¹ Umwe muli mwemwe abhaye agamugoye numugenzi, mulageze kugenda mwimalilo lya magambo lya bhatakola neza muleka kugenda imbele ya-mubhayemeye? ² Ntimumenya ko abhizegeye bhalochila ulubhanza ubhwelelo? Mukabha muchila ulubhanza ubhelelo, ntimushobhola ukufata amagambo gatalaye? ³ Ntimumenya kutulobhachila ulubhanza bhamalaika? kubhigeze hehe bhulenze, tuyobhola kufata amagambo gubhulamvi bhuno? ⁴ Tukabha tuyobhola kucha ulubhanza amagambo gubhulamvi ubhu, kuki mugenda kwistaka mubhatahagalala mulusengelo? ⁵ Ndagamba gano kunsoni zanyu ntawali nubhumenyi muli mwemwe yoyobhola kushila amagambo neza kumudugu numudugu? ⁶ Aliko ngene bhili intya, uwizeye umwe agenda kwichilo lyulubhanza atwala uwizeye uwundi, nkawene nago magambo gashilwa kuwacha ulubhanza atizeye! ⁷ Ukuli nintya haliho ibhibhagoye hagati mubha Kristu agazanye ubhunanilane iwanyu. Kuki ntimugolehe kulibhibhi? kuki mwemela kubhehwa? ⁸ Aliko wakoze ibhyaha nukubheha abhandi, nabho nibhene wanyu nabhishiki bhanyu! ⁹ Ntimumenya ko abhatakola neza ntibholochula ubhwami bhwi Imana? Ntimwizige ubhubheshi. Inzenga, kubhasenga ibhisusanyo, abhasambanyi, abhafilaji, abhabheshi, ¹⁰ Abhivi, abhimanyi, imbolelwa, abhakanyi,abhatukagulanyi-mulabho ntwalochula ubhwami bhwi Imana. ¹¹ Nabho bhali bhamwe ni mwemwe. Aliko mwalahwejwe kubhazwa, aliko mwalahwejwe kuhagilwa, aliko mwalahwejwe kushilwa intanya ni-Mana, aliko mwalemelese imbele yi Imana mwi zina lya Data bhuja Yesu Kristo nukumpemu yi Imana yachu. ¹² "Ibhintu bhyose bhilageze iwanje," aliko ntali kila kintu kilininyungu. "Ibhintu bhyose bhilageze iwanje," aliko hindoganzwa na kimwe kilyo. ¹³ Ikilibhwa nikwajili yinda, ni ninda nikwajili yibhilibhwa," aliko Iman a yilobhikulaho bhyose. Umubhili ntigwalemwe gukole ubhuzenga, gwakozwe, umubhili gubhe gwa-Data bhuja, na Data bhuja alagubheza umubhili. ¹⁴ Imana yalamuzuye Data bhuja natwebhwe kandi alotuzula kubhushobhozi bhwage. ¹⁵ Ntimumenya ko ibhili zanyu zose zahujiwe kumwe na Kristo? Muyobhola inte kutanga ibhido bhaya Kristo nukugenda kubhitelanya ni Inzenga Ntibhiyobhola! ¹⁶ Ntimumenya uwatelanye ni-nzenga yabhaye umubhili gumwe na wene? Ingene ilya lyandiswe ligamba, "Bhabhili bhalobha umubhili gumwe." ¹⁷ Aliko uwatelanye na Dta bhuja abha numutima gunwe na wene. ¹⁸ Nimwuluke ubhuzenga! kila ichaha chakola umuntu ni hanze numubhili gwage. Aliko ubhizenga, umuntu akola ichaha kumubhili gwage wene nyene. ¹⁹ Ntimumenya ko imibhili zanyu kali ulusengelo lwi Impemu yela, yichala muli mweme, ulya womwahawe kuva kumana? Ntimumenya ati ntali mwemwe nyene? ²⁰ None komwaguzwe kukuzimbuha. kuli ilyo ni muikenguluke Imana kumibhili zanyu.