¹ Umuhelezi mukul' alabhaz' at' '' ibhi bhintu ni vy' ukuli? ² Maze Sitefan' alabhabwil' ati , ''Bhene mama namwe bhavyeyi nimunyumvilize neza ; Imana nkulu yiyeleche Sokulu Abhulahamu chagihe yali muli Mesopotamiya chagih' atalashik' Ihalani, ³ Maz' ilamubwil' iti '' Uve mugihugu chawe no mubhavukanyi bhawe kand' ugende mugihugu nzokweleka. ⁴ Ava haliy' Ibhukalidayo maze yibhela mu gihugu ch' Ihalani, kandi se wiw' amaze gupfa , nih' Imana yamuzanye mwakino gihugu mulimwo. ⁵ Ntakintu yamuhaye ngo kimubhel' umulagwe kandi ntaho yalifise yo kata n' amagulu yiwe . Aliko na chagihe Abhulaham' atalolonk' Umwana, yahaw' isezelano dyoguhabw' igihugu kibhe gwiwe hamwe nabhazomu~komokaho. ⁶ Kand' Imana yavuganye nawe yukw' abhazomuko~mokaho bhazobha mukindi gihugu mugihe gitoyi kand' abho mulicho gihugu bhazobhahindul' abhakozi bhabho , kandi bhazobhagilila nabhi chane mu myak' amadjan' ane. ⁷ Kand' Imana yongela kuvug' iti, idyo hanga lizobhagil' abhadja hamwe ninyagano nzolihana, nabho bhazovayo bhaze hano hantu bhasenge . ⁸ Maz' Iman' itegek' Abhulahamu kuvyo gukebwa , kandi Abhulahamu niwe se wa Isaka, Isaka nawe niwe se wa Yakobho, kandi Yakobho nawe niwe se wa bhasokulu bhachu chumi n' abhabhili. ⁹ Kuko bhasokulu bhachu bhagiliy' inzigo Yozefu, bhalamugudjidje mu gihugu cha Misili mugabh' Imana yalikumwe nawe. ¹⁰ Imuvana mu mibha~bhalo yiwe yosi kand' ahabwa kwubhahwa bhe nu kumelegwa neza bhe n' ubweng' imbhele y' Umwami Falawo wa Misili ¹¹ Maze habhay' inzala nimibhabhalo myinshi mulichogihugu ch' Imisili hamwe n' Ikanaani kandi bhasokulu bhachu bhabhul' ivyokudya. ¹² Yakobho yumvishidje yuko mul' Misili haliy' ivyokudya yalungiche bhasokulu bhachu mulugendo gwabho gwambhele. ¹³ Bhongeye gusubhilayo Yosefu yalabhiyeleche kand' umudyango wa Yosefu wos' ulamenyekana kuli Falawo. ¹⁴ Yosefu yalungiche bhenewabho ngo bhagende kuzana sewabho Yakobho kugil' aze mul' Misili . Hamwe n' umudyango wiwe bhosi kuko bhagela nka milongw' umushanju na bhatanu. ¹⁵ Maze Yakobh' alamanukila muli Misili hanyum' alapfa nabhasokulu bhachu. ¹⁶ Bha~bhazika haliy' Ishekemu mw' izikilo sokul' Abhulahamu yaguze kubhana bha Hamoli yaliguz' ibhimanyu vy' amafeza. ¹⁷ Chagih' Abhulahamu yasezelaniwe chegeledj' abho bhantu bhalagwila chane mulicho gihugu cha Misili ¹⁸ Mul' ichogihe haz' uwundi mwami muI' Imisili , kand'uwo ntiyamenya Yosefu. ¹⁹ kand' uwomwami agilila nabhi bha sokulu bhach' abhakoz' isoni hamwe nokwich' abhana bhabho kugila ntibhabheho . ²⁰ Mos' amaze kuvuka ; yalimwiz' imbhele y' Imana, bhamulela mugihe ch' amez' atatu munzu ya se wiwe. ²¹ gutabwa nih' umukogwa wa Falawo yamwitoleye maz' amugila