¹ Najewe, mwene wachu nabhishiki bhachu, hindagavye na mwemwe nkabhantu bhumutima, aliko nkabhantu bhumubhili nkabhana bhatoli muliKristo. ² Ndalabhanywesheje amata kandi hatali inyama, kukubha mwali mutalakwitegula kukulya inyama. Nanikantya ntimulakwitegula. ³ Kukubha mwemwe mukili mumubhili, none kukubha ibhubha nukwibhona nabhilabhonekana muli mwemwe. Intyo, ntimulamvye kukwingana numubhili, kandi ntimutambula nkakulya kikinyabhantu? ⁴ Kukubha umwe agamba, "Ndamukulikila Apolo," uwundi kandi agamba nkulikila Apolo" ntimwichaye nkabhantu? ⁵ Apolo ninde? kandi Paulo ninde? abhakozi bhaulya mwamwemeye, kuli ulya aliwo Mwami yalamuhaye ilikolwa. ⁶ Jewendalategeye, Apolo alasukila amazi, aliko Imana yilabhikuza. ⁷ Kulintyo, ntawateye wala uwamusukiye amazi ntakintu. Aliko Imana yilabhikuza. ⁸ Nikantya uwagegela kandi nuwasukamo amazi bhose nikintu kimwe, na-kila umwe aloyakila ingelo yage kukwingana nibhikolwa bhyage. ⁹ Kukubha twebhwe bhakozi bhimana, mwemwe numulima gwimana, kandi ninzu yimana. ¹⁰ Kutuluka nakunzelu yi Imana yondahawe nkumubhasi mukulu, ndalagubhiseho umusingi, nuundi alibhaka halugulu yage. Aliko umuntu yiyangalile ingene yubhaka halugulu yage. ¹¹ Kukubha hatagila uwundi ashobhola kubhaka umusingi ugundi gusumba ugwayubhaswe, alio ni Yesu Kilistu. ¹² None hakabha umwe muli mwemwe yubhaka halugulu yage kwizahabhu, amahela, amabhuye gikimazi, ibhiti, imyasi kandi amabhabhi, ¹³ Ibhikolwa bhyage bhilotwikululwa, kumucho gumutaga habhona kwizubha haloyelekana. None lelo yiloyibhoneshwa numulilo. Umulilo gulogeza ubhwiza bhwibhikolwa bhyakila muntu umwe ahoyakoze. ¹⁴ Hakabha lyolyose umuntu lyowubhase lilosigala, wene aloyakila impembe. ¹⁵ Aliko hakabha ibhikolwa bhyumumtu bhigiye bhihona kumulilo, alobha homvye. Aliko wene nyene alokizwa, nkakulya ukwilega mumulilo. ¹⁶ Ntimimenya nkuko mwemwe muli munzu yimana kandi mumpemu yimana yichala muli mwmewe? ¹⁷ Hakabha umuntu yononye isengelo limana, Imana yilomonona umuntu ulya. Kukubha isengelo limana nilyela, nalyo alilyo mwemwe. ¹⁸ Umuntu ntiyibhehe wene nyene, hakabha wowose muli mwemwe yiyumvila ali nubhusole mugu mwanya, kwali "nubhwenge" niho alo alobha nubhwenge. ¹⁹ Kukubha ubhwenge bhwakwiyintala ubhu nubhulandage imbele zimana. kukubha lyayandiswe, "Bhalafatishwa bhalya bhali nubhwenge kubhubhi bhwabho" ²⁰ Nikantya "Data bhuja" alamenya ibhiyumvilo bhyabhala bhali nubhwenge nukwibheha." ²¹ Ninkantya umuntu ntiyobhone kubhantu kukubha ibhintu bhyose nibhyanyu. ²² Hakabha ali Paulo, kandi Apolo, kandi Kefa, kandi intala kandi ubhulamvi kandi ulobhaho byose ni bhyanyu, ²³ Na mwemwe nabha Kilisto kandi Kilisto wi Imana.