¹ Tulamenya ukubha kubhubhelelo alimo twichalamo galononwa, tulinulubhako kuva kumana. Ninzu yitubhakwa namabhoko gabhantu, aliko ninzu yimisi zose na mwijulu. ² Kukubha mwili hema lino tulalwala nikwifuza kwambikwa kwiwachu mwijulu. ³ Tulifunza kulilino kwisabhabhu yukwambala ntitulobhonekana kubha tulibhusa tutambaye. ⁴ kubhuhakika mkanya tukili mwiyinzu yino, tulalwala tukalemelwa. Ntitugomba kwambulwa. Inchungulo yage,tugomba kwambikwa, kilya chafuye kishobhole kumilwa nibhulamvi. ⁵ Ulya yatuteguje twebhwe kubha ikikintu ni mana, aliyo yatuhaye twebhwe impemu nki ndagano yakilya kilokaza. ⁶ None kwili mubhenubhutwelusi imisi zose mubhe maso mugu mwanya tukili muhila mumubhili tulikule numwami. ⁷ Kukubhatulambula kumaholo, halali kukubhona. Kwilyo tulinubhutwelisi. ⁸ Nanjanye tubhe kule kuva kumubhili nimuhila kumwe numwami. ⁹ Kwilyo tulayikola kukugomba kwachu, tukabha tulimuhila kandi tulikulele tumushimishe wene. ¹⁰ Kukubha alukwiyumiliza twese tubhonekane imbele yintebhe yukuchilwa ulubhanza yakilisto aliko kugomba kila umwe ashobhole kwakila kilya kikwiliye kumagambo gakolese mumubhili, ali kubhusole kandi kubhubhi. ¹¹ None lelo kukuyimenya imihahalo yu Mwami tulabhahanula abhantu ingene tuli, bhilabhonekana ahabhona ni mana ndizigila kubha lilamenyekana kandi kubhiyumvilo bhyachu. ¹² Ntitugeza kubhakobhela mwemwe kandi kutubhona twebhwe kotulibhokuli, inchungilo yage tulabhaha mwemwe kusabhabhu yukwizigila kuli twebhwe aliko kugomba mushobhole kubha nilyo mwishula kwabhalya bhivunila ukwelekela nukubhonekana aliko ntalikilya kili munda yumutima. ¹³ Kukubha lyabha tukabha tusimvye nubhwenge, nikubhu Mana. Kandi tukabhatulikubhwenge bhwachu bhukwiliye nikulimwemwe. ¹⁴ Kukubha ulukundo lwa Kilisto nibhatuhangayishe kwisabhabhu tuli nubhuhaka kwili nukubha umuntu umwe yalafuye kuluhande lwa bhose nakwilyo bhose bhalafuye. ¹⁵ Na Kristo yalafuye kuli bhose, aliko kulibhalya bhaliho bhatichaye kandi kuluhande lwabhene nyene inchungulo yage hagombezwa bhene bhabheho kuli wene alio yafuye na akazuka. ¹⁶ Kwisabhabu yino ukuva ntya nukwendeleya ntitubhoya umuntu kwingana nibhigelo bhyabhantu niho aha kandi twamulavye kilisto kungene yino aliko ninkantya ntitumuma wowose kungene yino kandi. ¹⁷ None kwilyo, akabha umuntu wowose alimunda ya Kilisto, wene nivhalemwe kishasha amagambo gakela galamuhiko nulabhe gabhaye mashasha. ¹⁸ Ibhintu bhino bhyavuye kumana. Yalatusize hamwe na twebhwe iwage wene nyene kuhitila Kilisto nayalatuhaye ibhikolwa nukutusiga hamwe. ¹⁹ Ilyo nukugamba, muli Kilisto Imana yatusize hamwe nubhwelelo iwage wenenyene hatali kubhalula ibhichumulo bhyabho bhilenze bhyabho yalabhilije iwachu intumwa yukutushila hamwe. ²⁰ Kwilyo tulachagulwa nkabhagenyi bhaKilisto kubhonekana kumana yaliakola nukugenda imbele yage kuhitila twebhwe. tugiye tugenda namwe kuli kilisto mushilwe hamwe kumana. ²¹ Yalamukoze kilisto kubha isadaka kwikazi yibhyaha bhyachu.