¹ Tugambe itya ndagamba kundimi zabhantu nazabhamalaika. Aliko nkabha ntabhanye ulukundo, mbaye umulinga gulila kandi imboge yihinda. ² Kandi ndabhanye impano yu bhubhuzi nubhumenyi bhukuli zinyegeje nubhwenge nintyo ndinikizelo chukwimusa imisozi. Aliko kabha ntabhanye ulukundo, jewe ntakalimo. ³ Na tugambe intya ndatanga bhyombanye bhyanje bhyose nukubhalisha abhakene, na ati ndagutanga umubhili gwanje ntulilwe umulilo. Aliko kabha ntabhanye ulukundo, ntanyungu yilimo. ⁴ Ulukundo lulemelela kandi lulafasha ulukundo ntilwigamba neza kandi kwibhona ntilubhanye ubhuchimba. ⁵ Kandi uluhozi, ntilulondela amagambo gage, ntilubhona kubhabhala kumwanya mutoli, kandi ntilubhalula mabhi. ⁶ Ntilushimila ubhugunganyi. Intanya yago inshimila mubhukuli. ⁷ Ulukundo lulemelela amagambo gose; lulemela amagambo gose, lulinukwiyemelela amagambo gose, nukukomelela amagambo gose. ⁸ Ulukundo ntiluhaga. Kabha haliho kubhula kose kulavaho, kabha haliho indimi zilahaga. Kabha haliho ubhumenyi bhulavaho. ⁹ Kukubha intamenya kuluhande kandi tukola ubhubhuzi kuruhande. ¹⁰ Aliko yikaza yilya yikwiliye, yilya yitakwiliye yilohita. ¹¹ Hondali ndumwana, ndagamba nkumwana, ndiyumvila nkumwana. Hondabhaye umuntu akuze ndalabhise kulele na jewe amagambo gichana. ¹² Kukubha none tubhona nka kukilole nkinsuso mumwilima, aliko kwako kanya tulobhona uluhanga kuluhanga. None ndamenya uluhande, aliko kugo mwanya ndomenya chane nka jewe ngene ndamenyekanye. ¹³ Aliko none aga amagambo atatu ntigalovaho: kwizela, kutegela kiza, nulukundo. Aliko ilikomeye chane mulago nulukundo.