¹ Mwako kanya Yesu yalagiye kumusi gwisabhato mukuhita agiyagenda kumulima. abhigishwa bhage bhalibhali ni nzala bhahweje bhatangula kuvuna gula amatidye nukugalya. ² Aliko mafalisayo hobhabhona ago, bhalamubhwiye Yesu "Labha abhigishwa bhawe bhagiye bhonona iteka bhagiye bhakola umusi gutalekuliwe umusi gwisabato" ³ Aliko Yesu yahweje abhabhwila, "Ntimulasoma ingene Daudi goyakoze, mukanya hoyalininzala, kumwe kandi nabhantu bhoyali kumwe na bhene? ⁴ Ikigene yinjiye munzu yimana nukulya umukate zukwelekana nkikimenyeso, alibhyo bhyali bhitakwiliye wene kulya nabhalya bholwali kumwe na bhene, aliko alikuli kumakuhani? ⁵ Hachali ntimulasoma mulilyo teka, lyukubha mumisi yisabhato abhakulu munzu yikanisa bhalayanga isabato, aliko ntibhayononye? ⁶ Aliko ndimo ndavuga kulimwemwe lyukubha aliho mukulu kusumba ikanisa alihano ⁷ Kandi molimenyese ili limanisha iki; ngomba ikigongwe kandi hatagila gandi; ntimobhachiliye ulubhanza nabhatakoze nabhi, ⁸ Kukubha umwana wimana aliwo mwami wabhasabato." ⁹ Yahweje Yesu avaho haliya akalanukugenda mwikanisa lyabho. ¹⁰ Labha halihumuntu yaliyahweleye ukubhoko. mafalisayo bhalamubhajije Yesu, nukuvuga. "Intya, Nikwenenyene kumukiza ugumusi gwisabato?" habhe intya bhashobhole kumusitaka kukukola ibhichumulo. ¹¹ Yesu nawo yahweje abhabhwila kati ya jewe na mwemwe, uwaliho alinintama yimwe na iyo ntama yikagwa mulyobho umusi gwi sabato, ntimoyifata nikuyikulamo mulyobho? ¹² Intya nilyahe lilinuluzimbo nkunsumba? Nome ntalichane kusumba Intama! Kwilyo nikwene nyene kukola masole umusi gwi sabato. ¹³ Choyakoze Yesu yahweje amubhwila ulya muntu," Golola ukubhoko kwawe" Alakugolola nukuhweza alonka ubhukomezi nkabhalya bhandi. ¹⁴ Aliko Amafalisayo bhaweje bhavaho nukutuluka hanze nukuyaga ingene yukumwicha bhalagiye hanze nukulondela inzila zukumwicha. ¹⁵ Yesu hoyamenya lino yahweje avaho aho abhantu bhenshi bhalamukuliye nakandi bhose yalabhakijije. ¹⁶ Yalabhalagiye ntibhanze bhakamukola kumenyekana kubhandi. ¹⁷ Lyukubha likwile liya lyukuli alilyo lali livugwa numubhonyi Isaya, agiyavuga. ¹⁸ Labha umukozi wanje ondatoye umukundwa wanje. muli wene kumutima gwanje gwalashimishijwe. Ndobhika impemu yanje halugulu yage kandi aloleguza ulubhanza kubhapagani. ¹⁹ Ntalogoleka kandi ukulila kunguvu waliowose kumva ubhwaku bhwage mumihana. ²⁰ Ntalolivuna ilenga halolikulaho ntilulozima ulumoli lolose lutulusa umosi mpaka halobha zanye ulubhanza nukulushindila. ²¹ Nabhapagani bhaloza nubhutwelusi mwizina lyage. ²² Umuntu nkaulya atabhona kandi nyabhulagi yasalishijwe nibhisigo yalazanywe imbele ya Yesu alamukiza, kumwe nilyabhonekanye lyukubha umuntu nyabhulagi yalagamvye nukubhona. ²³ Abhaliho bhose bhalabhonye ikishangaza nukuvuga obhona uyo muntu alumwana wa Daudi. ²⁴ Aliko mwakalya kanya mafalisayo hobhumviliza ichokishangaza, bhalavuze, "Uyomuntu ntiyokulako ibhisigo kunguvu zage wene nyene handiho kunguvu za belzebuli, mukulu wibhisigo. ²⁵ Aliko Yesu yalamenyese ibhiyumvilo bhyabho nukubhabhwila, "Kila bhwami bhwalagabhanyijwe bhwene nyene bhulononekala, nakila lugo kandi inzu bhigabhulika bhyene nyene ntibhilo hagalala. ²⁶ hakabha Shetani, alomukulaho Shetani, kwilyo agiye yihakana mumutima gwage wenenyene. ²⁷ Nikungene yinde ubhwami bhwage hobhulo hagalala? nkandi nkabhangiye nkulaho ibhisigo kunguvu za Belzabuli, abhagendanyi bhanyu ntibhalokulaho kukuhitila kulinde? kulili lyokwili bhalobha abhachalubhanza