¹ Kandi Sawuli yali yemelanidje n' uluphu gwiwe. Icho gihe nicho yabhanjidje kugilila nabh' Ikanisa dy' Iyelusalemu; maz' abhizela bhosi bhahungila mu bhiche vy' Ibhuyuda, muli Samaliya mugabh' intumwa zasigayeyo. ² Abhantu bh' abhelanda nibho bhaziche Sitefano kandi bhalamubhologela chane. ³ Aliko Sawuli yagiliye nabh' Ikanisa. Kuko yagenda hosi mu nzu zabh' agafat' abhagole hamwe n' abahgabh' akabhashila mw' ibhohelo. ⁴ Abhizela bhakomedje kuvugil' Imana haliya hosi bhali bhanyanyagiliye. ⁵ Maze Filipo, aladuga mu mudji w' Isamaliya maz' abhabwil' ivya Kilisito. ⁶ Hanyum' ikolanilo limaze kwunva hamwe no kubhon' ibhitangaza bhikozwe na Filipo, bhashizeh' umwete wo kwunviliza neza kuli bhidya yavuze. ⁷ Guhel' ichogih' abhantu bhenshi bhalunvishidje, maz' impwemu zibhi zalabhavamwo zibhatedjedj' ugwamo lunini ;kandi na bheshi mu bhamugay' amagulu hamwe n' ibhimuga bhalakizwa. ⁸ Maze mu mudji wosi habhaye h' umunezelo mwinshi. ⁹ Aliko halabhay' umunt' umwe ngaho mu mudji izina dyiwe yitwa Simoni , kand' uwo yakol' ubulozi; yabhukolesha mu gutangaz' abhantu bh' igihugu ch' Isamaliya nawe yivuga yukw' al' umunt' agambhalaye chane. ¹⁰ Abasamaliya bhosi kuva kumwana mto no ku bhakuze bhala mwunviliza; maze bhalavuga bhat' '' Uyu muntu niwe bhubhasha bw' Imana nkulu.’’ ¹¹ Bhalamwunviliza kuko yabhatangadje mu gihe kilekile kubhel' ubhulozi bwiwe. ¹² Aliko bhamaze kwizela Filipo yukw' avuga hedjuu y' ubwami bw' Imana no hedjulu y' izina dya Yesu Kirisito habhatizw' abhagabo bhe n' abhagole. ¹³ Kandi na simoni nawe nyene yalizeye: kand' amaze kubhatizwa yagumanye na Filipo; maz' abhony' ibhitangaza vyakoleche, yalatangaye. ¹⁴ Igih' intumwa zali muriyelusalemu zimanzekunva yuko samalia nayo yadyakiy' idjambho dy'Imana, bhachiye bhalugika petelo na yohana ¹⁵ Bhamaze kuzayo bhalabhasengela kugila bhakile Mpwemu Yela. ¹⁶ Kuko kugez' uwo mubhagwa Mpwemu Yela ntiyali bwaze kulibho; bhali bhabhatidjwe gusa mw' izina dy' umwami Yesu. ¹⁷ Maze Petelo na Yohana bhabhashilakw' amabhoko, maze bhakila Mpwemu Yela. ¹⁸ simon' amaze kubhona yuko Mpemu Yela yakiwe guchila kugelekwa hibhiganza na ntumwa;yashache kubhaha amahela. ¹⁹ Avuga’’ nimumpeleze bhuno bhushobhozi kugila uwonzogelekakw' amabhoko wesi yakila Mpwemu Yela. ²⁰ Aliko Petelo yamusubhidj' ati, '' Amahela yawe n' adjane nawe kuko wibhaza yukw' ingabhile y' Imana yotangwa kugula. ²¹ Ntakintu wosangila , muli kino gikogwa , kubhel' umutima wiwe ntugololokey' Imana. ²² Nuko lelo niwihane bhuno bhubhi kand' useng' Imana wosanga yokubhabhalil' icho chiyumvilo ch' umutima wawe. ²³ Kuko ndakubhona yuk' ufis' umubhabhalo wo kubhohwa muchaha . ²⁴ Simon' alavuga yishul' ati, '' Nimunsabhile ku Mana , kuko bhino bhintu vyosi muvuze vyohava bhibhako.'' ²⁵ Petelo na Yohana bhamaze kwemez' idjambho dy'Imana bhagaluka muli Yelusalemu; bhavug' ubhutumwa mu vyalo vyinshi vyo muli Samaliya. ²⁶ Maze malayika w' Imana yabwiye Filipo kand' amubwil' ati, '' haguluka gend' amadjepfo munzil' ituluka muli Yelusalemu welekedje muli Gaza.'' (uwo muhulila welekeza mu bhugalagwa.) ²⁷ Alahaguluka alavayo,Lebha, halih' umuntu wo muli Etiyopiya, mu bhutwale bw' Ikondasa. Niwe yalihagalikiy' ubhubhiko bwosi, kandi yaliyaguye gusengela muli Yelusalemu. ²⁸ Yalikw'alagaluka yichaye mu mukogote wiwe yisomel' igitabho ch' umuvugishwa Yesaya. ²⁹ Mpwemu yavuganye na Filipo maz' alamubwila,'' Niwegel' uwo mukogote, wifatanye nawo''. ³⁰ Maze Filipo yalamwegeleye yamwumvishidj' asoma mugitabho ch' umuvugishwa Yesaya ; alamubhaz' ati,'' Ivy' ulikw' ulasoma wabhisobhanukiwe? ³¹ Maze wa mwetiyopiya yamusubhudj' ati '' Nosobhanukigwa gute kand' atamuntu yansobhanuliye?''Asabha Filipo yuko yokwinjila mu mukogote bhakichala hamwe nawe. ³² Ibhi nivyo vyandichwe vyaliko bhilasomwa n' uwo mwetiyopiya ngo '' yadjanywe nk' intama kudja mwi bhagilo kubhagwa, yali yumiliye nk' intama , ntiyasamaich' akanwa. ³³ Kubwo kubhabhazwa kwiwe yavaniweh' ulubhanza gwiwe; Ninde yovuga kuvy'uluvyalo gwawe? ubhuzima bwiwe bwalavanyweho mu gihugu. ³⁴ Maze nkone yabhadjidje Filipo, alavug' ati,ndagusavye''Uwumuvugishwa yalikw'alavuga, chankwe yavuga ku nkulu z'uwundi munrtu?'' ³⁵ Filipo yabhanjidje kuganila nawe , yatanguliye kwicho chandichwe cha Yesaya maz'amubwil' ubhutumwa bwiza bwa Yesu. ³⁶ Bhakigenda bhashika kumugazo wa mazi maze ya nkone ilabhaz' ati, '' Lebha hano halih' amazi.N'igiki chobhuza kubhatizwa?'' ³⁷ Filipo yamusubhudje ati'' Wizeye k' umutima wawe wosi wobhatizwa . '' Maze wa Mwetiyopiya yasubhidj' ati '' Ndizeye Yesu Kilisito tukw' aliwe mwana w' Imana.'' ³⁸ Maze wa Mwetiyopiya yategeche yuko wa mukogote wohagalala. Bhamanuche mu mazi, Filipo alamubhatiza. ³⁹ Bhamaze kuva mu mazi , Mpwemu w' Imana yateluye Filip' amudjana kule, ya nkone ntiyasubhiliye kumubhona , maz' ikomez'umunezelo n' ulukindo gwishi. ⁴⁰ Aliko Filipoi yabhoneche muli Azoto . yachiliye mulicho gihe chos' avug' ubhutumwa bwiza mu midji yosi kugez' ashiche kugeza muli Kayisaliya.