1 Kwakalya kahamana ka mumutima, bhakulu bhanje na bhishiki bhanje hingomba mukene kumenya. 2 Mulamenya ati homwali mutali abhanya bhyaha mwalongolewe kukulikila ibhigilwa mana bhitagamba, kunzila zozose mwalongolewe nabhyo. 3 None, ngomba mumenye ati nta wowose agamba kubhwa mpemu wi Mana agamba, "Yesu yalasivwe." nta wowose alogamba, "Yesu numwami," aliko kulibhwampemu yela. 4 None lelo haliho akahamana katanye tanye, liko mpemu yela niulya nyene. 5 Nahaliho ibhikolwa bhitanye tanye, aliko umwami niulya nyene. 6 Nahalimo ingele nyinshi zibhikolwa, aliko imana niyene nyene yizikolela ikazi zose mwali bhose. 7 Kwalintyo kila umwe alahabhwa kutwikululwa kwa mpemu kunyungu ya bhose. 8 Aliko umuntu wumwe alahawe na mpemu ijambo lyubhwenge, nuwundi ijambo lyubhumenyi kulimpemu wulya nyene. 9 Kuwundi ahabhwa ikizelo kulimpemu wulya nyene, na kuwundi akahama kukukiza kulimpemu wumwe. 10 Kuwundi bhyakola bhinguvu, nuwundi kubhula. Nukuwundi ubhushobhozi bhukusobhanula mpemu, uwundi izindi ntanya zi ndimi, nukuwundi kuzobhanula indimi. 11 Aliko mpemu niwulya nyene akola ibhi bhikolwa bhyose, amuha kila muntu akahamana kingene agomvye wene nyene. 12 Nkakulya umubhili aligumwe, nago guli nibhyendo bhinshi, nibhyo bhyendo bhyose numubhili gulya nyene, ninkuko nyene bna kristo. 13 Kwalintyo mwli mpemu umwe twebhwe twese twalabhatijwe kubha umubhili gumwe, kabha tulabhayahudi kandi abhayunani, kabha tuli abhaja kandi abhatali abhakozi, bhumuntu natwese twalanyweshejwe impemu yimwe. 14 Kukubha umubhili ntali ilyendo limwe, aliko nibhinshi. 15 Akabha ukugulu kogamba, "kukubha jewe ntalukubhoko, jewe hindi uluhande lumubhili," icho ntichotela kutabha uluhande lumubhili. 16 Nahakabha ukutwi kogamba, "kukubha jewe ntali ijisho, jewe hindi uluhande lumubhili," uko ntikoligila kutabha uluhande lumubhili. 17 Kabha umubhili gose gubhaye ijisho, kubhayehe kumva? kabha umubhili gose gobhaye ukutwi, kobhayehe kunusa? 18 Aliko imana yabhiseho kila ilyendo lyumubhili uluhande lwage kingene yagomvye wene nyene. 19 Na kabha bhyose bhyobhaye ilyendo limwe, umubhili gobhayehe? 20 Kwalintyo icho ibhyendo ni bhinshi, liko umubhili nigumwe. 21 Ijisho ntilyoshobhola kukubhwila ukubhoko, "hindi nachowo nfasha." Kandi umutwe ntigoshobhola kugabhwila amagulu, hindi nachomonfasha." 22 Aliko ibhyendo bhyumubhili bhibhonekana kubha ni heshima ntoli bhilagombwa chane. 23 Ibhyo bhyendo bhyumubhili bhyotugilati bhilini heshima ntoli, tulabhiha kukengulukwa chane, nibhyendo bhyachu bhitabhanye nukushimwa bhilinu bhusole chane. 24 Kwalintyo ibhyendo bhyachu bhilinubhu sole ntakobhyohabhwa kukengulukwa, kukubha bhija bhyalakenguluswe. Aliko imana yala bhibhise ibhyendo bhyose hamwe, kandi yabhihaye kukengulukwa chane bhilya bhitakengulukwa. 25 Yakoze ityo ntihabheho kwigabhula kubhivanye kumubhili, aliko ibhyendo bhyose bhibhikilane kulukundo lubhumwe. 26 Nahandi ilyendo limwe libhabhaye, ibhyendo bhyose bhila bhabhalila hamwe. Kandi ilyendo limwe likenguluswe, ibhyendo bhyose bhishimile hamwe. 27 None namwe numubhili gwa kristo, nibhyendo kila kimwe uruhande lwage. 28 Nimana yalabhiseho mwikanisa bhambele abhatumwa, bhakabhili abhabhuzi, bhakatatu abhigisha, kandi nabhalya bhose bhakola ibhikolwa bhikomeye, kandi nakahamana kukukiza, bhalya bhafasha, bhalya bhakola ibhikolwa bhukulogoza, nabhose bhaliningene zitanye tanye zi ndimi. 29 None twebhwe twese tuli abhatumwa? twebhwe twwese tuli abhabhuzi? twebhwe twese tuli abhigisha? kandi twebhwe twese tulakola bhikulumbisha? 30 Kandi twebhwe twese tulinaka hamana kukukiza? twebhwe twese tulagamba kundimi? twebhwe twese tulasobhanula indimi? 31 Nimulondele chane akahamana kakomeye. nanje ndabheleka inzila yibheleye chane.