bhanyu. ²⁸ Egoye nkabha nkulaho ibhisigo kunguvu zimpemu yimana, none ubhwami bhwimana bhulaje iwanyu. ²⁹ Egoye umuntu aloyobhola inte kwinjila munzu yamwene nguvu nukwibha, hatagilango kumubhoha mweninguvu kwanza? nikwene halobha yivye ibhintu bhyage kuva munzu yage. ³⁰ Wowose atalikumwe na jewe ntalinkingene ngomba jewe, naulya atagiye akonganya kumwe na jewe uyo alobha sambaza. ³¹ None lelo ndimondavuga iwanyu kila bhichumulo nulusibho lwabhantu bhalogililwa ikigongwe, aliko kulusibho lwimpemu yela ntibhalogililwa ikigongwe. ³² Egoye kandi wowose avuga amagambo gatakwiliye kumwana wimana, kwilyo alogililwa ikigongwe aliko wowose avuga ukutali kwene ni mpemu yela uyo ntalogililwa ikigongwe mulubho bhwelelo kandi nabhulya bhuzule. ³³ Ntaho naho ukulelo iliti kubha lisole nitunda lyage lisole, kandi ubhononyi bhwiliti nitunda lyage kukubha iliti limenyekana kubhyawa bhyage. ³⁴ Mwemwe uluvyalo lwinzoka, mwemwe mukola ibhibhi, muyobhola inte kukola amagombo masole? Kukubha iminwa zavuga kukuva mwilyo mwibhikiye gali mumutima. ³⁵ Umuntu mwiza yalibhikiye masole mumutima gwage, kandi halatuluka masole umuntu ubhubhi mulyo yibhikiye libhi lyumutima gwage lilyo lyu bhubhi. ³⁶ Ndimo ndabhabhwila lyukubha umusi gulubhanza abhantu bhatanga isabhu yakila lilingo litagila ikimalo kulyobhavuze." ³⁷ Kukubha ali kulilingo lyawe alobhalulwa mukuli kandi kubhilingo ulochilwa ulubhanza. ³⁸ Bhahweje abhandisi bhamafalisayo bhalamwishuye Yesu nukuvuga" Twalitushimye tobhonye kimenyeso kuva iwawe. ³⁹ Aliko Yesu yalabhishuye nukubhabhwila, "Uluvyalo lubhubhi kandi cha bhumalaya kilalondela ichelekano. Aliko ntakiliho ichelekano kilotangwa iwabho hanyuma yabho hanyuma yabho kilya chelekano cha Yona umubhonyi. ⁴⁰ Nkakulya umubhonyi Yona kingene yali munda yinda yi nsamaki yinini kumisi zitatu kumutaga ni jolo, ibhyo nibhyo Umwana wimana kwalobha munda yumutima gulusi kumisi zitatu umutaga ni joro. ⁴¹ Watu wa ninawi bhalohagalala imbele yulubhanza kumwe nuluvyalo lwabhantu bhaloluchila ulubhanza kukubha bhalibhaja bhakwihanye kuva kumigishwa ga Yona, kandi labha umuntu nkaulya mukulu kusumba Yona alihano. ⁴² Malaika wamugwilo alobhyuka kulubhanza kumwe kumwe nabhantu bhululuvyalo nukukichila ulubhanza, yalaje kuva kumuhela widunia kuza kutegeza ubhwitonzi bhwa Selemani, kandi labha umuntu aliwamukulu kusumba Selemani alaha. ⁴³ Kumwanya ilisigo limyanda holimuvako uyo muntu, liliahita nihatagila amaziligiye lilondela ikiluhuko aliko ntilihabhona. ⁴⁴ Lihweje livuga, ndonaluka munzu yanje yondavuyemo.' holigaluka lisanga yilya nzu yalinganijwe yilikwene. ⁴⁵ Lihweza ligenda kubhazana abhandi bhimpemu bhimyanda indwi alibho bhabhi kuleza wene lilaza kwichala hohose halya nihaliyage yilagela kumwisho nukubha nabhi kusumba ya mbele. Intyo niko bhilobha kuluvyalo luno lubhubhi. ⁴⁶ Mukanya Yesu hoyali agiyashumula nubhwinshi bhwabhantu labha nyina wage nabhadugu bhage bhalahagaze hanze, bhagiyebhamulondela bhashumule nawene. ⁴⁷ Umuntu umwe yalamubhwiye, libha nyoko wawe kumwe nabhadugu bhawe bhahagaze hanze bhagiye bhakulondela bhavumule na wewe." ⁴⁸ Aliko Yesu yalabhishuye nukubhabhwila uwamubhwiye koyo wanje ninde? ⁴⁹ Nao kandi yahweje agolola ukubhoko kwage abhigishwa bhage nukuvuga, "Labha bhano nibho bhakoyo nabhadugu bhanje. ⁵⁰ Kukubha wowose akwiliye ulukundo lwa Data wanje alimwijulu, uyo muntu niwo mudugu wanje kumwe na mwishiki wanje kandi na koyo wanje.