¹ Ndiyumvila nukubha movumiliyanye najewe mubhandi bhabhalandage. Aliko kulyukuli mulavumiliyana na jewe. ² Kukubha niwi bhubha kwelekela mwemwe. ndini bhubha yi mana kuli mwemwe, kubha zana mwemwe kubha zana mwemwe iwa kristo nkinkumi yisole. ³ Aliko ndatinya ukubha kungene yino, nkinzoka yabheshe Eva kwishavu lyage, ibhiyumvilo bhyanyu bhyoshobhola kubhehwa kule kuva kukwihezagila kubheleye na kusole kuli kristo. ⁴ Kukubha hali hikisusanyo chukubha umuntu ateye kuno yalaje nukubha tangaliza Yesu uundiatalinka ulya wotwa tangaje. Kandi kulintu lyukubha mwalakiye impemu iyindi yatali naulya womwakiye. Kandi kulisusanyo lyukubha mwakiye iinjili yindi yitalikwe nayilya yomwakiye. Mukemelela amagambo gano ganeza galakwiye! ⁵ Kukubha ndabhibhona yukubha jewe hindi mwabhalya mubhali kusa kwabho bhagiye bhahamagalwa abhakozi bhakomeye. ⁶ Aliko niho habhaye jewe hindabhwilizwa nukutulusa ijambo, hindi ntyo mumalyo. Gakila ngene namumagambo gose twalalikoze ili kukumenyekana kwanyu. ⁷ Intya ndalakoze ibhichumulo kukwishilako jewenyene kugomba mwemwe mushobhole kukilizwa? Kwakuwa ndalilangaje kubhuhulu ijambo limana lwanyu. ⁸ Ndalaswe amasengelo nagandi kukwakila kila nukufashwa kuva iwabho aliko ukubha ndoshobhoye kubhakolela mwemwe. ⁹ Mukanya hondali kumwe namwemwe kandi ndali nubhugombe bhugomba, hindamulemele wowose. Kukubha ibhigombezwa bhyanje bhyali bhikwiliye kandi nabhadugu bhavuye Makedonia. Muli kila kintu ndali hagalikiye jewe nyene kutabha umuligo iwanyu kandi ndokulikiza kukola intyo nyene. ¹⁰ Kukuli kwa Kilisto ingene bhili mumutima gwanje, uko kukwiza kwanje, ntikuloholezwa muluhande lwa Akaya. ¹¹ Nikuki? kwisabhabhu hindabhashima? Imana niyo yimenya kondabhashima. ¹² Aliko kilya chondakoze, ndokikola kandi. Ndokikola kubha gomba shobhole kugomela umwanya gwabhalya bhagiye bhifuza umwanya gukubha nkingene tuli mulikilya chobhivunila. ¹³ Kukubha abhantu bhalya alabhakozi bhubhubheshi nabhabhafasha mubhikolwa bhyubhukobhelanyi bhalihindula bhene nyene nkabhakozi bha Kristo. ¹⁴ Kandi ili ntimushangale, kukubha na Shetani yihindula wenenyene nkabhamalayika bhela. ¹⁵ Ili ntiligila ikishangaza kinini nkabhakozi bhage kandi kukwihindula wenenyene nkabhakozi bhukuli. Hanyuma yaho bhilobha nkibhikolwa bhyabho bhigombezwa. ¹⁶ Ndimo ndagamba kandi: None nantabheho umuntu wowose agaye yiyumvila jewe ndumulandage. Aliko mukabha mukoze intyo, munyakile jewe ndi nkumulandage aliko shobhole kwikuza katoli. ¹⁷ Kilya chongiyengamba kukwelekela uko kukwishilako kukwibhona ntikuhanwa numwami, aliko ndagamba nkumulandage. ¹⁸ Kukubha abhantu bhenshi bhibhona kwi ngene yumubhili, ndokwibhona kandi. ¹⁹ Kukubha mwitoye kwineza nabhalage, namwemwe kandi mulinubhwenge. ²⁰ Kukubha mwatolanye numuntu nkuwakutela ubhutumwa, yokutela keigabhula muli mwemwe akabhakolesha mwemwe kunyungu yage, akabha yibhise haligulu yi mboge kandi akabha bhakubhise mumaso. ²¹ Ndogamba kunsoni zachu kukubha twebhwe tulibhitakwiliye chane kukola intyo. Nahali hakabha wowose agiye yibhona-- kukugamba nkumulandage-- jewe kandi ndokwibhona. ²² Intya, bhene nabhayahudi? Na jewe ndi-ntyo. Kandi, bhene nabhasilaeli? na-jewe nintyo. Intya, bhene nimvyalo ya ibulahamu? najewe ndintyo. ²³ Intya bhene nabhakozi bha Kristo? {Ndagamba nkuwatambuswe,nubhwenge bhwage} Jewe ndalenze. Ndalabhaye namubhikolwa bhigumye bhilenze, kulele halenze yukubha mukifungo, nukukubhitwa kulenga ingelo, nukwemela amahangayiko menshi gulufu. ²⁴ Kuva kubhayahudi ndalakiye ingele katanu "Ingolane amachumi yane kukukulamo limwe." ²⁵ Ingele yakatatu nkubhitwa inkoni. Limwe ndakubhishwe amabhuye ubhwakatatu ndalanusulise kufila Mumeli. ndalakolesheje ijolo numutaga mumugezi kutagila ikintu. ²⁶ Ndahola ningendo zitahela, namahangayiko gamumigezi, mumahangayiko gabhajambazi, namahangayiko kuva kubhantu bhanje jewe nyene, namahangayiko kuva mubhantu bhikihugo, mumahangayiko yu muji, namahangayiko gumulu-tale, mumahangayiko guluzi, namahangayiko kuva kubhadugu bhabha bheshi. ²⁷ Ndali nibhikolwa bhigumye mubhulamvi bhugumye, mwijolo linshi hindahunila, munzala ninyota, kenshi mukufunga, imba mumbeho ndubhusa. ²⁸ Kuleka nibhindi bhintu bhintu, kusunikwa kila imisi halugulu yange kutelwa ubhobha bhwanje kuluhande lwa masengelo, ²⁹ Ninde atakwiliye, na jewehindikwiliye? Niwahe yateyeuwundi kugwa mubhtaha, kandi jewe hindwala mumitima? ³⁰ Hakabha alikwene ndibhone, ndibhona kukwelekela nakilya kibhonekesha ukutikwiza kwanje. ³¹ Imana kandi na Data numwami Yesu, wene aliwo tusenga imisi zose, alamenya jewe himbeha. ³² Ilya Dameski, mukulu umukowa numukulu uwali chini yu Mwami Areta yali alinda umuji gwa Dameski bhagomba kunfata. ³³ Aliko ndalabhiswe munkapo nukuhita mwidilisha mulukuta, kandi ndalanusulise kuva mumabhoko gage.