ebenezer-sako-peh_jhn_text

Jean iti nou

¹ Sô djorè mô scinin ,Juifs mô bè agnidié ndjian ,Jésus hori Jérusalem. ² Jérusalem dô,moua mô bê kraga anouan won brè broua kpri kon bè frè hébreu anian nou Béthesda ya anouan ti nou. ³ Ahounyalèfouè mô ,agnin assi fouè mô ,bè bô bè tô bè boussou fouè mô ,boubouwafouè mô bè da anouan mô nou nin bè hondè ka nzué kpoutou , ⁴ Gnamian soumanfouè o djira tem bié mô kpoutou nzué .Sounan bié ala bô o djira nou tchritchri bo nzué nin wa kpoutou o gnan awonsa , ka y awonlè ti djou croi. ⁵ Brè nin sounan bié wô brè bô o ngroi y won kan yi afouè abrouassan nin motchuè . ⁶ Tem bô Jésus gnin bori y won o hounin nou ka o dabrè wa hai ,nan wa sé y ka :"Ékro ka o won sa ?" ⁷ Ahounyalèfouè yiri nouan nan wa sé y ka :" Mi lè sounan fi bô o fa min tou broua kpri nou tem bô nzué nin akpoutôu ,sè min bo mandrin sounan doumoi min gnounou. ⁸ Jésus han hréli ka:" yassou fa wô mgba nan nanti." ⁹ Bè dja nou brè bian nin y won assa,o fari y mgba nan wa nanti.Tchian sô nin o ti hounmilè ndjian. ¹⁰ Juifs mgbangni mô bè han hréli bian bô y won sari : ”Hounmilè ndjian o ti atin ka è fa wo mgba." ¹¹ O mannin bè moyé ka : " Bô yiê o mannin mi ahonssa y wan min mva mi mgba nan min nanti." ¹² Be croir be bissari :" Wan lè y sô sounan bô o han hréli wo:" fa wo mgba nan nanti ?" ¹³ Koussou bô o gnannin ahonssa o nzi sounan bô yiô! afinin Jésus hun-nin y won minian souman bô bè wo nin ka sô nou brè bé ti. ¹⁴ Sô sinin,Jésus touri y asone soua nou do :" Nian o won assa ! Man yo tê kon nan djorè a dôu wo bô o tra èka biékou. ¹⁵ Bian nin o hori wa bô Juifs mgbangni mô bè amannian ka sanhan Jésus yiê o mannin y ahonssa nion." ¹⁶ Y sonin iti,Juifs mgbangni mô bè yaki Jésus kohoun afinin wa yo y sô nigué mô hounmilè ndjian. ¹⁷ Jésus han hréli bè :" Mi sci di djouman deh bô odjou tchénou yiê mi koussou mi dibié. ¹⁸ Sonin iti Juifs mô bè kpidè ka bè kougne tchidjin sou afinin man hounmilè ndjian bô wa fondon y goumin itio,ka bô o frê Gnamian y sci,yiê o yo y won ka o nin Gnamian bè sè. ¹⁹ Jésus han hréli bè ka :" Nanworè sou nanworè sou,baa koussou o ngroi nigué fi yo nan ignin wa bô y sci diè bô o yo y won,yiê bô sciè o yo croir, baa koussou o yo y sô nin bié. ²⁰ Ofika sciè kouro baa nin aman nigué croir bô o yo wo yi tchré y,nan wo yi nigué mgbri mô bô o tra èka mô isci nan wa bô a mô nouan." ²¹ Ofika,kabô sciè tigué fougne mô nan wa man bè gouan,kô yo sô nin baa fa gouan man sounan bô o kouro. ²² Afinin sciè nin o ni sounan fi y ti djorè,koussou wa fa djorè diri wa croir wroua y wah biéssoua sanou . ²³ Ka bè croir bé bou baa nin bé bou sciè sô.Bô o mou baa nin wa mou sciè bô o souman nin. ²⁴ Nanworè sou nanworè sou, bô o tié min nouan djorè nan wo dé bô o souman nin min di,o lè gouan bô o lè man ayuériè nin foboué nin y sou kon,koussou wa scin éwoué nou wawa gouan nou. ²⁵ Nanworè sou nanworè sou,tem sè ba bè bô ba wou mô bè ti min nain,ô nin bè bô bè ti bè tran gouan nou. ²⁶ nou,y sô nin a man y wah hroi gnannin gouan y nou. ²⁷ Yiê sciè mannin baa kroi djorè diri wa sou afinin o ti sounan wah. ²⁸ n sô brè bo amô nouan ka tem lè ba djou bô bè croir bô bè wo assiériè kouman mô nou bè ti min nain nan ba fité. ²⁹ Bè bô bé yo kpa bè ti ngué nan ba gnan gouan,koussou bè bô bé yo tè mô bè ti ngué nan ba bou bè fouô. ³⁰ Min ngroi yo min tiahon nigué,nan manh ndi,min di djorè nan min djorè diri wa diè ti sèsè,afinin min gbindè yo min kounou sou djorè,koussou bô o soumannin min y kounou sou djorè yiê min yo. ³¹ Sè min di min won adaziè,min adaziè sè gno nanworè. ³² Sè sounan foufrè di min won adaziè yiê min sci ka adaziè bô o di min won ti nanworè. ³³ Bè soumannin sounan Jean nika nan wa di y won adaziè, nan wa di nanworè adaziè. ³⁴ Min diè man sounan dô yiê min gnannin adaziè nion.Min kan sônin nan amô gnan amô ti. ³⁵ Jean ti kannian bô o sô nan wa taa,amô hroli agnidié yoriwa y kannian tem sou. ³⁶ Koussou adaziè bô min di y kpri tra Jean diè,ofi djouman bô min sci fa mannin min ka min yo,djouman sô mô yiê min dio,bè di min won adaziè ka min sci yiê o soumannin mion. ³⁷ Sciè bô o soumannin min o di min won adaziè.Amô tiri y nain lé amô houni ka o ti djou tem kan bié lé. ³⁸ Y nouan djorè ngroi dran amô afinin amô né bô o soumannin min ni. ³⁹ Amô wotô wotô djrèliè nou amô djrôn ka nou yiê amô lè gnan gouan bô o lè man ahuériè, bè yiè bé di min won adaziè. ⁴⁰ Yiê amô gouro ka amô ba min nika nan amô gnan gouan. ⁴¹ Min gnan min anoumougnan sounan mô nika, ⁴² koussou min sci ka amô lè Gnamian hrolè amô nou. ⁴³ Min mari sciè douman nou, yiê amô zo min nou.Sè sounan ba y tiahon douman nou amô so y nou. ⁴⁴ Y sè sou yiê amô croi dédi amô bô yiê amô gnan amô anoumougnan sounan mié mô nou bô yiê bè gbidè anoumougnan fi bô ofi Gnamian gômin nou ? ⁴⁵ Man amô djounin ka min,min tou amô souan sciè won dô.Sounan foufrè biékou lè tou amô souan,Moïse bô amô fa amô hroi wroua y nou. ⁴⁶ Sè amô dafi Moïse sou o fata ka amô dé min koussou di afinin min won djorè yiê o hrèlio. ⁴⁷ Sè amô nafi y djrètchrè sou,o gno sè nan amô hroi dé min nouan djorè diè nian di.