¹ Kwilo lyo, kwisabhabhu tulinuwatufasha lino, nakandi aliko twakiye ikintu kibheleye, kandi na ntituluha. ² Inchungulo yage, tulanze inzila zose zinsoni zukwinyegeza. ntitwichaye kubhubhi, kandi ntituli kolesha nabhi ijambo limana. kukugomba ililukuli, tulibhonekesha kubhiyumvilo bhyakila muntu imbele yi Mana. ³ Aliko hakabha iinjili yachu yikabha yalanyegejwe, yanyegejwe kulibhalya kusa bhalibhagiye bhahona. ⁴ Mubhuchaguzi bhwabho, Imana yubhubhwelelo bhuno yalabhahumishije ubhumenyi bhwabho bhutamenyekana. hanyuma yaho, ntibhashobhola kubhona umuchobwili injili yubhwela bhwa kristo, alio insusilanyo yimana. ⁵ Kukubha tutitangaza twebhwe nyene, aliko kristo Yesu nkumwami, natwebhwe nyene nkabhakozi bhanyu kuluhande lwa Yesu. ⁶ Kukubha imana niyo aliyo yagamvye, "Ulumoli lulomoleka kuva mumwilima." yalamolese mumitima zachu, kulanga ulumoli gwamalyo nubhwela bhwimana mukubhaho Yesu krisito. ⁷ Aliko tulinilyo twabhise ili mubhyombo bhyubhondo, kugomba limenyekane kalininguvu nyinshi chane nimana ntali yachu. ⁸ Tulajulagilika mulikila nzila, ntibhatulabha nabhi. aliko tulabhona amihahalo aliko ntitwikatila itamaa. ⁹ Tulahangayise aliko ntibhalatusiga. tulanugwa hasi aliko ntibhatwicha. ¹⁰ Imisi zose tulaheka mumubhili gwachu ulufu lwa Yesu, aliko kugomba ubhulamvi bhwimana bhubhonekane kandi mumibhili zachu. ¹¹ Twebhwe tulinubhukomezi imisi zose twalataswe kufa kuluhande lwimana, aliko kugomba ubhukomezi bhwa Yesu bhubhonekane mumibhili zachu ziki nyabhantu. ¹² Kwisabhabhu yili, ulufu lulakola ibhikolwa munda yachu, aliko nubhukomezi bhukola ibhikolwa munda yanyu. ¹³ Aliko tulinimpemu yilya nyene yamaholo kwingana nakilya chayandiswe: "Ndaliyaminishije, nantyo nukugamba." twebhwe kandi amizelo, nintya kandi tulagamba, ¹⁴ Tulamenya yukubha ulya yazuye umwami Yesu kandi alotuzula twebhwe kumwe nawene. tulamenya nkuko alotuzana twebhwe hamwe namwe mukubhaho kwage. ¹⁵ Kila kintu kili kuluhande lwanyu kugomba ningene, inzelu yigiye yikwila kubhantu bhenshi, ishimo zilenge kugwila kubhwela bhwimana. ¹⁶ Ninkatya ntitugomba ibhifunzo. Niho kulihanze tuchafuse, munda tulakolwa bhushsha umusi kumusi. ¹⁷ Kukanya kano katoli, amahangayiko gano galaleluse gahaye gatwihangana twebhwe kuluhande lubhuzima bhulemeye bhu bhwela bhulenze ikigelo. ¹⁸ Kukubha tutalabha kwili libhintu bhibhonekana, njanye kuluhande lwibhintu bhitabhonekana. ibhintu bhyotushobhola kubhibhona nibhyumwanya mutoli, njanye ibhintu bhilya bhitabhonekana nibhimisi zose.