¹ Mul' iyo mibhagw' abhigishwa bhakomeza kugwila chane maz' abhigishwa bh' Abhagiliki bhidodombhel' abhigishwa bh' abha hebhulayo, kukw' abhapfakazi bha bhibhagigwa mw' igabhula dy' imfashanyo dya bhul' umubhagwa. ² Intumwa chumi na zibhili zihamagal' ikolanilo dy' abhigishwa bhalabhabwila bhati '' Si vyiza yuko twebwe twolek' ijambho dy' Imana tukabhanza kugabhulil' abhantu. ³ Nuko lelo bhene data nimwitolaniliz' abhagabho mushanju muli mwebwe, bh' abhagwaneza, bhujujwe Mpwemu Yela, n' ubwenge, abho tubhahele ze kino gikogwa. ⁴ Kandi natwe tuzokomeza kwama dusenga hamwe no kugabhul' ijambho. ⁵ ayomajambo yanejelej' ikolanilo dyosi . nuko bhacha bhalamutolanya Sitefano,Prokoro,Nikanori,Timoni,Parmena,kumwe na Nikolao, umwizela w' Antiokia. ⁶ Abhizela bhazan' abho bhantu mumaso y' intumwa ,bhalabha bhabhsengela abhashilakw' amabhoko yabho. ⁷ Maz'ijambho dy' Imana likwila hosi; abhigishwa bhabha bhensh' Iyelusalemu; kand' abhahelezi bhenshi bhemel' ukwo kwizela. ⁸ Kandi Sitefano yali yuzuy' inkomez' akol' ibhitangaza bhikomeye hagati mu bhantu. ⁹ Alikw' abhantu bh' Isinagogi dy' itw' idy' abhidegemvya,hamwe n' idy' Abhakilene n' abh' Isikandeliya n' abhandi bhav' Ikilikiya n' Asiya. Bhabhanza guhalila na Sitefano. ¹⁰ Aliko ntibhashobhoye guchind' ubwenge n' Impwemu yavugila muli Sitefano. ¹¹ Maze bhosh' abhantu mw'ibhanga ngo bhaze bhavuge bhati '' Twumvishike Sitefan' avug' amajambho mabhi kuli Mose no ku Mana.'' ¹² Maze bhachabhosh' abhantu, hamwe n' abhatwale n' abhandichi bhalagenda bhafata Sitefano bhamuzan' imbhele y' abhachamanza. ¹³ Bhazan' abhavuzi bh' ibhinyoma bhavuga bhati '' Uyu muntu ntiyigel' al'eka kuvug' ibhibhi kuvyelekeye hano hantu hela no kuvyagezwe vyachu. ¹⁴ Kuko twamwumvishij' avuga yuk' uwo Yes' azokwonona hano hantu hamwe no kuvanah' imigenzo yachu twahawe na Mose. ¹⁵ Maze bhul' umuntu yal' aho mulubhanza yelekez' amaso yiwe kuli Sitefano, maze bhabhona mumaso hiwe hameze nk' amaso y' Umumalayika.