¹ Icho gihe mw' ikanisa dya Antiyokiya halimwo bhamwe bh' abhavugishwa kumwe n' abhigisha. Abho ni Bhalunabha , Simewoni (yitwa Nigeli). Lukiyo wo muli kilene , Manayeni ( umuvukanyi w' ukuli wa Helode mukulu wicho giche) bhe na Sawuli. ² Bhaliko bhalaseng' Imana bhisonzesheje , Mpwemu Yel' alavug' ati '' Shila kuluhande Bhalunabha kumwe na Sawuli , bhankolel' igikogwa nabhahamagaliye. ³ Ikanisa lilasenga , lilisonzesha kumwe no kubhashilakw' amabhoko , bhalabhalungika bhalagenda. ⁴ Bhalunabha na Sawuli bhubhaha Mpwemu Yela bhamanukila muli Selewukiya , bhavayo bhachiliye mu kiyaga bhaja mukizinga cha Kiputo. ⁵ Bhali mu muji wa Salami, bhavugay' idjambho dy' Imana mu ma sinagogi y' abhayuda. kandi Yohana Maliko niwe yabhafasha. ⁶ Bhacha mul' icho kizinga chosi bhashika muli Pafo, bhasanga haliy' umuloz' umuyahudi yavugishwa mu bhu fyefya, izina dyiwe yitwa Bar_Yesu. ⁷ Uwo mulozi yafashanya n' umukulu Selugiyo Pawulo yal' incha bwenge. uwo munt' atumako Bhalunabha kumwe na Sawuli, kuko yashaka kumv' idjambho dy' Imana. ⁸ Aliko Elima wa mulozi ( kukw' izina dyiwe nikwo lisobhanugwa) alabhagawanya; agelageza guhubhish' uwo mukulu ngo ntiyizele. ⁹ Alikwo Sawuli yitwa Pawulo , yazuye Mpwemu Yela alamulebha chane. ¹⁰ Alamubwil' ati '' Wamwana wa satani we , wuzuy' ubhufyefya bwosi n' ubhubheshi. mbhesi ubhona woshobhola kuguma wonon' inzila z' Umwami? ¹¹ Lebha lel' ukubhoko kw' Umwami kudje kuli wewe kand' ugiye kubh' impumyi. Uzomel' igih' utabhon' izubha . ubwo nyen' umwiza wakolokeye ku maso ya Elima maz' azunguluka ngah' alondel' uwo mufat' ukubhoko. ¹² Uwo mutwal' abhony' ibhibhaye yachiye yizela , kukw' inyigisho z' Umwami zalamutangadje. ¹³ Maze Pawulo kumwe n' abhagenzi bhiwe bhalasoza bhava muli Pafo bhashika muli Pelige haliya muli Pamufiliya . Aliko Yohana yabhatayeyo yisubhilila muli Yelusalemu. ¹⁴ Pawulo na bhagenzi bhava muli Antiyokiya ya Pisidiya . ngaho bhinjila mw'isinagogi kumubhagwa w' isabhato bhalichala. ¹⁵ Bhamaze gusoma muma tegeko no muvy' abhavugishwa, abhakulu bhidyo sinagogi bhabhatumako bhati, '' Bhene data kimbha mwobha mufis' ubhutumwa bw' ihumule kuli bhano bhantu mwobhuvuga. ¹⁶ Pawul' alahaguluk' abhamanikil' ukubhoko maz' alabhabwila ' ati', ' Yemwe bhantu bha Isilayeli mwubhah' Imana , nimwumvilize. ¹⁷ Imana y' Abhayisilayeli niyo yatolanidje bha sogokulu , imaze kubhakolako bhabha bhenshi mugihugu cha Egiputa , kandi kubw' ukubhoko kwayo gukomeye yalabhavanyeyo. ¹⁸ Yalabhihanganiye mu myaka milongw' ine mubhugalagwa. ¹⁹ Imaze kwonon' amahanga mushanju mu gihugu cha Kanaani yahay' abhantu bhachu kwegukil' icho gihugu. ²⁰ Ivyo vyabhaye mu myaka nk' amadjan' ane na mulongw' itanu. Hanyuma yta vyosi yabhahay' abhachamanza. kugeza kuli wa muvugishwa Samweli. ²¹ Hanyuma yabha bhantu bhasabha guhabw' umwami, maz' Imana yabhahaye Sawuli mwene Kishi , wo muluganda gwa Benjamini yabhabheley' umwami mu myaka milongw' ine. ²² Iman' imaze kumuvanaho yabhazaniye Dawud' abh' umwami wabho. kuli Dawud' Imana yalavuz' iti '' Nabhonye Dawudi mwene Yese, kukw' anezeledj' umutima wanje kandi' azokola bhidya vyo nipfuza . ²³ Mulu ganda gw' uwo muntu , Imana yazaniy' Abhayisilayel' umulokozi, ni Yesu nkukwo vyali vyalasezelanywe. ²⁴ Bhitalabha ngo Yes' ashike, Yohana yavuze kumubhatizo wo kwihana ku bhantu bhosi bho muli Isilayeli. ²⁵ Kandi chagihe Yohana yagil' amal' igikogwa chiwe yalavuz' ati '' mwibhaze yuko ndide? njewe