¹ Bhali muli Ikoniyo Pawulo na Bhalunabha bhinjiye mw' isinagogi dy' abhayuda maze bhavugana nabh'amadjambho mu bhudyo bwa tumy' abhantu bhenshi bho mubhayuda kumwe n' abhagiliki bhizela . ² Alikw' abhayuda bhatubhaha bha henda henz' ubwenge bw' abhanyamahanga bhatuma bhamelela nabh' abho bhagenzi. ³ Maze bhamalay'igihe kinini , bhavuga bhadatinya mu nkomezi z' umwami, kandi nawe yemej' ubwo bhutumwa bw' ubhutumwa bwiwe. Yabhakoleshedj' ibhimenyecho kumwe n' ibhitangaza vyakogwa n' amabhoko ya Pawulo na Bhalunabha. ⁴ Maz' igiche kinini ch' umuji gichikamwo kubhili, bhamwe bhagwa kuluhande gw'abhayuda , abhandi kuluhande gw' intumwa. ⁵ Chagih' abhanyamahanga kumwe n' abhayuda bhinging' abhatwale ngo bhatel' amabhuye kumwe no kugilila nabhi Pawulo na Bhalunabha, ⁶ Maze bhalabhimenya bhacha bhahungila mu midji yo muli Likaoniya,Lisitila, no muli Delibhe kumwe n' izindi mpande zihegeleye, ⁷ Kandi bhavugiyey' ubhutumwa bwiza. ⁸ Kandi muli Lesitila haliy' umunt' atagil'inkomezi mu magulu yiwe, yali yamugaliye munda ya nyina, kandi ntiyali bwigel' atambhuka na limwe. ⁹ Uwo muntu yumvishidje Pawulo alikw' alavuga. Pawulo yalamulavy' abhona yukw' afise kwizela kwo gukila. ¹⁰ Maz' alasemelel' alamubwil' ati '' Haguluka kumagulu yawe'' wa munt' alahaguluk'' abhanza kugenda genda. ¹¹ Ikolanilo bhabhony' ibhikozwe na Pawulo bhalatel' ugwamo mu Kilikawoniya bhati '' Imana za tumanukiye mw' ishusho z' abhantu''. ¹² Bhalunabha bhamwise '' Zeu'' Pawulo nawe bhamwita '' Helume'' kuko niwe yavuga kenshi. ¹³ Umuhelezi wa Zeu yalifis' ulusengelo gwiwe gwalili hanze y' umudji yazany' ipfizi y' inka kumwe n' ulugoli gw' amashugwe ngaho kwilembho dy' umudji. yalikumwe n' ikolanilo dyashaka gutag' ikimazi. ¹⁴ Aliko za ntumwa Bhalunabha na Pawulo, bhavyumvishidje bhitabhulilakw' impuzu maze bhaza ngaho kw' ikolanilo bhalila. ¹⁵ Bhalavuga bhati '' Yemwe mwa bhantu mwe , kubhel' iki mukol' ibhintu nk' ivyo? Twebwe natwe tulabhantu dufis' imibhili nkamwe . Tubhazanil' ubhutumwa bwiza kugila muve mulivyo bhintu bhitabheleye, kandi kugila muhindukilil' Imana, yoy' iliho kandi yalemy' idjulu kumwe n' isi, ikiyaga bhe n' ibhintu vyosi bhili mwo. ¹⁶ Mu mibhagwa ya kela yalalech' abhanyamahanga kugenda nkuko bhishakiye. ¹⁷ Aliko ntiya bhaleche gutyo bhatagil' ichabhona , yalabhahelez' imvula kuva mw' idjulu kumwe n' ibhihe vyo kwimbhula , yabhanezelez' imitima kubw' ivyokudya. ¹⁸ Ayo madjabho yalabhafashidje bhitum' ikolanilo libhuzwa na Bhalunabha kumwe na Pawulo gutanga dya shikanwa. ¹⁹ Alikw' abhayuda bhamwe bhatuluche muli Antiyokiya na Ikoniya bhalaza guhendahenda ikolanilo. Bhatela Pawul' amabhuye maze bhamukwegela hanze y' umudji bhibwila ngo yapfuye. ²⁰ Aliko bhadya bhigishwa bhali bhamwikikidje yalahaguluche, yinjila mu mudji kumubhagwa wa kabhili yagiye muli Delibhe kumwe na Bhalunabha. ²¹ Bhamaze kuvug' ubhutumwa mw' uwo muji kumwe no guhindula bhenshi kubh' abhigishwa, bhachiye bhagenda muli Lisitila no muli Ikoniyo kugela Antiyokiya. ²² Bhakomedje kulemesh' imitima y' abhigishwa, bhabhabwila kuguma mukwizela bhati '' Bhikwiliye yuko twinjila mu bwami bw' Imana duchiliye mu mubhabhalo myinshi. ²³ Bhamaze kubhatolel' abhakulu bha bhul' ikolanilo dy' abhizela, kandi bhabhikoze mu gusenga no kwisonzesha, bhabhashize mu mabhoko y' Umwami bhizeye. ²⁴ Maze bhachila muli Pisidiya bhagela muli Pamufiliuya. ²⁵ Bhamaze kuvugila muli Pelige bhacha bhamanukila muli Ataliya. ²⁶ Bhacha bhulil' imeli bhagenda mili Antiyokiya aho bhali bhitanze gukolel' igikogwa mu bhuntu bw' Imana kubw'igikogwa bhali bhamazegukola. ²⁷ Bhageze muli Antiyokiya bhakolany' ikolanilo hamwe, bhabhabwila vyosi nkukw' Imana yabhakoleshedje no kungen' abhanyamahanga bhugululiw' umudyango wo kwizela. ²⁸ Bhaguma ngaho hamwe n' abhigishwa ku gihe kinini.