¹ Yesu hoyinjilamwibhoti, alakuka mulugo hoyali yichala. ² Labha, bhalamuzaniye umuntu yahweleye amagala bhamulajije kukilago. Hoyabhona umwizelo gwabho, Yesu yalamubhwiye wamuntu yahweleye, amagala. "Mwananje ubhe nishimo ibhichumulo bhyawe bhilaheze" ³ Labha, mulabho bhigisha bhalimu bhiteka bhali hwehweteye bhene kwa bhwene, "Uyu numuntu agiye asibha" ⁴ Yesu yalamenyese ibhiyumvilo bhyabho nukugamba, "Nikuki mugiye mwiyumvila ubhubhi mumitima zanyu? ⁵ Nilyahe litagoye kugamba, 'Ibhichumulo bhyawe uja wahweje kugililwa ikigongwe' kandi kugamba, 'Hagalala utambule?' ⁶ Aliko umenya lyukubha umwana wumuntu alinabho ubhushobhozi bhukugilila ikigongwe kubhichumulo..."yalagagamvye gano kuliulya yali yahweleye, "Hagalala, utole ililago lyawe, kandi naugende muhila iwawe" ⁷ Niho ulya muntu yahagaze nukugewnda iwage imuhila iwage. ⁸ Abhaliho bhenshi hobhabhona ago, bhalabhonye ikitangaza nukumwigina Imana, alio yabhahaye ubhobhushobhozi abho bhantu. ⁹ Kandi Yesu hoyali agiye ahita kuva aho, yalamubhonye umuntu aliwo yitwa izina lya Mathayo, alio yali yichaye muluhande lwabhatoza ubhushulu. Nawo alamubhwila, "Nunkulikile jewe" Nawo alahagalala ahweza amukulikila. ¹⁰ Egoye yesu hoyichala agamba amanze alye ibhilibhwa munzu yinzu, bhahweje bhaza abhatoza bhushulu bhenshi nabhantu bhali nubhubhi bhalishizemo mubhilibhwa kumwana Yesu kandi nabhigishwa bhage. ¹¹ Niho mafalisayo hobha bhona ago, bhala mubhwiye abhigishwa "Nikuki mwalimu wanyu kagiye alya ibhilibhwa kumwe nabhatoza bhushulu nabhantu bhali nubhubhi?" ¹² Yesu hoyumva ago, nawe yalagamvye " Abhantu bhalya bhakomeye ubhusole ntibhagomba umufumu, handiho bhalya alibho bhalwaye. ¹³ Hagombezwa mugende muje kwibhwiliza ingene yage, "Nukushima ikigongwe kandi hatali izabihu" kukubha ndaje, ntali kubhali mukuli kukwihana, aliko kwabhalya bhibhichumulo. ¹⁴ Niho abhigishwa bha Yohana bhaje iwage nukugamba, "Nikuki twebhwe kandi Abhafalisayo kotwiyima, aliko abhigishwa bhabho kobhatiyima? ¹⁵ Yesu yalabhabhwiye, intya abhahelekeza bhumubhala bhoshobhola kubha namaganya mukanya umwami wumubhala habha alikumwe nabho? aliko imisi zigiye ziza aliho umwami wumubhala alotolwa kuva iwabho, kandi niho bhalokwiyima. ¹⁶ Ntawaliho umuntu abhika ulupande lumwenda mushasha kumwenda gwakela, ililaka lilotabhagulwa kuva kumwenda nukusatuka kiunini kulobhoneka. ¹⁷ Ntabhaliho abhantu bhobhika inzoga nshasha mulyombo linzoga yakela, hakabha bhalokola, ulusato lulotabhuka, nukunywa kulovaho kulovaho kandi nulusato luloyononekala. hanyuma yage, halabhikwa inzoga nshasha musato lushasha nabhyose bhilobha kubhusalama. ¹⁸ Mukanya ho Yesu hoyali agiye abhabhwila amagambo gano, labha, umukulu yalaje nukugwa mumagulu