¹ Homdaza iwanyu bhene wachu na-bhishiki bhanje, hindaje kumagambo gukubhakolela nubhumenyi nkuko ndabhasumuliye ukuli kwanyegejwe ni Imana. ² Ndalitabhise kutamenya chochote homdali kumwe na mwemwe nkilese Yesu Kristo, nawe niwe yahanywe. ³ Ndali na mwemwe mubhugare, nukutinya, nukuzuguma chane. ⁴ Ubhutumwa bhwanje nukusigulila kwanje ntikwali mumagambo gukubhakolela kubhumenyi. Nkilese, kwali kumuselula mumpemu nubhushobhozi, ⁵ Ntiha-bhengo kwizela kwanyu, ntikubhe kubhumenyi abhantu bhwabhana bhabhantu, nkilese mubhushobhozi bhwi Imana. ⁶ None tugetubhaf ubhumenyi mubhantu bhakuze, aliko ntalu-bhumenyi bhwa mwiyi dunia, kandi bhwa -bhaganza bhamagiganya bhahita. ⁷ Hanyuma yaho, tugamba ubhumenyi bhwi Imana bhuli kumana bhwanyegejwe mukuli, ubhume bhwinyegeje bhwi Imana, yachaguye, yilovye hatalahela imisi zubhwela bhwachu. ⁸ Ntaliho umuganza wewese wamagiganya uwamenyese bhuno bhumenyi, bhobhayeho abhamenya mwa galya magigo, ntibhomugigaguje Data bhuja wubhwela. ⁹ Aliko nkiko bhyandiswe, "Amagambo go ijisho lyolyose litabhonye, kandi ukutwi kutayumvise, ibhiyumvilo ntibhyasaliye, amagambo gi Imana yiteze bhalya bhaishima (bhayikunda bhene)." ¹⁰ Aga namagambo go Imana yatutwikuluwe muli twebhwe kukuhita Mumpemu, kukubha Impemuyilitegeleza kila kintu, namagambo gali muma-Mana. ¹¹ Kukubha inde uwamenya ibhiyumvilo bhyu muntu, kulintyo Impemu yu-muntu muli mwage? None kandi, ntwaliho uwamenya amagambo gali mumana, hamwe lelo Impemu yi Imana. ¹² Aliko ntitwakiye Impemu yubhelelo, aliko twakwiye Impemu aliyo yiva kwi Mana, ngotuyobhole kumenya kubhuhulu amagambo kumagambo gotwahawe ni Imana. ¹³ Tulagamba gano magambo, gali nubhumenyi bhumuntu bhutashobhola kubhwiliza, aliko Impemu yilashobholakubhwiliza. Impemu yilabhigaguza amagambo gi Impemu kubhukuli bhwi Impemu. ¹⁴ Umutu atali wi-mpemu ntiyakila amagambo gi-mpemu gi-Imana, kukubha kuli wene, Impemu yi-Imana nubhubheshi. Ntashobhola kugamenya kuko gamenyekana kukiloho. ¹⁵ Kuli wulya wi Mpemu ulubhanza lwa lwamgambo gose. Aliko achilwa ulubhanza nabhandi. ¹⁶ "Ninde amenya ibhiyumvilo bhya Data bhuja. uwayobhola kumumwiliza wene?" Aliko tuli nibhiyumvilo bya Kristo.