¹ Ichi gih' umwami Helod' agolol' amabhoko yiwe kugilila nabhi bhamwe mubho mwikolanilo ² Yichish' inkota Yakobho mulumuna wa Yohana. ³ Abhonye yuko bhinezeley' Abhayuda, maz' abhafata Petelo chal' igihe ch' imikat' itagil' umwambhilo. ⁴ Umufash' amushila mw' igeleza hagati y' imigw' ine y' abhasilikale ngo bhamulinde , yapanga kumwicha munyuma ya pasika. ⁵ Petelo bhamushila mwibhohelo mugabh' ikanisa lisenga chane kumana kubwiwe. ⁶ Chagihe mwijolo Helode yapanga kumwicha yalidyamye hagati yabhasilikale bhabhili, yalibhoshwe n' iminyolol' ibhili, kandi kwilembho halih' abhalinzi bhalinz' idyo bhohelo. ⁷ Maze malayika w' umwami alamubhonekela gitulumbhuka , maz' umucho wiw' ulasila mul'icho chumbha. Akubhita Petelo mulubhavu , kand' alamuvyul' alamubwil' ati '' vytuka ningoga maze ya minyololo uyalimubhoshe kumabhoko yakolokeye hasi. ⁸ Malayika alamubwil' ati '' niwambhal' impuzu zawe kumwe n' ibhilato vyawe'' Petel' akola gutyo . malayika alamubwila ati '' niwambhal' imyambhalo yaw' unkulikile'' ⁹ Maze Petelo akulikila wa mu malayika bhasohoka hanze . Ntiyizeye yuko kidya chaliko kilakolegwa n' umumalayika chal' ichukuli. yibhajije yukw' alikw' alalota. ¹⁰ Bhachiye kwilembho dya mbhele n'idyakabhili , bhashika kumudyango w' ichuma welekeza mu muji , maz' uliyugulula bhachamwo. bhalasohoka bhaja muchalo, maze wa mumalayika amusiga wenyene. ¹¹ Petel' amaze kwimenya, yachiy' avug' ati '' ubhu niho nkimenya yukw' Imana yalungich' umu malayika wayo kundokola mu mabhoko ya Helode no kubw' ivyipfuzo vy' abhantu bhosi bho mubhuyuda. ¹² Amaze kubhisobhanukigwa, alagend' ashika ku nzu ya Maliya nyina wa Yohana yitwa Maliko ; Abhakirisito bhali bhahuliye ngaho bhasenga. ¹³ Akomanze kulugi , haz' umukobwa w' umuja yitwa Loda kugil' amwugululile. ¹⁴ Amenye yukw' alijwi dya Petelo, kubw' umunezelo ntiyashobhoye kwugulul' umudyango; maze yatalukiye mu chumbha abhamenyeshe yuko Petelo ahagaze kumudyango, ¹⁵ Maze bhalamusubhiza bhati '' Bhudya wewe ntiwosanga wobha wasaze? Aliko wew' akomeza kubhemeza yukw' aliko bhili . BHalasubhiza bhati '' Bhudya wosanga yobh' ali malayika wiwe'' ¹⁶ Petelo yakomeje guhamagala, maze bhadje kwugulula bhalamubhona bhalatangala chane. Petel' alabhamanikil' ukubhoko kugila bhanume , maz' alabhabwila kungen' Imana yamuvanye mwi bhohelo. Alabhabwil' ati ¹⁷ '' Mulabhimenyesha Yakobho kumwe na bhene Data '' maz' alavamwo yelekeza mukindi giche. ¹⁸ Hageze kumutaga habhayeh' umubhabhalo munini mubhasilikale kubw' ivyabhaye kuli Petelo. ¹⁹ Kuko Helod' amaze kumubhula yategeche yukw' abhali bhamulinze bhokwichwa . Ava ngaho mubhuyuda yelekeza muli Kayisaliya , maz' agumayo . ²⁰ Helode yali yashavuliy' abhantu bho muli Tilo kumwe Sidoni. bhalaza kwiwe maze bhanywana n' umufasha wiwe yitwa Bhulasito, kugil' abhafashe kuzan' amaholo, kukw' igiohugu chabho chalonk' ivyokudya kuva mu gihugu ch' umwami. ²¹ Umubhagwa wategechwe Helod' alambhala mu bhudyo bwa chami maze yichala ku ntebhe y' ubwam' alabhaganiliza. ²² Abhantu bhalatel' ugwamo bhati ''Lino s' idjwi dy' umuntu n' idy' Imana'' ²³ Ubwo nyene malayik' alamukubhita , kukw' atahay' Iman' ichubhahilo ;maz' alibwa n' inyo kand' alapfa. ²⁴ Maz' idjambho dy' Imana lilakwilagila. ²⁵ Bhalunabha kumwe na Sawuli bhahedjedj' igikogwa chabho, bhongela gusubhila muli Yelusalemu, bhajana na Yohana kandi kulindi zina yitwa Maliko.