¹ Jewe ntindiganza? jewe ntindatumwe? jewe hindamubhonye Yesu umwami wachu? mwemwe ntimuli amatunda gi ikikolwa chanje mumwami? ² Bhikabha jewe ntali intumwa kubhandi, ndi intumwa iwanyu mwemwe. Kukubha mwemwe nibhi yelekano bhyu ukutumwa kwanje hagati yumwami. ³ Ilyo nilyo inyishulo yanje kulibhaliya bhahaye bhambaza jewe. ⁴ Je ntituli nubhushobhozi bhokulya nukunywa? ⁵ Ntitulinubhushobhozi ukutola umugole yemeje nkingene bhakolesha intumwa abhandi, numudugu wu mwami, na kefa? ⁶ Au nijewe jenyene na Barnaba tutagila ubhushobhozi bhokukola ibhikolwa? ⁷ Numusilikale inde agenda kuntambala akanya kose kukwigolanya wenenyenye? ninde atela umuzabibu atalya amatunda gage? kandi ninde alagila umugana? atanywa amata gugo mugana? ⁸ Ngiye ngamba ago aga kubhuganze abhana bhabhantu? iteka nalyo ntiligamba aga? ⁹ Kukubha bhilandiswe mwiteka lya Musa, "ntutekele inka umunwa yigiye yilya ibhilibhwa." Nukuli aha Imana ilitwalalika inkaa? ¹⁰ Intya ntagamba ago kubhyachu? bhilandiswe kubhyachu, kukubha uliya alima ibhilibhwa bhila mukwiliye kulima kumwizigilo, wuliya asugula bhimukwiliye asugule kukwiziga kubha hamwe mukusugula. ¹¹ Ikabha twalateye ibhintu bhyo mumutima mulimwemwe, ilyo! nijambo linini iwachu tusuguye ibhintu bhyumubhili kuva iwanyu? ¹² Ikabha abhandi bhalalonse iyingelo kuva iwanyu, itya! twebhwe ntali chane? na intyo, ntitwa yishuje ingelo iyi. ilisubhiyaho, twalemeleye amagambo gose ntitubhe ibhiki nanizo bhi injili ya kristo. ¹³ Ntimumenya yiko bhose bhakola ibhikolwa mulusengelo kobhalonka ikilibhwa chabho ukuva mulusengelo? ntimumenya nkuko bhose bhakola kumadhabhahu bhalalonka umwanya kulibhiliya bhitangwa kumadhabahu? ¹⁴ Kubhwilyo, umwami yalateguye ati bhose bhasambaza injili imvuga ubhutumwa bhibhakwiliye kulonka ubhulamvi bhuvuye mwiyo injili. ¹⁵ Aliko ntindabhishuza ingelo zose zino. Kandi ntindandika aga kugila ijambo lyolyose likoleke kuli jewe. Njanye jewe infe kuliko umuntu wowose ukuonona kuno kwikuza kwanje. ¹⁶ Nkuko bhili ndayihubili injili, ntindi ninge yukwikuza,kukubha bhila kwiliye nkole ibhi. Ndagowe jewe nkabha ntahubili injili! ¹⁷ Nkoze ibhi kukugomba kwanje, ndini ngelo. Aliko hakabha hatali kukugomba, nchali ni ilikwiliye lyondahawe ukuhagalikila. ¹⁸ Ingelo yanje niki? yokubha ngiye mpubili, ntanga injili ita zimvye kandi kukolesha ubhushobhozi bhwanje bhondi na bhwene mwiyo injili. ¹⁹ Kukubha ndiganza kulibhose, ndalakolese umuja wabhose, kugila nshobhole kolonka chane. ²⁰ Mubhayahudi ndalinkumuyahudi, ngomba ndabhalonke abhayahudi. Kulibhalya hasi yi iteka, ngiye ngomba ndabhalonke bhaliya bhalihasi yi iteka ndalakoze ityo aliko jewe nyene ntindali hasi yi iteka. ²¹ Kulibhaliya bhali hanze yiteka, ndalumwe mulibhene hanze yiteka, aliko jewe nyene ntindali hanze yiteka lyi Imana, nkilese kazi yi iteka lya Kristo, ndakoze intyo ngomba ndabhalonke bhalya bhali hanze bhali hanze yiteka. ²² Muntiyobholela ndili intiyobholela ngomba ndabhalonke intiyobholela. Ndalikwokwose kubhantu bhose, ngomba kunzila zose ndonke ukubhakiza bhamwe. ²³ Jewe ndakola amagambo gose kubhwi injili, ngomba ndonke ifuhu. ²⁴ Ntimumenya kukwiluka bhose bhananilana kobhiluka, aliko iwakila impembo kali umwe? Intyo nimwiluke kugila mulonke ingelo. ²⁵ Umukinyi agiye yigana alaleka ibhindi bhyose akihaye yigana. Abho bhakola intyo bhalonke itaji yononekala, aliko twebhwe tuliluka kukugomba tulonke itaji yitononekala. ²⁶ Kuli intyo jewe ntindiluka atacho ndilukila kandi ntikubhitana ingumi nkiwakubhita umuyaga. ²⁷ Aliko ndagugolagula umubhili gwanje nukugukolesha nkumuja, kugila ati hondobha mpwaje ukubhahubili abhandi, jewe nyene ntimbe wo kwangilwa.