¹ None lelo amagambo gondayandise: Ngene gali, . ² Aliko kukubha kukwliye ubhuzenga, kila mugabho-gabho abhe numugole wage wene nyene, numugole kandi abhe numugabho wage. ³ Umugabho amuheleze umugole wage ibhimugeze wene; aliko umugole kandi amukolele intyo nyene mugabho wage. ⁴ Umugole ntali-nubhuganza halugulu yumubhili gwage wene-nyene, aliko mugabho wage. alinabho, nantyo kandi, umugabho ntaganza umubhili gwage wene-nyene, aliko umugole alaganza. ⁵ Ntimwimane homulala hamwe, aliko mwemelanye akanya kasizweho. Nimukole ati mushileho akanya kukusenga. kandi mushobhole kugalukilana kandi hamwe, kugila ati kilanga ntiyendeleye kubhaha ibhifuzo kukukena mwemwe kwilamila. ⁶ Nantyo lelo ngamvye ilyo kunzila yokubhalekula, ntali kunzira ya kutanga iteka, ⁷ Aliko doshimye abhantu bhose bhabhe ngene ndi jewe nyene kondi. Aliko kila umwe alinimpano yage, wene-nyene kuva ku-Mana. uyu yalatwikuluwe kuno, na ulya yalatwikuluwe kulya. ⁸ Kwabhaliya bhatimulwa nabhakechuru ngamba intya, bhilabheleye iwabho bhasigaye bhatimuwe, nkingene jewe ndi. ⁹ Aliko mukabha mutashobhola ukwalagila, bhageze kwimulwa. Kukubha bhasezele iwabho kwimulwa atali kubhana ibhifuzo. ¹⁰ Kulibhaliya bhatimulwangiye ntanga amalagilo, aliko ntalijewe nkilese ni Data bhuja. "Umugole-gole ntalekane numugabho wage." ¹¹ Aliko akabha avuyeho kuva kumagabho wage, asigale ntyonyene atimuwe au handi-ho agaluke kumugabho wage. Na "Umugabho ntagezwe kutana numugole wage." ¹² Aliko kulibhaliya bhasigaye, ndagamba- jewe, hindi Data bhuja- hakasha umudugu wowose ali numugole atizeye na uwayemeye kwichala nawene, ntagombezwa kumuleka (kumuhakana) ¹³ Hakabha umugole-gole ali numugabho atizeye, na kama yalemeye kubha na wene imiso zose, ntamuleke. ¹⁴ Kuko umugabho atizeye yuhagilwa kukuhita kwemeje kumugole wage. Kandi umugole atali atizeye aluhagilwa kukuhita kuli mugabho wage uwayemeje. Handiho abhana bhanyu ntibhobhaye bhela, aliko kubhukuli bhaluhagiwe (bhalabheleye). ¹⁵ Aliko uliya ataali numwizele agiye numuleke agenda. Kulintyo, umusaza numwishiki ntabhohwa nibhilahizi bhyabho. Imana yilatuhamagaye tubhe nubhulamvi mwakavubhu. ¹⁶ Umenya nte ngene umugole, hakabha amukiza umugabho wage? Au umenya nte ngen umugabho, ngene yumukiza mugole wage? ¹⁷ Kila umwe abhe nubhulamvi nkuko Data bhuja yabhagabhuliye, kila umwe kuko Imana yabhahamagaye bhene. Aha nihonchila iwanje kuma-sengelo gose. ¹⁸ Niwahe yali yalisilamuwe hoyahamagalwa kwemeza? Ntageze kuvanaho ialama yukusilamulwa kwage. Niwahe wowose uwahamagwe ni Imana atalasilamulwa? Ntagombezwa kusilamulwa. ¹⁹ Kwili naho yalasilamuwe kandi uwatarasilamulwa ntakintu chochose wala. Ikili nikintu nukufata Iteka zi-Imana. ²⁰ Kungene kila umwe asigale kwilagano lukumutima halya hoyahamagawe ni Imana yemeje. ²¹ Wali imbohohwa halya Imana