¹ Kukususilanya nukukola kubhemeje, nineza chane iwanje kukubhandikila. ² Ndamenya kukubhona inyota yanyu, aliyo ndibhonye kubhantu bha Makedonia. Ndalabhabhwiye kubha akanya yalabhaye yiteguye kuva kumwaka gwahise. Ukugomba kwanyu kwalabhaye imitima zinshi zabho kukola. ³ None, ndabhatumye bhadugu aliko ukwibhona kwachu kwelekela mwemwe ntibhibhe bhyakusa bhitagila ikintu, na-kandi mobhaye mwiteguye, nkingene ndagamvye mobhaye neza. ⁴ Handiho, hakabha umuntu wowose wa Makedonia akabha aziye kumwe najewe nukubhasanga mutalakwitegula, tobhonye gano--hingamba lyolyose kulimwewme--kukubha muli nubhutwelusi chane muli mwemwe. ⁵ Nintya ndalabhonye lyali lyene kubhinginga abhadugu kuza iwanyu nukukola ibhiyumvilo hakili kale kulili shimo lyomwalaganye. Nintya kugomba bhibhe kwene nkifuhu, kandi ikintu atalicho mumilijwe. ⁶ Iliyumvilo nili: umuntu uwatela bhitoli aloyimbula bhitori, uwateye kubhiyumvilo bhyukulonka alinifuhu kandi aloyimbula ifuhu. ⁷ None kila umwe atange nkingene yipangiye mumutima gwage. None nawo ntatange kumaganya kandi kukumilizwa. Kukubha Imana yishima ulya atanga alini-kinyamumeza. ⁸ Kandi Imana yilashobhola kumungeleza nakila ifuhu yili muli mwemwe, aliko kila mwanya mumagambo gose, mushobhole kulonka bhyose bhyomugiye mugomba. Ili lilobha kugomba mushobhole kulenza kila likolwa lisole. ⁹ Niko lyandiswe: "Yalase ubhutunzi bhwage nukubhulota kubhu-mukene. Nukuli kwage kulobhaho imisi zose." ¹⁰ Nawo uwatanga imbuto kuwatela kubhilibhwa nukuluhande lwibhilibhwa, kandi atanga nukusubhiliza imbuto zanyu kuluhande lukutela. Wene aloyongeza inyumvilo yukuli yanyu. ¹¹ Mulotungishwa kuli kilanzila kugomba mushobhole kubha nubhukelebhusi. Ili liloza ishimo kumana kuhitila twebhwe. ¹² Kukukola ibhikolwa ibhi ntali kusa lilabhafata kubhigombezwa kubhemeje. Kandi kusumbiliza mubhikolwa bhinshi bhishimo ku-Mana. ¹³ Kwisabhabhu ykygelwa kwanyu nukwelekanwa kwibhikolwa ibhi, kandi muloyikiliza Imana kubhwitonzi kubhwege bhwanyu bhwi injili ya Kristu. Kandi muloyikiliza Imana kukusabhuka kwimpano yanyu iwabho nukuli kila umwe. ¹⁴ Bhalabhifuza nukubhasabha kulimwemwe bhalakola intya kwasabhabhu yinzelu yinini kumana yili halugulu yangu. ¹⁵ Ishimo libhe kumana kumpano yage yilagambika!