¹ Nimulondele ulukundo nukubhelwa chane impano zo-mutima. Kulenza chane mulonke ukutanga ubhubhonyi. ² Kukubha wene agamba kugamba ntagamba nabhantu agamba ni Mana. ntawaliho amenya, kukubha agamba amagambo ganyegejwe muli-mpemu yela. ³ Aliko ulya atulusa ubhubhonyi, agamba nabhantu nukubhakomeza, kubhatimbisha imitima, nukubhafariji. ⁴ Uliya agamba ingambo itamenyekana aliyubhaka wene nyene, aliko wene uwatanga ubhubhonyi yubhaka ishengelo. ⁵ None ndagamba mwemwe mwese komugamba kwingambo. Aliko ukusumba nago, ndagomba mutange ubhubhonyi. Wene uwatanga ubhubhonyi nimukulu kusumba wene uwagamba kwi-ngambo (hamwe abheho uwabhilobhanula), kugila ati isengelo kubhakwa. ⁶ Aliko lelo, bhene wachu nabhishiki bhanje, nkaloza iwanyu nukugamba kungambo, ndabhafasha iki mwemwe? Hinyobhola, kandi kunzila yubhwenge, kandi ubhubhonyi, au kunzila kukubhabhwilza. ⁷ Akabha ibhiti bhitabhanye ubhugingo nki filimbi kandi Inanga (kinubi) bhitatulukije ubhwaku bhutanyetanye, bhilomenyekana nte ilyombo kigiye kivuzwa? ⁸ Hakabha yilotulusa ubhwaku bhutamenyekana umuntu alomenya nte kukwitegula kundwano? ⁹ Intyo nyene na mwemwe. mukutulusa ululimi ijambo litali kwene, ni-ngene yinde yu-muntu alomenya ibhyo mulobha mugiye mugamba? Mulohola mugamba, atanuwabhimenya. ¹⁰ Nta numwitimo kohali ingambo nyishi zitanye tanye mukihugo, na ntayiliho na yimwe yitali ni-maana. ¹¹ Aliko hakbha nyamenya ingene yingomba, ntabha umulazi iwage wene uliya avuga kungambo, nawe uwagamba alobha umulazi iwanje. ¹² Nityo nyene na mwemwe. Kukubha mwifuza chane ukubhona ikimenyeso chi-mpemu, nimugombe chane chane kulilyubhaka isengelo. ¹³ Kulintyo, wene avuga kungambo nasabhe ahabhwe ukubhishobhanula. ¹⁴ Hakbaha nsenze kugambo umutima gwanje gulasenga, aliko ubhwenge bhwanje ntibhuli nibhyamako (amatunda). ¹⁵ Nkole inte? Ndosenga muli-mpemu yanje, aliko kandi ndosenga na-kubhwenge bhwanje. Ndalilimba muli-mpemu yanje, kandi ndolilimba kubhwenge bhwanje kandi. ¹⁶ Ikisubhiyeho, ukashimila Imana muli-mpemu, wene uliya mulazi yitabha-nte "Amina" hushimila wewe nawe atamenya bhyuvuze? ¹⁷ Ni iyukuli wewe ushimiye neza, aliko uliya wundi ntiyubhakwa. ¹⁸ Ndashimila Imana kukubha ngamba kungambo ukubhasumba mwemwe mwese. ¹⁹ Aliko mwikanisa njanye jewe ngambe amagambo matanu kubhwenge bhwanje kandi ndonke kubhabhwiliza abhandi, kulenza chane amagambo ibhihumbi chumi ku ngambo. ²⁰ Bhene wachu nabhishiki bhanje, ntimubhe abhana mubhiyumvilo bhyanyu. Ikisubhiye mubhintu bhibhi mubhe nkabhana bhabhayoya. Aliko mubhiyumvilo bhyanyu mubhe abhantu bhakomeye. ²¹ Bhilandiswe mwi Teka ati, "Kubhantu bhi-zindi ngambo nakuminwa za-bhalazi ndogamba na-bhantu bhano. Aliko none ntibholonyumva," yalagamye Umwami. ²² Intyo, izi ndimi nikimenyeso, ntali kubhemeje, aliko nikwabhalya bhatemeje. Aliko ukugambishwa ni-Imana nikimenyeso, ntali kubhemeje, nikuli bhaliya bhemeje. ²³ None, hakabha ikanisa lyose lyakonganye hamwe na bhose bhagambe kungambo, na-bhalazi nabhapagani bhalinjiyemo, ntibhalagamba ati mulasala? ²⁴ Aliko akabha mwese mubhwiliza numupagani kandi umulazi akinjila, alonyemulwa nagaliya gose goyategeje. Alochilwa ulubhanza nagose gagamvwe. ²⁵ Ibhahishijwe mumutima gwage bhyoseluse. Aho nyene, yaguye ubhubhame nukusabha Imana. Nukwemela kwi Imana yili hagati yanyu. ²⁶ Niki kikulikila none, bhene wachu nabhishiki bhanje? aho mukongana hamwe, kila umwe alini zabuli, amafundisho, amatwikululo, ingambio au kulobhanula, nimukole kila kintu kukulyubhaka ikanisa. ²⁷ Hakabha wowose ulya agamba kungambo, nibhabheho bhabhili kandi bhatatu, na kila umwe agambe kukuhanilana. Nuwundi kandi uyo muntu alagombezwa alobhanule liliya ligamvwe. ²⁸ Aliko hakabha atamuntu yoyobhola ukulobhanula, kilamuntu aholele ntagambe mwikanisa. None umweumwe na aiyage wenenyene na Mungu wage. ²⁹ Nabhabhonyi bhabhili kandi bhatatu bhagambe, nabhandi bhategeze iligamvwe. ³⁰ Aliko uwichaye akelekwa ijambo mubhikolwa bhinama, uliya yaliagiye agamba na aholele. ³¹ Kukubha mwese muyobhola kugambishwa ni Mana havaho bhumwe hasubhilaho ubhundi kukugomba ati kila umwe ayobhole ukwibhwiliza nukutimbishwa Imitima. ³² Kukubha impemu zabhabhonyi ziganzwa nabhabhonyi. ³³ Kukubha imana atali imana yimivulugano, wene nimana yamavubhu. nkakulya kobhili mumakanisa gabhemeje, ^{36 34} Abha gole gole bhalimwikanisa. Bhalagombezwa bhaholele kukubha bhatalekuliwe ukugamba. Kulityo, bhalagombezwa bhichale kukwitonda, nkingene iteka ligomba. ³⁵ Hakabha haliho lyolyose lyobha bhelewe ukwibhwiliza, nibhabhaze abhagabho bhabho imuhila.Kukubha ali ibhiteye insoni umugolegole kugamba mwikanisa. Nonese ijambo lyi Mana lyavuye iwanyu? none lyasoholeye mwemwe bhasa? ³⁷ Hakagila umuntu yibhona kali umubhonyi au bhumu-mpemu, alagombezwa agamenye aga magambo gongiye ndabhandikila aligo amaagizo gu Mwami. ³⁸ Aliko atagamenyese gano, nimuleke ntabhamumenye. ³⁹ Kulintyo lelo, bhene wachu na-bhishiki bhanje, nimwifunze chane kukutanga ubhubhonyi, kandi ntimumwangile umuntu wowose kukugamba kwi ngambo. ⁴⁰ Aliko amagambo gose gakoleke kubhusole nubhusole kandi bhukebhuke.