¹ Chagihe Apolo yali muli Kolinto, Pawulo yachiye mu madjalugulu mz' ashika muli Efeso, kandiyasanzey' abhigishwa lunaka. ² Maze Pawulo yabhabhadjidj' ati, ''chagihe mwizela mwalahawe Mpwemu Yela? bhalamusubhiza bhati,''oya, ntitwigeze twumva kuvyelekeye Mpwemu Yela; ³ Pawul' alabhabhaza ati,'' None mwebwe mwabhatidjwe gute? '' Bhalamusubhiza bhati, ''umubhatizo wa Yohana''. ⁴ Maze Pawulo yabhasubhidj' ati, '' Yohana yabhatiza kubwo kwihana. kandi yabhabwila yuko bhakwiliye kwizel' uwuzoza munyuma yiwe, aliwe Yesu.'' ⁵ Abho bhantu bhavyumvishidje, bhachabhalabhatizwa mw' izina dy' Umwami Yesu. ⁶ Pawul' amaze kubhashilakw'amabhoko yiwe, Mpwemu Yela yabhanukiyeko ,maze bhavuga mundimi no kuvugishwa. ⁷ Bhakili nk' abhagabho chumi nabhabhili. ⁸ Pawulo yinjiye mw'isinagogi maz' avugana nabh' akabhakwega~kwega kubw' ubwami bw' Imana. ⁹ Alik' abhayuda bhamwe bhibhigabha b hatagondwa, bhabhanjidje kuvuga nabh' inzila y'umwami mumaso ya bhosi. Vyatumye Pawul' alekana nabho kand' abhuza n' abhigishwa kubhegela. yabhanjidje kwigishiliza kwa Tilano bhul'umubhagwa. ¹⁰ Yabhikoze gutyo mu myak' itatu, bhitma muli Asiya bhumv' idjambho dy'umwami. Abhayuda kumwe n' Abhagiki bhosi. ¹¹ Imana yakolesh' amabhoko ya Pawul' ibhitangaza, ¹² kugez'aho n' abhagawayi bhakizwa, n' impwemu mbhi zalabhavamwo, igihe bhazanigw' imitwalo bhakoze ku mubhili wa Pawulo. ¹³ Aliko bhamwew mubhayelelezi bh' Abhayuda bhabhing' abhadayimoni mul' ako gache, bhabhikolesh' izina dya Yesu kugila bhalonk' inkomezi zo kubhinga dayimoni zibhi. Maze bhategeka bhadya bhafise dayimoni bhati, '' Tulabhabhinze mw' izina dyaYesu wa wund' avugwa na Pawulo. ¹⁴ Ivyo vyakogwa nabhana mushanju bh' umukulu wAbhayuda yitwa Skewa. ¹⁵ Dya dayimoni libhi lilabhasubhiza liti,Yesu ndamumenya, na Pawulo ndamumenya ;none mweho muli bhande? ¹⁶ Dya dayimoni libhi dyali muli wa muntu litalukila kw' izo nyelelezi zibhinga dayimoni maze bhikikila hanze bhali gusa kandi bhakomeleche. ¹⁷ Icho kintu kimenyekana kubhantu bhosi, Abhayuda kumwe n' Abhagiliki bhabhela muli Efeso.Bhalatinya chane, kand'izina dy' Umwami likomeza kwubhahwa. ¹⁸ Maze bhenshi mu bhizeye bhalaza kandi bhalitula kumwe no kuvug' ibhikogwa vyabho bhibhi. ¹⁹ Bhenshi muli bhadya bhosi bhakolesh' Ubhupfumu bhegelanya vya bhitabho vyabho, bhilatuligw' imbhele ya bhosi. Bhamaze guhalul' igichilo ch'ivyo bhinfu bhasanga kigel'ibhipande vy' ifeza ibhihumbhi milongw' itanu. ²⁰ Maz' idjambho dy' Imana likwizwa hosi mu bwaguke kumwe n'inkomezi. ²¹ Chagihe Pawulo yamal' igikogwa chiwe muli Efeso, Pawulo yategechwe na mpwemu yela gucha muli Makedoniya kumwe na muli Akanya; alavugati , ''Ninamala guchayo bhikwiliiye kugela no