¹ Umunt' umwe yitw' Anania, bhe n' umugole wiwe Safila, bhagudjidj' itunga dyabho, ² maz' achalanyegez' igiche chamahela yobhagudjidje(kand' umugole wiwe nawe yalabhimenya), maz'azan' igiche gisigay' agishila mu magulu y' intumwa. ³ Aliko Petel' alavug' ati ''Ananiya nikubhel' iki Satani yudjudj' umutima wawe kuvug' ubhubheshi kuli Mpwemu Yel' ukunyegez' itunga dyawe ? ⁴ Igihe dyali litalaguzwe ntidy' itunga dyawe? siwewe wali ligabha? kandi limaze kuguzwa ntidyali m'ubhushobhozi bwawe? vyabhaye gute kugila bhikuzemwo mu~mutima wawe? ntiwabhash' abhana bha~abhant', aliko wahenz' Imana. ⁵ Amazekwumv' ayomadjambho, Ananiya yalaguye has' ach' alapfa. ubwobha bwinshi bwalabhuzuye kubw' icho kintu. ⁶ Abhasole bhachiye bhaza bhamushila mwisanda bhamutwala hanze kumuzika. ⁷ Hanyuma y ' amasah' atat' umugole wiwe nawe yalinjiye, aliko ntiyamenya nigiki chabhayeho. ⁸ Petel' alamubwil' ati ''Mbwila neza yuko mwagudjidje lidya tongo '' kulichogichilo. Alavug' ati ''Nukuli nichogichilo.'' ⁹ Hanyuma Petel' alamubwil' ati vyabhaye gute kugila mwemelanye kubhesha Mpwemu w' Imana? Lebh' amagulu yabhadya bhavuye kuzik' umugabho waw' alimu mudyango, kandi bhalagutelula bhagutwale hanze.'' ¹⁰ Ach' alagwa hasi imbhele ya magulu ya Petelo maz' achalapfa, bha~bha bhasole bhalinjiye munzu bhacha bhamusanga yapfuye bhalamutelula bhamutwala hanze kumuzika luhande yumugabho wiwe. ¹¹ Ubwobha bwinshi bwuzul' Ikanisa no kulibhadya bhavyumvishidje. ¹² Ibhitangaza vyinshi hamwe n' utwumiza vyakolegwa mu bhantu kubw' amabhoko y' intumwa. Bhosi bhahulila hedjulu mu chumbha chitw' icha Salomo. ¹³ Aliko ntawundi munt' asanzwe yatinyuche kwifatanya nabho; kandi bhubhahwa n' abhantu bhosi. ¹⁴ Abhizela bhenshi bh' abhagabho hamwe n' abhagole bhalagwililana, ¹⁵ kugez' aho bhikokel' abhagwayi bhabho bhakabha~dyamika kubhitanda n' ibhitebhe vyabho kugil' igitutu Cha Petelo mugihe Cho guchaho kibhagweko. ¹⁶ Abhantu bhensh bhava mu midj' iki~kidje Yelusalamu, bhazan' abhagwayi hamwe n' abhafashwe n' abhadayimoni, Kandi bhosi bhalakila. ¹⁷ Alikw' Umuhelezi mukulu hamwe nabhali kumwe nawe bhalahaguluka(Abho bhava mu mugwi w' abhasadukayo); bhagilil' inzigo ¹⁸ bhagolol' amabhoko bhafat' intumwa bhazitelela mw' ibhohelo dya bhosi. ¹⁹ Mugichugu Malayika w' Imana alabhugululil' imidyango yidyo bhohel' abhajana hanz' alabhabwil' ati ²⁰ "Genda muhagalale hagati Mulusengelo mubhabwil' abhant' amadjambho y' ubhu bhugingo." ²¹ Bhavyumvishije, binjila Mulusengelo mugatondo bhaligisha. Alik' Umuhelezi mukulu hamwe na bhadya bhamufasha bhalaza bhahamagaz' ichichalo Cha bhosi, hamwe n' abhatwale bhosi bha