hiya kuhamagala?tubhe namagolwa kwillyo. Aliko ukabha ushobhola kutabha namagolwa, kola intyo. ²² Kukumenya wowose muli Data bhuja uwahamagawe ali umuja numuntu yahawe ukwiganza na Data bhuja, natyo nyene wulya yahamagawe yiganza, numuja wa Kristo. ²³ Mwalahwejwe kukuzwa kukuzimba, nimuleke kubha abhaja bhabhana bhabhantu. ²⁴ Umuzaza numwishiki bhanje, kubhulamvi bhose bwa kila umwe muli twebhwe ngene twahamagawe kwemeza, tusigale ngene tuli. ²⁵ None, bhalya bhose bhaliya bhatalayimula, hindi ni Iteka kuva iwa Data bhuja. Aliko ndatanga kombonye jewe ndumuntu yayeleswe ikigongwe na Dta bhuja, kubha umwemelesi. ²⁶ Kwilyo, ndabhona ilyo kubha lisole kungolane, ni-bhisole umugabho-gabho yichale ngene ali. ²⁷ Walaziliswe nu-mugole kukizilo chu bhwimuzi? Ntugombe kubhohwa kwilyo. Tubhohwa kuva kumugole au atalayimulwa? Ntulondele umugole. ²⁸ Aliko wimuye, ntubha ukoze ichaha. Niho Inkumi yitalayimulwa yimuwe, ntabha akoze ichaha. Naho bhilintyo bhalya bhahangaika kwili kungene kwinshi. Najewe ngomba ndakingile nago. ²⁹ Aliko ngiyi ngamba intya, bhadugu bhanje, akanya kasigaye. Kuva intya nakwizo nsiku, bhalya bhali nabhagole ni-bhabhe nkabhatali na bhene. ³⁰ Na bhaliya bhasigaye bhalila bhabhe nkabhalya bhatasigaye bhalila, na bhalya bhasigaye bhashimiliza, bhabhe nkabhatasigaye bhashimiliza nabhagiye bhagula ikintu chochose, bhakabha bhatagila ikintu. ³¹ Nabhaliya bhichaye mubhu bhelelo, bhabhe nkabhatakoze nabho. Nkabha ngene ubhwelelo bhudura mwisho. ³² Aliko ngomba ntimubhe na magolwa. Umugabho-gabho atalayimula akola amagambo ga Data bhuja, ngene amushimila wene. ³³ Aliko umugabho-gabho uwayimuye ngene akola amagambo gi ntala, ingene yumushimila mugole wage, ³⁴ Kandi haliho intanya yumugole-gole uwatimulwa au uwatalaviluka akola amagambo ga Data bhuja,abhe mwiza umubhili nu-mutima. Aliko uliya yimwe akola amagambo gi-ntara, yino, ingene yomubheza umugabho wage. ³⁵ Ngamba intya ndabhalonkesheje iwanyu mwemwe nyene, na hinshila umutego iwanyu. ndagamba intya kukubha nikuli, none lelo mulashobhola kwisigilaho ubhusole (ubhukfu) iwa Data bhuja atali nikikwazo chochose. ³⁶ Aliko hakabha umuntu yiyimvila ntashobhola kumukolela neza ubhukumi bhwage, kukubha ibhiyumvilo bhyumutima bhili ninguvu zinshi, leka abhone nawene nkingene ashima. Ntali ichaha. ³⁷ Aliko akabha uwiganza kutimula, na ntahaja yukulazimisha, na akabha ashobhola kwiganza chumumutima gwage, alokola neza kutimula. ³⁸ None, uwimula inkumi yage akola neza, na-wowose uliya achagula kutimula akola neza chane. ³⁹ Umugole-gole abhohwa numugabho-gabho atalafa. Aliko umugabho akabha afuye, aligenza, yoyimulwa numuntu wowose wagomba, muli Data bhuja kusa. ⁴⁰ Aliko bhyobheleye wene chane akichila ingene ali niko ndabhibhonye jewe, na jewe ntiyumva ko jewe ndini mpemu yi Imana.