¹ Bhakundwa bhanje, kukubha nindagano zino, hagombezwa twiyuhagile twebhwe kulikila jambo lituli kubha nimyanda nimibhili zachu nimumpemu. Tuhweze tubhulondele ubhwela nukwihahala kwi Mana. ² Nimkole mkanya kuluhande lwachu! Ntitulamononela umuntu wowose. Ntitwagomvye kumwicha umuntu wowose. Ntitulakwishimisha kwinyungu yumuntu wowose. ³ Ndimi ndagamba ili ntali lyukubhagamba nabhi kukubha njandahweje kugamba kubha mulimo mumitima zanyu, iwachu twebhwe nukufa kumwe nukubhaho kumwe. ⁴ Ndinubhutwelusi bhwinshi munda yanyu na nkizigila kuli mwemwe, ndayujujwe kinyamuneza kumwe namahangayiko gose. ⁵ Twalaje Makedonia, imibhili zachu ntizili nikiluhuko. Inchungulo yage, twalalonse amagambo ginzila zose kukukubhitwa uluhogo kuluhande lohanze nukwihahala kuluhande lumunzu. ⁶ Aliko Imana, aliyo yitimbisha abhakwiheye yalatutimbishije mukuza kwa Tito. ⁷ Ntali kukuza kwage kusa aliko halimana yatutimbishije. Kuli kandi kutulibhisha kulya nyene kwa Tito zoyakiye kuva iwanyu. Wene yalatubhwiye ulukundo ulukundo lomulinalwo namaganya ganyu, na ingine mwalinumwihahalo kuli jewe. Intyo ndasumbije nukubha nikinyamuneza kilenze. ⁸ Niho hakabha umutumwa bhwanje bhwalabhateye amaganya nukwiyumvila nabhi, jewe hindabhibhabhalila. aliko ndabhibhabhalila mukanya kondabhonye intumwa yino yalabhateye mwemwe kubha namaganya aliko mwali namaganya kumwanya mutoli. ⁹ None indi nikinyamuneza, ntalikwi sabhabhu mwali nitabhu, aliko kwisabhabhu yukwilumbila kwanyu kwalabhazaniye nukwihana mwalalaswe namaganya kungene yi Mana nintya mwalahangayishije hali ukuhomba kwisabhabhu yachu. ¹⁰ Kukubha amaganya yi Mana yatuzanila ukwihana aliko kukwiza ubhukiza hatali kubha namahangayiko. Amaganya kubhwelelo ninkantyo galazana ulufu. ¹¹ Nimulabhe uko kwiyumvila kuno kwi Mana yatuvyaliye ishimo lnde linini mumitima zachu. Ningene yenda ishimo yali yinini mumitima zanyu nikimenyeso chukubha ntiwali nibhichumulo bhyabhaye inte ukubhabhala kwanyu kingine kwali kunini, nubhobha bhwanyu, ibhifuzo bhyanyu, ukwihangana kwanyu, ninyota yogombezwa kukoleka! mulikila lilingo mwalalibhonye mwemwe nyene kutabha nubhubhonyi. ¹² Niho ndabhandikiye mwemwe, hindandise kumononyi kandi ntali kumuntu yahangayikijwe kukubhabhazwa. Ndandise ngomba mumenye imitima zanyu kuli twebhwe yikolwe nukumenyekana kwanyu imbele ya maso yi Mana. ¹³ Nikugamba aliko kwili tutumbishwe nikongezwa kutimbishwa kwachu twebhwe nyene tulashima kandi nantya kusumba kwisabhabhu yukushima kwa Tito kukubha impemu yage halashimishijwe namwemwe mwese. ¹⁴ Kukubha hakabha ndalibhonye iwage kuli mwemwe hindali ni nsoni. Inyuma yage aliko kusa kila jambo lyotwagamvye iwanyu lyali lyukuli ukwibhona kwachu kukwelekela namwe kuli Tito bhalabhonekanye bhyukubha ali kwene. ¹⁵ Ulukundo lwage kulihande lwanyu ninkantya nilunini lulenze, nkingene yibhuka ubhwitonzi bhwanyu bhose ingene mwamwakiye wene kubhobha nukuzuguma. ¹⁶ Ndashimye kwisabhabhu ndimubhutwelusi bhukwiliye mumitima yanyu.