nkumwana wiwe . ²² Mose yasomeye mul' Misili kandi yal'umuntu afis' inkomezi bhe n' ubwenge bw' abhantu bho muli Misili muvyo yakola hamwe n'ivyo yavuga. ²³ Akwidjidj' imyaka milongw' ine yipfudjidje kugenda gutembelela bhene wabho bh' Abhayisilayeli ²⁴ Amaze kubhona kungene bhaliko bhalagila nabh' umwe mubhayisilayeli bhila mubha~bhaz maze akubhita wamuntu wo mul'Misili. ²⁵ Yaliyipfuza yuko bhene wabho bhabhisobhanukigwa yukw' Iman' ishaka kw' abhalokola, yuko yashaka kubhalokol' aliko ntibhabhi sobhanukiwe. ²⁶ Uwundi mubhagwa yasanz' Abhisilayeli bhaliko bhalagwana maz' alabhabwila ati ''Bhagenzi mwebwe mulavukana n' ukubhel' iki mugililana nabhi?'' ²⁷ Aliko wawundi yalik' alakubhita mugenziw' alamusunula kand' alavug' ati ''Ninde yakweleye kuduchil' ulubhanza?'' ²⁸ Wew' ushaka kunyicha nkuko wishe wa muntu Misili.?'' ²⁹ Mos' avyumvishidj' alahunga kand' abha mugihugu ch' Imidiyani, kandi yavyaliyeyo abhahungu bhabhili. ³⁰ Hahez' imyaka milongw' ine yabhonekewe na malayika mubhugalagwa bw' umusozi wa Sinayi, mumbeya z' umulilo waliwakila mukigunda. ³¹ Mos' abhony' uwo mulilo bhilamutangaza maz'' atangalila kidya yabhonye kand'agelagedje kwegela kugil' alabhe , yumv' idjwi dy'Imana limubwila liti '' ³² Njewe nd' Imana yabhasokulu bhawe, kandi nd'Imana ya Abhulahamu na Isaka na Yakobho; bhituma Mos'agugumwa chane kandi ntiyongeye kulebha. ³³ Iman' ilamubwil' ati ''Vanamw' ibhilato vyawe, kukw' ahant' uhagaze n' ahantu hela. ³⁴ Nukuli nitegeledj' imibhabhalo y' abhantu bhanje muli Misili nabhonye kungene bhabhagilila nabhi, nanje ndadje kugila ndabhalokole; None lelo nshaka nkulungike mul' Misili. ³⁵ Uwo niwe Mose wo bhanse chagihe bhavuga ngo, ''Ninde yakugiz' umutwale nu muchamanza wachu? Yal' aliw' Imana yatumwe kubh' umutwale nu mulokozi wabho. Imana yamutumwe kukuchako kwa Malayika yamubhonekeye Musa mukigunda ³⁶ Mose yabhavanye muli Misil' amaze gukolelay' ibhitangaza n' ibhimenyecho bhacha munyanja ya shamu, no mubhugalagwa mugihe ch' imyaka milongw' ine. ³⁷ Uwo Mose niwe yabwiy'Abhisilayel' ati, '' Iman' izobhazanil' uwundi muvugishwa azotuluka muli mwebwe njewe, azobh' ameze nkanje. ³⁸ Uwo niwe yalikumwe na dya kolanilo hadya mubhugalagwa kandi yaganiliye na malayika ku mulambhi Sinayi.Uwo yalikumwe n'abhakula~mbhele bhachu, kandi niwe yakiliye dya djambho dy'Imana libhayeho maze alaliduheleza. ³⁹ Alikw' ab hakula~mbhele bhachu bhalamugaye bhamushibhulila kule yabho, mumitima yabho bhahindukiliye muli Misili. ⁴⁰ Icho nicho gihe bhabwiye Aloni ngo ''Dukolel' izindi mana zitudj' imbhele.Kuko wa Mose yadj' imbhele yachu kuva muli Misili, ntitumenya yabhay' iki. ⁴¹ Maze bhakol' inyana