gage, nawe alavuga, "Mukobhwa wanje alasohoye mugomwanya, aliko nuze kandi ubhike ukubhoko kwawe halugulu yage kandi wene alobhaho kandi. ¹⁹ Niho Yesu yahagalala nukumukulikila kandi umugishwa wage kandi. ²⁰ Labha, umugolegole alio yali agiye ava amalaso kumwanya gwimyaka chumi nazibhili, yalaje hofi na yesu nukufata kuluhande lwi pindo lyumwenda gwage. ²¹ Kukubha yagamvye, "Niho ndofata kubhyambalwa bhyage, nanje ndolonka ukukizwa." ²² Yesu yalapiluse nukumulabha kandi nukumubhwila. "Wamukobhwa, niwiheze umutima, umwizelo gwawe gulakukola ukile," Kandi mugomwanya uyo mugolegole yahweje alonka ukukizwa mugomwanya nyene. ²³ Egeye Yesu hoyasohola kunzu yumukulu, nawe yalabhabhonye abhavuza igita mubhwinshi bhwabhantu bhwali bhugiye bhuvuza kubhwaku. ²⁴ Nao yalavuze, "Nimuve hano, kukubha wamukobhwa atalafa, ali alaye. aliko bhene bhalasese nukumu jola. ²⁵ Kandi nabhalya bhantu hobhatuluswa hanze, nawe yalinjiye muchumba nukumufata ukubhoko wamukobhwa alabhyuka. ²⁶ Ninkulu ihabhali zino zalakuye mumuji muzima. ²⁷ Niho Yesu hoyali agiya hita kuva halya, Abhagabhogabho bhabhili bhahumye bhatabhona bhalamukulikila. bhalakulikije nukutanga ubhwaku ino bhagiye bhavuga, "Tulasavye utugilile ikigongwe umwana wa Daudi," ²⁸ Akokanya ho Yesu yalasohoye kunzu, bhalya bhatabhona bhahumye bhalaje iwage.Yesu alabhabhwila, "Mulemeje lyuku ndoshobhola kukola?" Nabho bhalamubhwila "Nikwene, mwami" ²⁹ Niho Yesu yahweje abhafata kumaso gabho nukugamba "Kandi nalikoleke intyo iwanyu mukabha umwizelo gwanyu aliko guli" ³⁰ Namaso gabho gahweje gahumuluka nukubhona. Niho Yesu yabhabhalangiye nukubhihanya nukugamba, "Nimwilabhe ntihagile umuntu wowose amenya kukwelekela lino jambo," ³¹ Aliko abhantu bhano bhabhili bhalavuyeho nukutangaza zino habhali impande zose za mumuji. ³² Niho bhyala bhagabho gabho bhabhili hobhali bhagiye bhigila zabho, labha umuntu umwe nyabhulangi yachanganyijwe nibhisigo bhalamuzanye iwa Yesu. ³³ Egoye na bhyabhisigo hobhyamuvako ulya muntu nyabhulangi yakozeko nukugamba ubhwinshi bhwa bhantu bhwalabhonye ikitangaza nukugamba "Ili ntili la kabhonekana muli Israel. ³⁴ Aliko mafalisayo bhali bhavuga "kubha kulu bhibhisigo, Alabhihama ibhisigo" ³⁵ Yesu yalagiye mumiji zose namubhijiji. Nawe yalendeleye kubhwiliza muma kanisa atangaza Iinjili yu mwami, nukukiza amalwala gakila ngene nubhukehelwe bhwakila ngene zose. ³⁶ Mukanya hoyalabha ubhwinshi, bhwabhantu nawe yalabhoneye ikigongwe, kubhwili lyu kugoleka nukuvunika umutima. bhali nkintama zitangila ulagizi. ³⁷ Nawe ya labhabhwiye abhigishwa bhage. "Inyimbilo niyinshi, aliko abhakozi ni bhatoli. ³⁸ Kwilyo none utagize mumusabhe ubhwami winyibhulo, kugomba alagile abhakozi munyimbulo yage."