza bhushulu nabhanyabhichumulo!' Aliko ubhwitonzi bhulibhonekesha kubhikolwa bhyage." ²⁰ Yesu yalanzije kuzihakana zilya ngo zimwe zalinibhikolwa bhyage, bhikishangaza bhyalakolese hano, kubhwili bhalibhatalakwihana. ²¹ Ulahumiwe wewe, kolazini, ulahumiwe Bethsaida! Hakabha ibhikolwa bhikuze bhyokolese Tiro kandi na sidoni galya gakolese hano, bhobhaye bhaja bhakwileze kela kukwambala amagunila nikwisiga ibhitazi. ²² Aliko halobha kukwemelelwa kwa Tiro na sidoni kumusi guchilwa ulubhanza kusumba iwawe. ²³ Wewe Kapernaumu, wiyumvila ulukilizwa mpaka kuja mwijulu? Nti bhilintyo uloshushwa mpaka hasi mukuzimnu, nkakulya sodoma hokolese ibhikolwa bhibheleye bhisole bhyokolese kuliwe wobhayeho nukugela kulyugumusi. ²⁴ Njanye hongiye ngamba kuli wewe lyukubha halobha nubhuleluke munsi ya sodoma kuhagalala umusi gukuchilwa ulubhanza kusumba wewe. ²⁵ Mugomwanya ugo Yesu yalagamvye, "Ndakwigina wewe, Data wumwamiwijulu ninsi, kubhwili walabhanyegeje gano magambo abhali nubhwitonzi nubhumenyi nukubhitwikulula kubhatagila ubhumenyi kabhana bhatoli. ²⁶ Data kukubha lyalamushumishije intyo mumaso gawe. ²⁷ Amagambo gabhiswe iwanje kuva kuli data nantawaliho amumenya hatali kusa umwana wage nawowose mwana ali nihamu kumweleka.` ²⁸ Nimuze iwanje mwemwe mugiye mugoleka nukulemelwa nimiligozilemeye, nanje ndabhaluhusa. ²⁹ Nimwishile iwanje kandi nimwibhwilize kuva iwanje kukubha jewe ndumwitonzi nubhwitonzi bhumutima kandi mulolonka ulutulila kumitima zanyu. ³⁰ Kukubha umutima gwanje goloshe numuligo gwanje kulaleluse.