mul' iyo mibhagwa bhayihelez' amasadaka kandi bhadyohelegwa cha kigigwa mana bhakoleshedj' amabhoko yabho. ⁴² Imana yalabhaleche bhosi inyenyeli zomwitazanule, nk' ukwo vyandichwe mu gitabho ch' umuvugishwa ngo '' Mbhese mwalazaniy' amasadaka y' inyama zibhazwe haliya mubhugalagwa muli ya myaka milongwine yemwe bhantu bh' Isilayeli? ⁴³ Mwemey' ihema dyo Moleki na yanyenyeli y' ikigwamana Lefani, na vyabhishushsnyo mwakoze maze mulabhisenga, nanje nzobhadjana kule ya Bhabhuloni. ⁴⁴ Abhakula mbhele bhachu bhali bhafis' ihema dy' ukwemeza hadya mubhugalagwa, nka kudy' Imana yategeche Mose chagihe bjaganila yukw' akwiliye gukol' ibhisa na dya shusho yali yahawe. ⁴⁵ Idyo nidya hema dya bhakula~ mbhele bhachu bhagiye bhatwaye chagihe Yoshua yabhinjiza mugihugu iyo vyabhayeho chagihe bhinjila mugihugu kimw' Imana yavanyemw' abhakibhamwo bhasokulu bhatalagelamwo. vyakomedje gutyo kugez'imibhagwa ya Dawudi ⁴⁶ Uwo yemelewe n' Imana , chagihe yasabha kulondel' ichichalo kubw' Imana ya yakobho. ⁴⁷ Aliko Salomo yala yubhakiy'Imana inzu. ⁴⁸ Kandi nubhundi wohedjulu ntabha mumwezubhachwe na mabhok' uku ninkuk' umuvugishwa yavuze ⁴⁹ Idjulu ni gitebhe chanje, ni isi nahogushil' amagulu yanje ninz' imezegute mwonyubhakila? Iman' ilavuga; chanke nih' ahanje hokuhemulila? ⁵⁰ Mbe sukubhoko kulanje kulakoz' ibhi vyose. ⁵¹ Y emwe mwa ntagond' izosi mudasilamuwe mu mitima yanyu kumwe n' amatwi, ibhihe vyosi mulagwanya Mpwemu Yela mukola nkakudya kw' abhakula~ mbhele bhanyu bhakoze. ⁵² Ninde muvugishwa bhasokulu bhanyu bhateguye ?Bhish' abhaviugishwa bhosi bhabhayeho hatalaza wa mugololochi, kandi nawe mwalamwihakanye mula mwicha . ⁵³ Yemwe bhantu mwakiliye dya tegeko dyazanywe na malayika mugabho nti mwadyi tondeye''. ⁵⁴ Maze bhadya bhakulu bhavyumvishidje, bhila bhabhaza chane mu mitima , maze bhalasy' amenyo kubwa Sitefano. ⁵⁵ Alikwo wewe yudjudjwe Mpwemu Yela , yalevye mw' idjulu chane maz' abhon'ubwiza bw'Imana maz' abhona Yes'ahagaze mu kubhoko kw' ubhudyo bw'Imana. ⁵⁶ Sitefan' alavuga ati, '' Lebha, ndabhon' idjulu dyuguluche kand' Umwana w' umunt'ahagaze mu kubhoko kw' ubhudyo kw' Imana.'' ⁵⁷ Ivyo vyatumy' abho bhakulu bvhapfuk' amatwi yabho bhavuz' ugwamo chane kandi bhamugwa gitumo bhahulidje hamwe. ⁵⁸ Bhamutelulan' inkomezi nyinshi bhamutelela hanze bhamutelel' amabhuye kandi bhadya bhalimwo bhalamwemeza bhakuy' imyambhalo yabho bhayishila hasi ku magulu y' umusole yitwa Sawuli. ⁵⁹ Bhalimwo bhalamutel' amabhuye Sitefano, yakomedje guhamagal' Imana avug' ati '' Mwami Yesu niwakil' umutima wanje '' ⁶⁰ Alapfukama alahamagala n' idjwi linini, ati ''ntihahaluligwe kino chaha .''amaze kubhivug' alachikana.