¹ Maz' umuntu yitwa Lazaro yaligwaye. Iwabho hal' Ibhetaniya, alicho chalo cha Mariya na Marita. ² Uwo Mariya ni wawundi yasig' Umwam' avuta kumagul' akoleshej' umushachi wiwe, yali mushiki w' uwo mugwayi Lazaro. ³ Maz' abho bhakobwa bhatumako Yesu bhavuga bhati '' Mwami labha wawumd' ukund' alagwaye''. ⁴ Yes' avyumvishij' alavug' ati ''Iyo ngwala siyo kumwich' ahubwo niyo gushemagiz' Imana, kugil' Umwana w' Imana ashemagizwe nubwo bhugwayi.'' ⁵ Yesu yalakunda Marita, na mwenewabho hamwe na Msaza wabho Lazaro. ⁶ Amaze kwumva yuko Lzar' agwaye , Yesu yagumy' aho yalili mu yindi mibhagw' ibhili. ⁷ Ivyo bhihez' abwil' abhigishw' ati ''Ni muze twelekez' Ibhuyuda''. ⁸ Abhigishwa bhalamubhaza bhati '' Rabhi, Abhayuda bhali bhashaka kugutel' amabhuye none kand' ugil' usubhileyo?'' ⁹ Yes' alabhishul' ati ''Amasaha y' umutaka si chumi n' abhili? Umunt' agenda kumutaga ntiyo chitala kukw' agenda kumutaga habhona. ¹⁰ Aliko abhaye agenda mwijolo niho yochitala kukw' ata much' umulimwo'' ¹¹ Yes' alabhibhabwila kand' ahejeje alabhabwil' ati '' Umugenzi wachu Lazaro aladyamye aliko ndagenda kugila ndamuvyul' ave mwitilo.'' ¹² Maz' abhigishwa bhalamwiushula bhati ''Mwami ni yabha adsinziliy' alaza kuvyuka'' ¹³ Ako kanya Yesu yabhabwil' inkulu z' ulupfu gwa Lazaro, aliko bho bhiyumvila yukw' abhabwiy' itilo. ¹⁴ Maze Yes' abhabwil' uklul' ati ''Lazaro uyapfuye, ¹⁵ Numva bhinezeleje kubwanyu kuko vyabhaye ntaliyo kugila mushobhole kwizela. Ni muze tujeyo'' ¹⁶ Maze Tomasi uwo bhatazila ngo n' ihasa abwil' abhigishw' ati ''Ni muze tugende natwe dupfane na Yesu''. ¹⁷ Yes' agezeyo yasanze Lazaro amaz' imibhagw' ine mwizikilo. ¹⁸ Kand' ibhetaniya haqli hafi ya Yerusalemu nk' Ibhilometero milongwine na bhitanu. ¹⁹ Bhenshi bho mu bhayuda bhalaza kwa Marita na ,Mariya kubhahumuliza kubw' ulupfu gwa mausaza wabho. ²⁰ Marita yumvishije yuko Yes' alikw' alaza alihuta kumusanganila, aliko Mariya yakomeje kuguma mulugo. ²¹ Maze Marit' abwila Yes' ati ''Mwami iyo waza kale musazanje ntiyali gupfa. ²² Aliku n' ubhu icho wosabh' Imana chosi ilakiguha.'' ²³ Yes' alamwishul' ati ''Musazawe alongel' azuke''. ²⁴ Marit' alamwishul' ati mndabhizi yukw' azozuka kumusi wo kuzuka kwi helezo''. ²⁵ Yes' alamubwil' ati ''Ni njewe kuzuka hamwe n' ubhugingo, uwunyizela wesi naho yobha yapfuye , azobha akiliho; ²⁶ kand' uwuzobhaho wesi akanyizela njewe ntazokwigel' apfa. Ulavyizeye?'' ²⁷ Alamwishul' ati ''Yego Mwami, ndizeye yuko wewe uli Kiristo , Umwana w' Imana, wawund' aza hano mwisi.'' ²⁸ Amaze kubhivug' alagenda guhamagala mwenewabho Mariya mwibhanga, alamubwil' ati '' U,wigisha yaje alaguhamagala''. ²⁹ Mariy' avyumvishij' alahagul' anezelewe yihuta kugenda kwa Yesu. ³⁰ Kandi Yesu ntiyali bwinjile hagati muchalo yali yagumye hamwe bhahulila na Marita. ³¹ Maz' Abhayuda hamwe n' abhandi bhali bhaje kwilula Mariya, bhabhony' ahaguluche bhalamukulikila; bhali bhamenya yukw' agiye kulilila kwizikilo. ³² Mariy' agez' aho Yes' ali