Isilayeli, abhalungika mw' ibhohelo ngo bhazan' intumwa. ²² Alikw' abho bhakozi ntibha~bhasanze mw' ibhohelo,bhalagaluka bhalabhi~bhamenyesha, ²³ Bhati " Twasanz' ibhohelo dyugaye Kandi n' abhalinzi bhahagaze kw' ilembh' ,aliko tumaze kwugulula nta Muntu twasanzemwo". ²⁴ Maz' umukulu w' ulusengelo hamwe n' abhahelezi bhakulu bhumvishidj' ayo madjambho,bhibhatela gukekelanya bhatangazwa n' ukwo vyoshobhoka. ²⁵ Haz' umunt' alabhabwil' ati " Abhantu mwataye mw' ibhohelo bhahagaze Mulusengelo bhigish' Abhantu ²⁶ Uwo musilikale hamwe n' abhakozi bhiwe bhalagenda bhabhavanayo mubhugwaneza bhatazany' imitongano,kuko bhatinya yukw' Abhantu bhobhatel' amabhuye. ²⁷ Bhabhazanye bhabhichalik' imbhele y' ichichalo Maz' Umuhelezi mukul' alabhasambisha ²⁸ alabhabhaz' ati "Twabhategeche Yuko mudakolesh' idyo Zina kwigisha, aliko Yerusalamu yosi mwayudjidj' inyigisho zanyu, Kandi mushaka kudusuka kw' amalaso y' uwo Muntu." ²⁹ Aliko Petelo hamwe n' izindi ntumwa bhalasubhiza Bhati" Bhikwiliye Yuko twokwumvil' Imana gusumvya mwebwe. ³⁰ Imana y' abhakulambhele bhachu niyo yazuy' uwo Yesu mwebwe mwishe, mu mumaniche hejulu kugiti. ³¹ Imana yalamushemagidje mukubhoko kwayo kw' ibhudy' imuha kubh' Umukulu no kubh'Umulokozi ,kugil' azane kwihana n' imbha~bhazi z' ichaha kubh' Isilayeli. ³² Ni twebwe bhagabho, twavyibhoneye,dufatanije na Mpwemu Yela yatanzwe n' Imana ku bhantu bhayubhaha." ³³ Abhachamanza Bhavyumvishije bhosi bhalashavulil' intumwa bhashaka kuzicha . ³⁴ Alikw' Umufalisayo yitwa Gamaliyeli, yal' umwigisha w' amategeko, yali yubhashwe na bhosi, yalahaguluch' asabha yukw' izo ntumwa bhazitwala hanze gatoyi. ³⁵ Maz' alabhabwil' ati " Yemwe bhagabho bha Isilayeli, mwitonde chane kuvyo mugombha gukolel' abho bhantu . ³⁶ Kuko mumibhagwa yashize haje Teuda maze yigil' agakomeye,kand' Abhantu bhagel' amajan' ane bhalamukulikiye . Yalishwe kand' abhamukulikiye bhosi bhalasanzaye ntibhasubhila kubhoneka. ³⁷ Kandi chagihe cho guhalul' Abhantu haje Yuda w' Igalilay' akwega bhenshi bhalamukulikila. Kandi nawe yaladjimidjwe Maz' abhamukulikiye bhalasanzala. ³⁸ Nuko lelo Ni mulek' abho bhantu, mubhilinde, Kukw' icho bhakola kibhay' al' ich' abhantu kizotitugwa. ³⁹ Aliko kibhay' al' igikigwa ch' Imana, ntimwoshobhola kukigwanya; mwohava mwisanga mugwana n' Imana " Maze bhalamwumvila ⁴⁰ Maz' ahamagal' izo ntumwa alizitonagul' azitegeka kutavuga mw' izina dya Yesu, bhalabhalekula bhalagenda. ⁴¹ Maze bhavuy' imbhele y'Abhachamanza bhanezelewe yuko bhate~telejwe kubw' idyo Zina. ⁴² Nuko bhul' umubhagwa bhagenda Mulusengelo hamwe no kwigish' inzu kunzu no kuvuga Yuko Yes'aliwe Mwami.