¹ None kwilyo, kukola ibhikolwa kumwe tulabhigila namwe ntimwakile inzelo yimana hatagila malonka. ² Kukubha ngiye ngamba, "Mukanya kemelese ndali maso iwi wanyu na numusi gubhukizwa ndalabhafashije, labha none nakanya kemelese labha none numusi gubhukizwa. ³ Ntitubhika hibhuye lyukugomela imbele yumuntu wowose, kukubha tulayigombela ibhikolwa bhyachu bhizanwe ingeso mbi. ⁴ Inchunguluyage tuliyemela twebhwe nyene kubhyo tukola bhyachu bhyose kubha tulabhakozi bhi Mana. Tulabhakozi bhage mumwinshi bhukwemelela amahangayiko gali nubhugume yu bhulamvi. ⁵ Kukubhitwa, kubhohwa, uluhogo nukukola ibhikolwa nukwihangana nukukena itilo mwijolo ni nzala. ⁶ Nubhusole, amalyo ukwemelela ukukola neza mu mpemu yela nulukundo lukuli. ⁷ Tulabhakozi bhage mwijambo lyukuli munguvu zimana tulinibhilanga bhukuli bhyo muluhande lukubhoko kubhulyo na kwibhamvi. ⁸ Tulakola ibhikolwa kubhwitonzi nukukengelwa nukugambwa ningeso halibhyo tuvugwako kubhubheshi mukanya twali bhukuli. ⁹ Tulakola ibhikolwa kubhonekana, kubha ntimenyekana kandi tuchali aliko tulamenyekana neza. Tulakola ibhikolwa nkabhagiye bhafa nandalabha hachali tulabhaho. ¹⁰ Tulakola ibhikolwa nkibhagiye bhahanwa kwibhi bhyotukala bhyachu aliko ntali kubhabhoshwe nukufa. ¹¹ Twalashumuye ukuli kose kwanyu abha Kolintho nimitima zanyu zayuguluwe kubhugali. ¹² Imitima zanyu ntizizibhililwa na twebhwe, aliko mulazibhililwa nibhiyumvilyo bhyanyu bhyene nyene. ¹³ None mukubadilishana mukuli ndagamba nka kubhana- nimugulule imitima zanyu kubhugali. ¹⁴ Ntimubhohanishwe kumwe nibhatemeje kukubha hali hubhushila hamwe bhunde kandi ukuli nukutagika? kandi hali hukufashanywa kunde kwizubha numwilima? ¹⁵ Nukwemezanya kunde iwa kilisto ashobhola kubha nalyo na Beliali? kandi wene yemeje alinuluhande lunde kumwe nabhatemeje. ¹⁶ Kandi haliho hukwemezanya kunde galiho hagali yabhantu bhimana nilisosilanyo? Kukubha twebhwe tulinzu yi Mana aliyo yikomeye kingene aliyo Mana yagamvye: " Ndoyichala hagati yabho. Nukutambula hagati yabho ndobha Imana yabho, kandi nabho bhalobha abhantu bhanje." ¹⁷ None, " Nimuveho hagati yabho, nantimubhe kumwe nabha,"agiye agamba umwami ntimukoleko kukintu kimwanda, kandi ndobhakila mwemwe. ¹⁸ Ndobha Data iwanyu kandi namwe nulobha abhana bhanje bhikigabhogabho nabhikigolegole," alagamba umwami.