alamubhona maze yikubhita hasi alamwunamila amubwil' ati ''Mwami iyo wabhaho Musaza wanje ntiyaligupfa''. ³³ Yes' abhonye yukw' alikw' alalila hamwe na bha Bhayuda bazananye nawe bhilamu`bhabhaza mu mutima yumv' intuntu; ³⁴ alavug' ati ''Mwamushize maganahehe? '' Bhalamubwila bhati ''Mwami nuz' ulabhe'' ³⁵ Yes' alalila. ³⁶ Maz' Abhayuda bhalavuga bhati ''Ni mulabhe kungene yakunda Lazaro!'' ³⁷ Aliko bhamwe mulibho bhalavuga bhati ''Uwu si wawundi yahumul' amaso y' impumyi, yobha yananiwe gukiz' uwu muntu ntapfe?'' ³⁸ Maze Yesu yuzuy' umubhabhalo hamwe n' agahinda, yelekeza kwizikilo. Aliko dyal' isenga kandi bhapfukishije kw' ikibhuye kumudyango. ³⁹ Yes' alavug' ati '' Ni muvaneh' idyo bhuye'' . Marita mushiki wa Lazaro uwo yapfuye alabwi;la Yes' ati '' Mwami ubh' umubhili wiwe wamaze kubhola, kukw' abhayemw' imibhagw' ine. '' ⁴⁰ Yes' alamwishul' ati '' Njewe sinakubwiye yuko niwabha wizeye uza kubhon' ubwiza bw' Imana'' ⁴¹ Maze bhakulaho dya bhuye. Yes' alangamila hejulu alavug' ati ''Data ndabhigushimiye yuko wam' unyumvila. ⁴² Ndabhizi yukw' imisi yosi wew' unyumviliza, aliko ndabhivuze kubwa lino kolanilo bhali hano kugila bhizele yukw' ali wewe wantumye.'' ⁴³ Amaze kubhivug' atelela hejul' ati ''Lazaro sohoka hanze''! ⁴⁴ Uwapfuy' asohoka hamnz' atwikiliwe n' amashuka bhamuzikanye, mu maso hali hapfukishij' igitambhala. Yes' alabhabwil' ati ''Ni mumuhambhulule mumuleke yigile.'' ⁴⁵ Abhayuda bhenshi bhali bahje kwa Mariya bhizela Yesu kuko bhabhony' ivyo yakoze. ⁴⁶ aliko bhamwe mulibho bhagenda kubwil' Abhafarisayo ivyo Yesu yakoze vyosi. ⁴⁷ Maz' abhakulu bh' abhahelezi hamwe n' abhafarisayo bhakolanila hamwe bhalavuga bhati '' Tubhigile dute? Uwo munt' akomeza gukol' ibhitangaza vyinshi, ⁴⁸ Ni twakomeza kumuleka dutyo abhantu bhosi bhazomwizela; abhaloma bhazoza bhatwale vyosi hamwe n' igihugu chachu.'' ⁴⁹ Aliko mulibho halimw' Umuhelezi mukulu yitwa Kayafa maz' alabhabwil' ati '' Mwebwe ntacho mumenya. ⁵⁰ Ntimuzi yuk' Umunt' umw' akwiliye gupfa kubw' abhantu bhosi hako hapf' igihugu chosi.'' ⁵¹ Ivyo ntiyavyivugishije, ahubwo kuko mwuwo mwak' aliwe yal' umuhelezi mukulu, yavugishijwe yuko Yes' akwiliye gupfil' igihugu; ⁵² kandi si kubw' igihugu gusa, ahubwo Yes' akolanilize hamw' abhana bh' Imana bhasabhagiliye mu mpande nyinshi za yinosi. ⁵³ Maze guhela kul' uwo mubhagwa bhab hanza gukol' umugambhi wo kwicha Yesu. ⁵⁴ Yesu ntiyongeye kugendel' ahabhona hagati mu bhayuda, ahubwo yachiy' agenda kwibhela mu gihugu cha Efurayimu luhande y' ubhugalagwa. Abhanayo n' abhigishwa bhiwe. ⁵⁵ Maze Pasika y' Abhayuda yali yegeleje maze bhenshi bhaladuga bhegelez' umuji w' Iyerusalemu kugila bhabhanze bhiyeze. ⁵⁶ Bhosi bhalavugana bhalondela Yesu mugihe bhali bhahagaze mulusengelo, bhati ''Mwibhaz' iki? Bhudy' alaza ku musi mukulu?'' ⁵⁷ Icho gih' abhakulu bh' abhahelezi hamwe n' abhafarisayo bhali bhatanz' itegeko yuk' umuntu wes' aza kubhona Yes' akwiliye kubhamenyesha ngo bhaze bhamufate.