¹ Mugihe Petelo na Yohana bhalimwo bhalaganila n' abhantu, maz' abhahelezi bhakulu hamwe n'Abhasadukayo bhalaza. ² Bhalibhashavuliye Petelo na Yohana kuko bhigish' abhantu kuvyelekeye kuzuka kwa Yesu mu bhapfuye. ³ Bhalabhafata bhabhashila mugifungo kugeza mugitondo chabhukeye bwaho, kuko bwali bwidje. ⁴ Aliko bheshi mulibhadya bhalibhabhumvishije bhalizey' igihalulo chabho bhali nk' ibhihumbhi bhitanu. ⁵ Hageze mugitond' abhakulu bhabho, abhafalisayo hamwe n' abhandichi bhakolanila hamwe Iyelusalemu. ⁶ Kandi umuhelezi mukulu Anasi yalikumwe na kayafa , na Yohana bhe na Isikanda hamwe nabhavukanyi bh' umuhelezi mukulu ⁷ Bbhamaze kuzana Petelo na Yohana bhalabha~bhaza bhati '' Ibhi mubhikola kubw' inkomezi zihe kandi mukolesh' izina dyande?'' ⁸ Maze Petelo yudjudjwe Mpwemu yel' alabhabwil' ati '' Yemwe bhatwale namwe bhatama bh' abhantu , ⁹ muliko mulatubhaza kubwa kino kintu chiza chakozwe kul' uyu mugwayi, kandi mushaka kumenya kungene yakize? ¹⁰ Mwebwe hamwe nabhantu bhosi muli Isirayeli nimumenye yuko mw' izina dya Yesu Kilisto w'Inazaleti , uwo mwabhamvye maz' Imana ikamuzula nidyo dyatumye uyu munt' ahagalala kand' alimuzima. ¹¹ Yesu Kilisto niwe bhuye dyanswe na mwebw' abhubhachi, aliko nidyo bhuye likulu ligumy' inzu. ¹² Ukulokoka ntikwobhonekelamu wundi muntu. kuko ntalindi zina musi ytalino djulu dyahaw' abhantubhokubhalokola'' ¹³ Maze bhabhonye kudatinya kwa Petelo kandi bhamaze kumenya yuko bhalabhantu bhasanzwe kandi bhatasomye bhamenya yuko bhalikumwe na Yesu . ¹⁴ kuko bhabhonye wa muntu yakidjidjw' ahagaze luhande gwabho ntacho bhongeye kuvuga . ¹⁵ Bhamaze kubwil' Izontumwa ngo zibhabhisile ,maze bhalichala bhalabhiganila , ¹⁶ Bhalabhazanya bhati '' Abhabhantu tubhakolel' iki? kuko ntamuntu numwe yohakana kino gitangaza bhakoze kuko kila menyekana mubhantu bh' Iyelusalemu kandi natwe ntitwobhihakana. ¹⁷ Aliko kugila ntibhikwilagile hosi mubhantu , leka tubhabhuze ntibhasubhileyo kwigisha kumuntu wowesi bhakoleshej' Idyo zina. ¹⁸ Bhalahamagala Petelo na Yohana bhalabhabhuza ngo ntibhasubhile kwigisha mw' izina dya Yesu. ¹⁹ Aliko Petelo na Yohana bhalabhasubhiza bhati '' Mubhona yukw' alivyiza yuko twobhubhaha mwebwe tukagay' Imana? ²⁰ Kuko twebwe ntitwoleka kuvuga bhidya vyosi twabhonye tukumva'' ²¹ Bhamaze kubhabhuza chane maze bhalabhalekula ngo bhagende, ntakintu bhabhonye chotuma bhabhahana kuk' abhantu bhosi bhaliko bhalashimil' Imana kubwakidya kitangaza chakozwe ²² Uwo muntu yakidjidjwe yal' imyaka milongw'ine. ²³ Petelo na Yohana bhelekuwe bhalaza kubhantu bhabho bhabhakulu hamwe n' bhatwale. ²⁴ Bhamaze kuvyumva bhosi bhalatakambhil' Imana bhati'' Mana niwewe walemy' idjulu n' isi nibhilimwo vyosi . ²⁵ Kandi wakoleshedje Mpwemu Yela wewe wavugishije sokulu wachu Dawudi chagihe yabhaz' ati Kubhel' iki abhanyamahanga bhatel' ugwamo kandi bhagakulikil' ibhihend' amaso? ²⁶ Walavuze yukw' abhami nabhatwale bhayinosi bhahuliye hamwe bhakagil' umugambhi kuvyelekeye k'Umwami wawe '' ²⁷ Yego Pontiyo Pilato bhe na Helode hamwe nabhanyamahanga bhe n' Abhisilayeli hano mu~mudji kubw' umukozi wawe yela Yesu wasiz' amavuta. ²⁸ Ivyo bhampanze gukola ni vyabhindi wali walampanze kuva kale yuko bhikogwa . ²⁹ Nuko lelo mwami labh'itel' ubwobha dyabho, kandi dufashwe nawe kuvug' idjambho dyawe tutatiny' ikintu chochosi. ³⁰ Golol' ukubhoko kwawe gukize kand' ibhitangaza nibhikomeye bhikogwe mw' izina dy' umulokozi wawe yela Yesu''. ³¹ Bhamaze gusenga, hadya hantu bhali bhakolaniye hacha halagitita ,maze bhosi bhuzula Mpwemu Yela kandi bhavug'idjambho dy' Imana bhadatinya. ³² Abhizeye bhosi bhali hamwe bhahudjidj' imitima yabho. Ntanumwe yavuga yukw' ivy' atunze vyobha gwiwe gus' ahubwa vyosi bhali bhabhizangiye. ³³ Intumwa zavugish' inkomezi nyishi kuvyo kuzuka k' Umwami Yesu, kandi bhalibhemewe chane. ³⁴ Ntamuntu n' umwe mulibho yali kenye, kuko bhadya bhalibhafis' ibhibhanza hamwe n' inzu bhalabhiguza bhakabhizana. ³⁵ Bhabhishil' imbele yibhilenge vy'intumwa maze bhul' umuntu bhakamuheleza kungana n' ich' akenye. ³⁶ Yozefu yal' yal' umulewi yatuluk' Ikipulo, kandi intumwa zalamutaziliye yitwa bhalunabha ( bhisobhanuye ngo n' umwana w'Ihumule'') ³⁷ Yalagudjidj' ikibhanza chiwe maz' azan'amahel' ayashila kubhilenge vy' intumwa.