¹ Nukuli haliho amagambo ati nubhusambanyi bhyiyindi ngene bhutali na mubhapagani, bhokubha umugabhogabho fulani alinumugolegole wa sewage. ² Namwe muligina, kandi ntibhyabhagaishishije kugila ati ukulweho ave iwanyu? ³ None hindi kumwe mumumili aliko ndikumwe na mwemwe kubhu-mutima, ndalahweje kumuchila ulubhanza weme uwakoze ijambo ilyo nkiwaliho. ⁴ Ngene himuhulila kumwe mwizina lya Data bhuja wachu Yesu, numutima gwanje guli haliya nki-nguvu za Data bhuja wachu Kristo, ndalahweje kumuchila ulubhanza uyu muntu. ⁵ Ndalahweje kumuheleza umuntu iwa kilanga (satani) habhe ati umwili gwage gononwe, nahene umutima gwage yihweze kukizwa muli ilya nsiku ya Data bhuja. ⁶ Ukwikuza kwanyu ntalikisole. Ntimumenya ko ukugaha katori kokugahisha iligegalyose? ⁷ Mushile kule ubhugahe bhyakale, mubhe ibhigega lishasha, kungene muli intagashe. Kukubha nukuli Kristo, Ipasaka, yachu yatanzwe (Ikigemulo) Isadaka. ⁸ Kuli intyo nitukole ubhushala gutali gubhugahe bhyakela, kandi hatari kubhugahe bhubhononyi nubhubhi. Aliko none, tushimile numukate ugutali ibhitagaha nukuli. ⁹ Mwikete lyanje ndabhandikiye mwemwe muleke kwitatikilanya nukutelana nabhinzenga (abhazinzi). ¹⁰ Hindagamba kukubha abhinzenga bhintara iyi, kandi nabhali nibhifuzo nabhakanyi kandi nabhalya bhafukamila ibhisusanyo, aho bhyobhakwiliye kuva mwiyo ntara. ¹¹ Aliko ndabhandikila amagambo ntimwishile hamwe nu-muntu ahamagalwa umudugu uwali muli-kristo, aliko ali-nzenga au wibhifuzo bhibhi, kandi asabha ibhisusanyo, au umutukagulanyi, imbolelwa. Kandi ntimulye kumwe nu muntu kaulya nyene. ¹² None bhigeze inte kubhachila ulubhanza abhali hanze yisengelo? None lelo, mwemwe ntimubhachila ulubhanza bhomuli kumwe munzu yisengelo? ¹³ Aliko Imana yilabhachila ulubhanza abhali hanze. "Mukulemo ulya muntu akola ibhyaha muli mwemwe"