¹ Intya niko umuntu ntitubhalula twebhwe, nkabhakozi bha Kristo nabhagalikizi bhi ibhihisho bhyi Imana. ² Kwili, ikigombezwa kubhagalikizi bhabhe bhogwisigira. ³ Aliko iwanje jewe ni kintu kitori chane ngene achilwa ulubhanza na mwemwe ulubhanza lwa-bhana bhabhantu. Nkuko ntichila ulubhanza najewe nyene. ⁴ Ntindichila ulubhanza jewe nyene, ilyo ntali kugila ati jewe ni-muhukole neza. Ni Data bhuja achila ulubhanza. ⁵ Kuli ilyo, ntimuche ulubhanza kuli lyolyose katalagela akanya, hataragela akanya atalaza Data bhuja. Niwo alozana ahabhona amagambo gihishije mumwilima nukutwikulula agali mumitima. Niho kila umuntu aloyakila ashimo lyage kuva Kumana. ⁶ Intya, bhadugu nabhishiki, bhanje jewe nyene kumwe na apolo ndakolesheje inzila izi kubhyanyu. kugila ati ukuva iwanyu muyobhole kwigana ukuli kwiyi ngambo, "Ntugende chane yingene chandiswe." ili lilintya ati haliho umwe muli mwemwe yikuza halugulu yu wundi ⁷ Kukumenya ninde abhona intanya mulimwemwe nuwundi? nikiki chulinacho na ntiwachakiye atacho utanze? mukabha mwalakiye atacho mutanze, kuki mukuza nkabhata koze intyo? ⁸ Mwakwijije mulinabhyo bhyose bhyo mogomvye! mwakwije mwabhaye abhatunzi mwatanguye kuganza- nukusumba twebhwe! nukuli, ntabhagombela ubhuganze bhyiza kugila ati tuganze kumwe na mwemwe. ⁹ Kwilyo ntiyumvila Imana yatusizeho twebhwe intumwa nkukutweleka ihelezo mumusitali gwabhandamana nkabhantu bhachiliwe ulubhanza liyu kwichwa. twabhaye nkichelekano kubhwelelo, kuli bhamalaika nikubhana bhabhantu. ¹⁰ Twebhwe tulibhilandage kubhya kristo, aliko mwemwe mulinubhwenge muli kristo. Ntitwiyobholela, aliko mwemwe mulinubhushobhozi. Mulakengulukwa, aliko twebhwe tulakengelwa. ¹¹ Nako kanya tulininzala ni nyota, ntituli nimyenda, tuli ni bhihano, nakandi hitulinaho hukwichala. ¹² Tulakola ibhikolwa kukuhusa, kumabhoko gachu twebhwe nyene. hotukengulwa, tulafuhula. Akanya kotugolagulwa, tulemelela. ¹³ Hotutukagulwa, twishula kubhwitonzi. twabhaye, tukili tubhalulwa nkabhayanzwe nii intala ni mwavu kumagambo gose. ¹⁴ Ntindandika amagambo aga kubhatela insoni mwemwe, aliko kubhakebhula mwemwe nka bhana bhanje bhonshima. ¹⁵ Naho mobha nabhigisha amachumi ikihumbi muli kristo, ntimuli nabhadata bhenshi. kukubha ndabhaye baba wanyu muli yesu kristo ukuhita mwi injili. ¹⁶ Intyo ndabhinginga munyigane jewe. ¹⁷ Ilyo nilyo lyanteye ndamutume iwanyu Timotheo, wonkunda muli Kristo, nkingene ndigisha hohose mumasengelo. ¹⁸ None bhamwe muli mwemwe bhalikuza, bhakola nkakuliya ako ndalokola iwanyu. ¹⁹ Aliko ndoza iwanyu intya nyene ikabha Data bhuja agomve niho ndomenya ntali amagambo gabho kusa abhikuza, ndobhona ubhushobhozi bhwabho. ²⁰ Kukubha ubhwami bhwi Imana ntibhubha mumagambo bhubha mubhushobhozi. ²¹ Mugomba iki? Inze iwanyu ninkoni kulukundo numutima gubhwitonzi.