¹ Yesu yabhahamagaye abhigishwa bhage chumi na bhabhili kumwe nukubhaheleza ubhuganza halugulu yibhisigo bhimyanda, kubhisibha nukubhihama nukukiza ingene zoso za malwala gakilangene zoso. ² Amazina gabhakozi chumi nabhabhili, nigano lyambele ni simioni (aliwo kandi yitwa Petro) nukumwe kandi na Anderea mwene wabho, Yakobho umwana wa Zebedayo, na Yohana mwene wabho: ³ Philipo, na Bartelemayo, Thomaso, kumwe na nu mutozabhushulu, Yakobho umwana wa Alfayo, na tadeo, ⁴ Simioni mukananayo, na Yuda Iskaliote, alio ya musitase. ⁵ Abhochumi nabhabhili Yesu yalabhatumwe. nawo alabhalagila avuga "Ntimugeze kugenda ahichaye abhapangila kandi ntimwinjile kulugo lwabhasamaliya. ⁶ Hanyuma yage, mugende kumutama zatagise zimuhila zabha Israel. ⁷ Kandi mugiye mugenda, mulilangaze nukuvuga ubhwami bhwi Julu bhulegeye. ⁸ Nimukize amalwala, nimule abhafuye, nimuhagile ali numubhembe nimuhame ibhisigo. mwakiye bhule, nimutage bhule. ⁹ Ntimutole Izahabu, ialimansi, kandi umulinga kwibhiko lyanyu. ¹⁰ Ntimutole Inkapo mulolugende lwanyu kandi Imyenda zukwitwaza, kandi ibhilato kandi Inkoni, kukubha mukozi akwiliye Ibhilibhwa bhyage. ¹¹ Ulugo lolose kandi ikijiji chomulobha mwinjiye, londele uwalobha kwiliye kugabhula ibhilibhwa mpaka homulobha muviliyeho. ¹² Homulobha mwinjiye munzu tange mwakeye, ¹³ Hakabha iyonzu yikwiliye, amaholo ganyu gasigale halya nyene, aliko hakabha inzu yitakwiliye, amaholo ganyu gaveho kumwe na mwemwe. ¹⁴ Kandi kwabhalya bhatagomba kubhakila mwemwe kandi kubhategeza amagambo ganyu, mukanya mugiye muvaho kunzu kandi mulugo ulo, mwihanagule inkungu yilikululenge lwanyu aho nyene. ¹⁵ Kukuli ndimo ndabhabhwila, halobha lyukugumisha kulengeje mumuji gwa sodoma na Gomorah imisi zukuchilwa ulubhanza kusumba ugo muji. ¹⁶ Labha, ndimo ndabhalagila hakabha intama zilimumbwa zabhantu, kuliyo mubhe nubhumenyi nkinzoka kandi nubhwitonzi bhwinkundye. ¹⁷ Mwiyangalile nabhantu, bhagiye bhabhatwala mwibhulanilo, kandi bhalobhakubhita mumakanisa. ¹⁸ Kandi mulozanwa imbele yumukulu wumwami kulijewe, nkukwelekana kwabho kandi na kubhapagani. ¹⁹ Mwako kanya hobhalobha bhagiye bhabhasibha, ntimwi hahale kungene yine kandi nikwalinte chukugamba, kukubha ikintu chukuvuga mulohabhwa kumwanya ugonyene. ²⁰ Kukubha ntali mwemwe mulogamba, aliko impemu ya Data wanyu alogamba mumitima zanyu. ²¹ Umudugu alobhyuka, numudugu wage nukumwicha, kandi na sewage kumwana wage. Abhana bhalobhyuka na-bhavyehi bhage, nukubhatela ulufu. ²² Namwe kandi mulogaywa nakila muntu kwili izina lyanje: Aliko wowose aloyemela kugela mpaka kumwisho uyo muntu alokizwa. ²³ Mukanya hobhalobha bhagiye bhabhatesa mwiyomtala, mwilukile mukindo kihugo kikulikila, kulyukuli ndimo ndabhabhwila, ntimulobha msonze mumiji zose zabha Israeli hanyuma yumwana na Adamu atalagaluka. ²⁴ Umwigishwa ntalimukulu kusumba umwalimu wage, kandi umukozi alihalugulu yumwami wage. ²⁵ Bhilakwiliye kumwigishwa lyukubha abhe nkamwalimu wage, numukozi nkumwami wage. hakabha bhamuhamagaye umwami winzu ya Belzabuli, nukwiyishula kunde kusumbiliza bhalobhakengela abho munzu yage! ²⁶ None lelo ntimubhatinye bhene, kukubhona ntaliho ililingo litalotwikululwa, kandi ntaliliho lyanyegejwe alilyo litalo menyekane. ²⁷ Kilya chondabhabhwila mumwilima, mukivuge kutaga habhona, kandi lyomugiye mutegeza kukuleluka mumatwi ganyu, mukitangile inkulu mulihalugulu yinzu. ²⁸ Ntimubhatinye bhalya bhicha umubhili aliko bhatagila ubhushobhozi bhukwicha impemu. hanyuma yage, mutinye ulya alio ashobhola kucha umubhi ni mpemu yamukuzimu. ²⁹ Intya bhikasu ntibhiguzwa kumahela matoyi? ninka none ntawaliho ayobhola kugwa hasi hatagila Data wanyu kumenya. ³⁰ Aliko ninzwili zanyu zilabhaluwe. ³¹ Ntimubhe nubhobha, kukubha mulinuluzimbo lulengelanye kusumba kasuku bhenshi. ³² None lelo kila muntu alonyemela imbele yabhantu, najewe kandi ndomwemela imbele ya Data wanje alimwijulu. ³³ Aliko ulya alompakana imbele zabhantu, najewe kandi ndomuhakana imbele ya Data wanje alimwijulu. ³⁴ Ntimwiyumvile lyukubha ndaje kuzana amaholo kubhwelelo, hindaje kuzana amaholo, aliko ulupanga. ³⁵ Kukubha ndaje kumubhikaho umuntu alwane kandi na data wage, numukobhwa kumwe numuvyeyi, numugole wage kumwe nanyina bhukwe wage. ³⁶ Umubhi umuntu bhalobha bhalya bhimuhila iwage. ³⁷ Wene alibho bhashima Data wage kandi umuvyeyi wage kusumba kuliko jewe yuyo alakwiliye. kandi nawene alamushima ikikwelele kandi inkumi kusumba jewe uyo ntakwiliye. ³⁸ Wene alio ataloyegula umusalabha nukunkulikila jewe ntakwiliye. ³⁹ Ulya alobha kulikiye ubhulamvi alogataga. aliko uliya alobha ataye ubhulamvi kulijewe alogalonka. ⁴⁰ Ulya alobha abhakiye alobha anyakiye jewe, kandi ulya alobha anyakiye jewe alobha yakiye wene yantumye jewe. ⁴¹ Naulya alobha yakiye umubhonyi kubhwili lyumubhonyi aloyakila ishimo lyumubhonyi. kandi naulya alobha mwakiye ulya ukuli kubhwili numuntu wukuli aloyakila ishimo lyumuntu ukuli. ⁴² Wowose alobha muhahaye umuntu umwe mulibhatoli bhano, nilikombe lyamazi gukunywa gimbeho, kubhwili wene numwigishwa, nikwene ndimondabhabhwila, wenayobhola konona kunzila yoyose yishimo lyage."