¹ Kwilyo chondahweje nkola kuluhande lwanje jewe nyene none ntoje kandi iwanyu mobhaye nikibhabhalo. ² Kukubha ndabhateye mwemwe ukubhabhala, ninde yaishimishije jewe, aliko niulya yabhabhajwe najewe? ³ Ndalandise nkakulya kondakoze kugamba mukanya ndokaza iwanyu hinshobhole kubhabhazwa nabhalya alibho bhombaye bhakoze nshime. ndinabho ubhutwelusi bhukwelekela mwemwe mwese kubha ukushima kwanje nishimo lilya nyene lyomulinalyo mwemwe mwese. ⁴ Kukubha ndabhandikiye mwemwe kwinga nama hangayiko menshi, nukubhabhala kumutima, nakumosozi menshi. Hindogovywe kubhatela mwemwe kubhabhala. Ichungulo yage ndagovywe, mumenye ulukundo lunini londinalo kuluhande lwanyu. ⁵ Hakabha hagila wowose yateye kubhabhaza, ntalatela kusa iwanje, aliko kukigelo- kino halali kushila hubhukalibhu lengelanye - uwanyu mwemwe mwese. ⁶ Ikinikihano chuyomuntu uyo kulibhenshi yilakwiye. ⁷ None intya ichungulo yikihano, mugombeza kumubhonela ikigongwe. Nukumwisigako nimukole intyo kugomba ntihabhe kunanilwa namaganya galenze. ⁸ Kwilyo ndabhaheza umutima gugumisha ulukundo lwanyu ahabhona kuluhande lwage. ⁹ Iyi niyasabhabhu yandabha ndikiye, kugomba nshobhole kubhageza nukumenya komubhaheza insoni kuli kila kintu. ¹⁰ Mukabha mugiliye ikigongwe, wowose najewe kandi ndamugilila ikigongwe uyomuntu. Kilya chonsameheye - nkabha ndakisameshe chochose - Kilasamehewe kwinyungu yanyu kukubhaho kubhwa kristo. ¹¹ Ilinukugomba shetani ntaze akatukokolela ubhubheshi. Kukubha twebhwe ntituli abhalandage kumipango zage. ¹² Umulyango gwaluguluwe iwanje numwami hondaza mukihugo cha Troa kutangaza ijambo lya kristo halya. ¹³ Ni nkantya, hindali namaholo kumutima, kwisabhabhu hindamusanze mudugu wanje Tito halya. nalyondahweje ndabhasiga nukugaluka Makedonia. ¹⁴ Aliko yishimwe Imana, alio muli kristo imisi zose alatulongolela twebhwe mubhuganza. kuhitila twebhwe tulasambaza ukunuku kusole kwamalyo gage halya hose. ¹⁵ Kukubha twebhwe kumana, nubhwafu bhusole bhwa kristo, bhose mwabhalya bhakijijwe namulibhalya bhahonyejwe. ¹⁶ Kubhantiu bhagiye bhahona, bhalanuka kuva kulufu nu nfu. Kulibhalya bhagiye bhakizwa, nubhwafu bhusole kuva kubhulamvi kandi nukulamba. Ninde akulikiye ibhibhintu? ¹⁷ Kukubha twebhwe tutali nkabhandi bhantu bhaguza ijambo limana kwinyungu. Ichungulo yage, kubhusole nukwitwalalika, tulatangaza mukristo, nkakulya kotulagilwa kuva kumana, imbele yimana.