sindiwe. Aliko ndabhabwile nez' uwalikw' alaza sinemelewe no gukola kumigozi y' ibhilato vyiwe. ²⁶ Yemwe bhene Abhulahamu na bhadya bhaseng' Imana muli mwebwe, ubh' ubhutumwa bwo kulokogwa ni ku bwachu. ²⁷ Kuli bhadya bhabha muli Yelusalemu kumwe n' abhatwale bhabho, ntibhamumenye neza , kandi ntibhasobhanukiwe bwa bhutumwa bw' abhavugishwa bwame bhuvugwa bhul' isabhato , vyatumye bhashich' ubhutumwa bw' abho bhavugishe mu guchila Yes' ulubhanza gwo gupfa. ²⁸ Naho bhatamubhonyekw' ichotuma bhamwicha , bhasavye Pilato yukw' amwicha. ²⁹ Bhamaze gushicha bhidya vyali vyalandikiwe, bhamuvanye kugiti bhamudyamika mw' izikilo. ³⁰ Alikw' Imana yalamuzuye mubhapfuye. ³¹ Abiyeleche ku mibhagwa myishi kuli bhadya bhamukulikila kuva muli Galilaya no kudja muli Yelusalemu . Abho bhantu nibho vyabhona hagati y' abhantu. ³² Nuko lelo , tulabhazaniy' ubhumwa bwiza bw' amasezelano bha sokulu bhahawe. ³³ Imana yaya haye twebw' abhana bhabho, nicho chatumy' izula Yesu maz' imusubhiza mu bhuzima . Nikwo vyali vyandichwew muli zabhuli ngo '' Ni wewe mwana wanje kand' uwu mubhagwa mbhaye so wawe'' ³⁴ Ukwo kuli kwatumy' imuzula mubhapfu kugil' umubhili wiwe ntiwononekale , yavuz' ati '' nzoguha kwela kumwe n' imigisha y' ukuli ya Dawudi''. ³⁵ Ikinicho chatumye yongela kuvuga muli zabhuli ati, '' Ntuzokwemela yuk' uwela nayo yobhola.'' ³⁶ Kubhela Dawudi chagihe yamala gukol' ubhugombhe bw' Iman mugihe chiwe, yaladyamye, yadyamichwe hamwe na bhasekuluza kandi yalabhoze, ³⁷ Alik' uwo yazuwe n' Imana wewe ntiyabhoze. ³⁸ Nuko lelo nimubhimenye neza kuli mwebwe bhene Data yuko, muliwe tulamenyeshwa kuganyigwa kw' ivyaha. ³⁹ Muliwe bhul' umuntu yizey' ahaluligwa kugololoka kand' ivyo vyosi ntawo bhihabwa kubw'amategeko ya Mose . ⁴⁰ None lelo ni mwilinde kugila bhul' ikintu chavuzwe n' abhavugishwa ntikibhashikeko. ⁴¹ Lebha kandi mtangale mwebw' abhagayanyi, kuko ngila nkol' igikogwa mu mibhagwa yanyu . Icho gikogwa ntimuzochizela , naho hoz' umuntu kukibhamenyesha '' ⁴² Pawulo na Bhalinabha bhavuyeyo bha bhasabha yuko bhoganila kul' ayo madjambho kuyindi sabhato. ⁴³ Ikolanilo dy' isinagogi liheze, abhayuda kumwe n' abhizeye idini yabho bhakulikila Pawulo na Bhalinabha nabho bhalabhaganiliza bhabhbwila yuko bhoguma mw' ubwo bhuntu bw' Imana . ⁴⁴ Kuyindi sabhato umudji wosi wakolaniyeho kumviliz' idjambho dy' Imana. ⁴⁵ Abhayuda bhabhony' idyo kolanilo bhagil' inzigo, maze bhabhanza kugwanya bhidya Pawulo yavuga bhamutuka. ⁴⁶ Aliko Pawulo na Bhalinabha bhabhabwila bhadatinya , bhalavuga bhati , '' vyali bhikwiliye yukw' idjambho dy' Imana libhanze kuvugigw' iwanyu . Aliko mulisunikiye kule kuko mwibhona yuko muta bheleye guhabw' ubwo bhugingo bhudahela, Lebha lelo tulahindukiliy' abhanyamahanga. ⁴⁷ Nkukw' Imana yadutegech' ivuga' iti '' Nabhashizeho kubh' umucho w' abhantu bhamahanga, kugila muzanil' amahanga yosi kulokoka.'; ⁴⁸ Abhanya mahanga bhavyumvishidje bhachabhalanezegwa maze bhashemegiz' idjulu duy' Imana . chane bhadya bhatolanilijw' ubhugingo bhudahela bhalizeye . ⁴⁹ Idjambho dy' Imana likwile hosi mu gihugu. ⁵⁰ Alikw' abhayuda bhegela bhadya bhitanze bha bhagole bhichubhahilo n' abhakulu bh' umuji . Bhabhosha kugilila nabhi Pawulo na Bhalinabha bha bhatelela hanze y' umuji. ⁵¹ Aliko Pawulo na Bhalunabha bhakunkumula ya nkungugu yo mumagulu yabho. Maze bhadja mumudji wo muli Ikoniya . ⁵² Kand' abhigishwa bhali bhuzuy' umunezelo na Mpwemu Yela.