¹ Nanje ndibhine, aliko ntaliliho ligiye lyongezwa kwilyo. Aliko ndoyakila kingene ndabhibjona nukwelekwa kumwami. ² Ndamumenya umuntu umwe muli Kristo aliwo imyaka chumi na zine ahise aliwo--yali mumubhili kandi hanze yumubhil, jewe hindomenye, Imana niyo-yimenya--yalasahuwe halugulu mwijulu ya-katatu. ³ Na ndamenya kukubha umuntu uyu--akabha alinukubhili, kandi hanze yumubhili, jewe himenya, Imana yilamenya-- ⁴ Yalatwawe halugulu mpaka iyo paradiso nukutegeza amagambo masole chane kumuntu wowose kukugamba. ⁵ Kuluhande limuntu nkuyo ndokwibhona. Aliko kuli jewe nyene hindikwibhona. Hatali kusa kukwelekela nubhwitonzi bhwage. ⁶ Nkabha ngomvye kwibhona, hondobhaye umulandage, kukubha ndobhaye ngiye nshumula ubhulukuli. Aliko ndoleka kwibhona ukubha ntabheho wowose alonyiyumvila kusumba yago kuliko ikihaye kibhonekana mumutima gwanje kandi kutegezwa kuva iwanje. ⁷ Hindokwibhona kandi kwisabhabhu yago mabhonekano gakila kishangaza. Kwilyo, intyo hindoyuzuzwa nakakengele, ilihwa lyabhiswe mumubhili gwanje, intumwa ya Shetani kundabha nabhi jewe, kugomba himpiluke kubha ukwibhona . ⁸ Ingelo katatu ndinginga umwami kukwelekela ili, aliko wene kukukulaho kuva iwanje. ⁹ Nawe yalambwiye, "Inzelu yanje yilakwiye kuluhande lwawe, kukubha inguvu zilakolwa kukwilila mubhitonzi. Nityo, ndokwifujije chane ukwibhoha chane kukwelekela ukwitonda kwanje kwanje, ili kugomba ubhushobhozi bhwa Kristo bhushobhole kwichala halugulu yanje. ¹⁰ Kwilyo ndakwijije kuluhande lwa-Kristo, mubhwitonzi, mukutukana mwitabhu, mumahangayiko mumaganya. Kukubha mukanya kili nubhwitonzi. kandi ndini nguvu. ¹¹ Jewe ndabhaye mulandage! mwemwe mwalanyumilije kwili, kukubha ndobhaye ndakilijwe namwe. Kukubha hindali kusa chane kulabho bhitwa abhakozi-- bhakomeye, niho jewe atakintu. ¹² Ilyabhones lyukuli lyumukozi lyalakolose hagati yanyu kukwemelela, ilyabhonese nibhishangaza nibhikolwa bhikuze. ¹³ Nukungene mwali bhambele bhohasi kunsumba amasengelo gasigaye, hatari kusa kukubha hindali umuligo iwanyu? mungilile ikigongwe kukichumulo kino! ¹⁴ Labha! jewe ndiko nditegula kuza iwanyu kungele yakatatu. Hindobha uligo iwanyu, kukubha hingomba ilintu lilya lyanyu. Ndabhagomba mwemwe kukubha abhana ntibhagombezwa kubhika ibhilobhafasha kuluhande lwabhavyeyi. Inchungulo yage, abhavyeyi bhalagombezwa kubhika ibhintu bhilobhafasha kuluhandelwa bhana. ¹⁵ Ndoshima chane kukolesha nukukoleshwa kuluhande lwimitima zanyu. Nkabha ndabhashima kulenza, ngombezwa kushimwa katori? ¹⁶ Aliko nkingene bhili, hindabhalemeye umuligo mwemwe. Aliko kukubha jewe ndinubhumenyi chane, jewe ndiulya yabhafashe mwemwe ndali aliwo yabhalaonse kubhukomezi. ¹⁷ Intya, ndalakutoye kukwikolela inyungu kuli wowose wondatumye iwanyu? ¹⁸ Ndalamwinginze Tito kuza iwanyu, kandi ndalamutumye umudugu uwundi kumwe na wene,. Intyo, Tito yalabhakoleye kwinyungu mwemwe? Knadi, ntitwatambuye hagati yulilenge lulya nyene? ¹⁹ Mwiyumvila kumwanya ugo twese twali tugiye twikiza twebhwe nyene iwanyu? Imbele zimana, muli Kristo, twali tugiye tugamba kila kintu kuluhande lukubhagumisha mwemwe. ²⁰ Kukubha indi nukwihahala yukubha hondaza asanga hindabhasange mwemwe nkengine ngiye ndifuza. Ndimo ndihahala yukubha moshobhola ntimundoke jewe kukingene hoshobhoka. Kubha nukugambila, hamwe ibhubha, ukwasa kwishavu, ibhifuzo, bhyukwibhako, ubhujwejwe, ubhugama, nubhulwanyi. ²¹ Ndinukwihahala yukubha hondagaluka kandi, Imana yanje yishobhola kunyutondesha imbele yanyu. Ndihahala yukubha ndobha namaganya kandi bhenshi alibho bhakoze ibhyaha kuva kela, hatali ntibhihanye imyanda, nubhusambizi namagambo yibhifuzo bhyobhagiye bhakola.