muli Loma'' ²² Pawulo yalugiche bhabhili bho mubhigishwa bhiwe bhagende muli Mkidoniya, abho ni Timoteyo kumwe na Elasito bhagenda bhamufasha. Aliko wewe yagumye muli Asiya kumwaya. ²³ Icho gihe muli Efeso hebhayey' ugwamo gwinshi yelekelanye n'iyo Nzila. ²⁴ Umunt' umwe yitwa Dametiliyo w' umuheshi, yakol'ibhishushanyo vy'ifeza vy' ikigigwa mana Diyana, yatungisha chan' abhaheshi. ²⁵ Maze yegelanya hamwe bhagenzi bhiwe mw'icho kikogw' alabhabwil ati, ''Bhanyakwubhahwa, mulamenyaneza yuko kino gikogwa kituliha chane. ²⁶ Kandi mulumva no kwibhonela yuko, si hano muli Efeso gusa, ahubwo ni nko muli Asiya yosi,uwu Pawulo yakweze kandi yahinduy' abhantu bhosi. Abhabwila yukw' ata mana yokogwa n' amabhoko ²⁷ S'ukwononekala kw' uludandazo gwachu gusa, ahubwo n' inyubhakwa y'imana yachu nkulu y'ingolagole Diyana bhizobhonekana yukw' atach 'imaze.Kand' izotituka yayindi yahol'isengwa muli Asiya no kwayinosi. ²⁸ Bhayumvishidje ,bhacha bhuzul'ishavu maze bhatel'ugwamo, bhalavuga bhati ''Diyana yo muli Efeso niyo nkulu'' ²⁹ Umudji wosi wuzul' ugwamo,maz' abhfata bhagenzi bha Paawulo ,Gayo kumwe na Alisitaluko, bhatuluka muli Makedoniya. ³⁰ Pawulo yashache kwinjila hagati y'abhantu alikw' abhigisha bhalamwakila. ³¹ Kandi, bhamwe mu bhakulu bho mugiche cha Asiya bhal' abhagenzi bhiwe bhamutumako bhamwihaniza chane kutinjila mu kibhuga ch'imikino. ³² Bhamwe mu bhantu bhavuga bhino kandi' abhandi bhakavug'ivyabho ntibhamenya bhali bhavangiwe.Bhamwe mulibho nyibhamenya n'ichabhazanye ngaho gukolana ³³ Maz' Abhayuda bhazana .Isikanda hanze y'umudj' imbhele y'abhantu. Isikanda yagoloy' ukubhako kugila bhamwumvilize. ³⁴ Aliko bhamaze kumenya yukw' al' umuyuda bhosi bhatel' ugwamo mw' idjwi limwe mugihe ch' amasah' abhili bhavuga bhati ''Diyana yo muli Efeso niyonkulu'' ³⁵ Umwandichi wo mu mudj'amaze kubhachechekesha, yalavuz' ati , yemwe bhantu bho muli Efeso, nind' atamenya yuk' uwu mudji wa Efes'alimo mubhichi w' inyubhakwa ya Diyana nkulu kumwe na chagishushayo chatibhuka gituluka mw'idjulu? ³⁶ Ivyo ntawobhigwanya ,nuko lelo mwilinde gukol' ikintu na kimwe kumalala. ³⁷ Kuko mwazanye bhano bhantu hano mubhulamuzi kandi ntacho bhafashwe bhibhe mu nyubhakwa chankwe kulogotwa ku mana yachu y'ingolagole. ³⁸ Nuko lelo kimbha Dametiliyo kumwe n' abhagenzi bhiwe bhafis' ikilego kumuntu wowesi ubhulamuzi bhuluguluye, kandi n'abhatwale bhaliho. Ni bhabhazane tuvyumvilize. ³⁹ Aliko kimbha halih'ikindi kintu mulondela kizomaligwa muchichalo chemewe. ⁴⁰ Kuko tuli mugihe kibhi cho kubhazwa lunogwamo gwa yuno mubhagwa. Ntacho tubhona chabhitumye, kandi nttuza gushobhola kubhisobhanula. ⁴¹ Amaze kubhivuga,yategeche yukw'ikolanilo lisanzala.