¹ Jewe Paulo, jewe nyene ngiye ndabhinginga ubhwitonzi nukwitonda kwa Kristu. Jewe ndumwitonzi mikanya nkili imbele yanyu, aliko indinu-bhutwelusiiwanyu mukanya kili kule namwe. ² Ndabhasavye mwemwe ukubha mukanya nkilimo kumwe na namwe, hingomba, kubhu mutwelusi nukwishilako kwanje jenyene. Aliko ndiyumvila ngiye ngomba kubha nubhutwelusi mukanya kukubha-hakana bhalya bhagiye bhiyumvila kandi twichaye kungene yumubhili. ³ Nkuku nihobhilintyo tutambula kumubhili ntituhoga lwingine yumubhili. ⁴ Kukubha ibhivumisho bhyutukolesha kubhulwanyi ntali bhyakubhili.Inchungulo yage, zili-ninguvu yimana yukonona ulukinga. Zilakulwaho chane kukichalo kitagisha. ⁵ Kandi, tulonona kilya kili nubhuganza kukiliza halugulu ya malyo gi Imana. Tulalisigalako hagati kubhiyumvilo mubhwitonzi kuli Kristo. ⁶ Kandi tualalonka nubhutegulo bhukubhahana kuli kilya kikolese kitagila ubhwitonzi, halya kusa ubhwitonzi bhwanyu niho bhubha bhukwiliye. ⁷ Labha kilya kibha kili habhona imbele yanyu. Hakabha wowose abhakobhela ati wene niwo Kristo, kandi geza umanze wiyibhuse wene nyene ingene wene ali niwa-Kristo, ibhyo nibhyo twebhwe kandi tuli intyo. ⁸ nkuko niho ndokwibhona katoli kalenze kukwelekela ubhuganza bhwachu, alobho Umwami yatanze kuli mwewme kubhubhaka mwemwe nantali kubhonona, hindobhona aga. ⁹ Hingomba ili libhonekane kugomba ndabhakange mwemwe kubhigelageza bhyanje. ¹⁰ Kubha muli nabhantu bhagamba, "Ibhigelagezo bhyage bhilakaze kandi bhili ninguvu, aliko kumubhili wene ntagashobhola. Na-magambo gage ntikwiliye kutegezwa." ¹¹ Intya abhantu bhingene iyo bhalamenya kubha kila chotugamba kwikete mukanya tukili kulele, nikwene nyene nabhilya bhyotulokola mukanya tukili halya. ¹² Ntitugenda kule chane nkukwikonganya bhene nyene kandi kukwisagako ibhe nyene nabhalya alibho bhikuza bhene nyene. Aliko bhagiye bhigela bhene nyene kuli kila umwe muli bhene, ntibhagila ubhwenge. ¹³ Twebhwe, ninkantya, ntitwibhona kulenza uluvumba. Inchungulo yage, tulakola kusa munda yuluvumba aliyo Imana yatugeze twebhwe, imvumba zigiye zisohola ubhulehe nkabhwanyu inge-bhuli. ¹⁴ Kukubha tutakwisumbilije twebhwe nyene hotwasoholeye mwemwe. Twali bhambele kusohola kubhulehe nkabhwnyu kwi iinjili ya Kristo. ¹⁵ Ntitukwibhona kulenza ilukubha kukwelekela ibhikolwa bhyabhandi. Ichungulo yage, tulizela kumaholo ganyu gagiye gakula yukubha kuluhande lwachu lwibhikolwa lilogalishwa chane, kandi chali munda yuluvumba lulikwene. ¹⁶ Tukizela kwili, ili lyukubha tushobhole kwigisha iinjili mpaka namibhihugo bhilenze bhyanyu. Ntiwibhona kukwelekela ibhikolwa bhigiye bhikolwa muluhande ulundi. ¹⁷ "Aliko wowose yibhona, yibhone hagati yu Mwami." ¹⁸ Kukubhona ntali-ulya yilekana wene yali-yelekana. Hatali kubha niulya aliwo mwami alamwelekana.