¹ None lelo kubhilibhwa bhitangwa ingemu mubhitelekelwa: tulamenya yuko "twebhwe twese tulabhanye amalyo." galazana ukwibhona, aliko ulukundo lulubhaka. ² Akabha umuntu wowose yiyumvila ngo alamenya ijambo linaka, uyo muntu ntacho alamenya nkiko bhimukwiliye kumenya. ³ Aliko akabha wumwe mulibhenshi ashima Imana, uyo muntu alamenyekana kumana. ⁴ Lelo kubhwukulya bhitangwa ingemu kulisusanyo: tulamenya ati "ikisusanyo ntakalimo muliyo dunia," na ntayindi mana atali Imana yimwe kusa. ⁵ Kukubha haliho bhinshi bhilikwa imana akabha alimwijulu kandi mwidunia, nkakulya kohaliho "ibhigilwa mana nabhatata bhuja bhenshi." ⁶ "Niho iwachu haliho Imana yimwe kusa nayo niwe Data, bhyose bhyavuye iwage, natwebhwe twichaye iwage, na Data bhuja wumwe Yesu kristo, nawe niwe ibhintu bhyose bhyalabhayeho, na kuli wene twebhwe twese tuliho." ⁷ Ninkantyo, aga malyo ntigalimo mumuntu wowose, hanyuma yaho, kela abhandi bhalatelekeye ibhigilwa mana, ninkatya bhalalya ibhilibhwa bhitangwa ho ingemu. Impindula zabho zahuganyijwe kukubha nabhayolo. ⁸ Aliko ibhilibhwa ntalicho kilotunyomoza twebhwe imbele zimana. twebhwe ntituli bhabhi chane tutaliye, kandi ntitulibheza chane tuliye. ⁹ Aliko mubhe nubhwitegelezi ngo ubhuhulu bhwanyu ntibhubhe inyanda muvamo yukumuchitaza umuyolo wumwizelo. ¹⁰ Geza wiyumvile ngo umuntu akubhonye, wewe ulinubhumenyi, ulya ibhilibhwa munzu yibhitelekelwa. Ubhuntu bhuyo muntu ntibhulokwiyeleka na nyene alye ibhilibhwa bhitangwa ingemu kubhisusanyo? ¹¹ Kulintyo kukubha ubhumenyi bhwawe bhukuli halugulu yingene yibhitelekelwa, mwene wachu kandi mwishiki wawe alinyolo, nawene kandi kristo yafuye kubhwiwage, agiye ahonywa. ¹² Kulityo, ugiye ukola ichaha kubhwa mwenewanyu nabhishiki bhawe nukukolomesa impindula zabho zili inyolo, mukolela ichaha kristo. ¹³ Kulintyo, akabha ibhilibhwa bhyomuchitaza mwenewanyu kandi umwishiki, hindolya inyama nakatoyi, ntindamuzanilize mwene wachu na mwishiki wanje kuchumula.