¹ Intya, tulatanguye kwikuza twebhwe kandi? ntitugomba ikete lyomugomye lyanyu kuva iwanyu, hakabha aligabhantu, intya tulagomba? ² Mwemwe nyene nikete lyachu lyotwachaguye, lyayandiswe kumitima zachu, kingene limenyekana nukusomeka nabhantu bhose. ³ Kandi mulelekana kuko mwemwe mulikete kuva iwa kristo, ilya tanzwe natwebhwe. ilya yandiswe hatali kulukalamu alikumutima gwi mana alinubhulamvi. ntilyandiswe halugulu yulubhabho lwamabhuye, aliko halugulu yibhibhabho bhimitima yabhantu. ⁴ Kandi ubho nibhobhutwelusi bhotulinabho kumana kuhitila krisito. ⁵ Ntitwishilako twebhwe kukwishuza lyolyose kuva iwachu. Ichungulo yage, kwihagalikila kwachu kuva kumana. ⁶ Nimana aliyo yatukoze tushobhole kubha kozi bhijambo lishasha. ili nilyojambo hatalikete kazima alilyumutima kukubha ikete licha, aliko umutima gulataga ubhulamvi. ⁷ None ibhikolwa bhyulufu bhyali bhyalinganijwe kwinyandiko halugulu yamabhuye lyalaje kunzila yubhwela kugomba abhantu bhi israeli ntibhalavywe ntanyene kuluhanga lwa Musa. ili nikwisabhabhu yubhwela bhuluhanga lwage, ubhwela alibho bhwali bhugiye bhwilabhula. ⁸ Intya, ibhikolwa bhyumutima ntibhilobha nubhwela kusumbaho? ⁹ Kukubha ibhikolwa bhyukubhohwa bhyali nubhwela, nikangahe kusumba ibhikolwa bhyukuli bhilenga chane nubhwela! ¹⁰ Nikwene, kilya chakozwe ubhwela kandi ntikigila ubhwela kandi ntikilinubhuntu kino, kwisabhabhu yubhwela bhugiye bhubhusumbiliza. ¹¹ Kukubha nkakilya alicho chalikigiye kihita chalinubhwela, ningelo yisumba kilya alicho chukugumisha kilobha nubhwela! ¹² Kukubha twiyamini kwilyo, tulinubhutwelusi chane. ¹³ Ntituli nka Musa, yasize hikimenyeso halugulu yuluhanga lwage, kugomba bhantu bha Israeli ntibhashobhole kulabha bhyose mpaka kumwisho ubhwela alibho bhwalibhugiye bhuvaho. ¹⁴ Aliko ubhwenge bhwabho bhwali bhwabhoshwe. ninkantya nukugela guno musi ibhiyumvilo nibhilya nyene bhicha bhisigaye halugulu yukulisoma ijambo lyakela. Ntibhalalisiga habhona, kwisabhabhu lilimuli kristo wene nyene lilakulwaho nukunugwa kulele. ¹⁵ Aliko nugumusi, umwanya gogose Musa hobhagiye bhamusoma, ubhwenge bhulichala halugulu yimitima zabho. ¹⁶ Aliko umuntu apilukiye kumwami, ubhwenge bhulakulwaho. ¹⁷ None umwami nimpemu. yiliho mumpemu yumwami, halihubhu hulu. ¹⁸ None twebhwe twese, kumwe nimpanga zitashizweko ubhuhunikizwa, bhalabhona ubhwela bhumwami. tulokabhishwa munda yilinubhubhonyi bhulya nyene bhubhwela kuva kukimenyeso kimwe chubhwela kugenda kukindi, nkingene bhilikuva kumwami, alio impemu.