ebenezer-sako-peh_jhn_text

Jean Iti nzian

¹ Djorè somô scinin ,Jésus hori Galilée nzué moué boué kon dô ,bè frè biékon Tibériade. ² Manfouè bè di y sci afinin sounan mô bè houn nsoriè bô o yo ahounyalèfouè mô bè sou. ³ Jésus hori kprô boué kon dô wa transsi brè nin y djassifouè mô . ⁴ ( Juifs mô bè agnidié ndjian bè frè pâques o mantan koukou ) ⁵ O toi sou Jésus mannin y gnin sou nan wa hougne man wouè souman nin bè ba y ninka , o han hré Philippe :"Nifan yiè yê kô to kpahon man manvouè mô nan ba di ?" ⁶ ( O toi sou biékon nin Jésus o sô Philippe nian afinin o sci nigué bô o fataka o yo). ⁷ Philippe mannin moyé :"kotokou ya nzan ngroi ndo kpanhon nan sounan kon wa hroi gnan kan " ⁸ Y djassifouè mô bè nou kon ,André ,Simon Pierre nianman han hréli Jésus : ⁹ "Kpafounan bah kon wo wa o lè kpanhon koukrou nou onin djué gnon ,oti ntché fi man sounan souman èka mô" ¹⁰ Jésus han hréli bê : Amô tran manvouè mô bè assi .(Brè nin ninka bonin wa boubou .) oyo sonin minian akpi nou bè trannin assi . ¹¹ Oyo sonin Jésus fari kpanhon nan o hrihri sou ,o hé mannin bê bô bè ti assi mô. O héré djué nou bié ka y kounou hroli. ¹² Bô manvouè bê kou hiri ," O han hreli y djassifouè mô .amô houan kpanhon scin scin bô wa ha nan nigué fi wa miniman " ¹³ kpanhon koukrou nou bô bè héri nan bè diri nin y nga scin scin bô o hari bè scissari tchèdè brou onin gon. ¹⁴ Tem bô manvouè mô bè hounin atrè djorè sô bè wan :"Bô o wo brè nawrè, Tchanmin bô o fata ka o ba man nou ." ¹⁵ Tem bô Jésus o hounnin nou ka bè ba fa y sié famian ,o tiri y won bê won nan wa ho kprô sou dô. ¹⁶ Nôsoua djouri y djassifouè ̂ hori djévié nouan dô. ¹⁷ Bè founin êlènou kpèri djévié nou hori Capernaüm.( Nin awosci awroua tem sô nin Jésus djouri bè won brè aka.) ¹⁸ Ahonman kpri bié sè tou,nin djévié o bo kô nin o bo ba. ¹⁹ Bô yiê y djassifouè mô bè hannin êlè djouri zué nin afian,bè hounnin Jésus nin o nanti djévié sou ba bè êlè won,nan srè a hou bè. ²⁰ Y sô croir,o han hréli bè: " Mion !man srè kou amô." ²¹ Nin bè kouro ka bè fa y êlènou,ndè-ndè brè êlè nin wa djou zué nouan nika kon bô nin bè kô. ²² Ndjian maa bô o toi sou,manvouè bô bè hari djévié bouékon dô bè siéri zoriè nan ba hou ka êlè foufrè fi nin brè san nan êlè sô gômin nin bé houni ka Jésus djassifouè mô bê gomin yiê bê hori. ²³ ( Y nin sô croir êlè mié mô fi Tibériade wari kôkô brè nin ka kon bô yê min yirali kpanhon sou bô bé diri ). ²⁴ Bô yiê manvouè bé houni ka Jésus nin y djassifouè mô bè nin brè,bè founi êlè mô nou hori Capernaüm Jésus y pkidèriwa. ²⁵ Isci nan bè touri zué sama bouékon dô,bè han hréli :" Kpangne tem béni yiê è wari wa ? " ²⁶ ́sus mannin bê moyé ka:" Nanworè sou nanworè sou,amô sè kpidè min,man ka atrê djorè bô amô a hougne tio koussou afinin kpanhon mô bô amô diri bô yiê o yiri amô kô ." ²⁷ Amô djinan djouman diriwa aliè won bô ti zakiè nigué,amô di djouman man aliè bô o wo brè gouan nou dar bô o lê ayuériè bô yiê Gnamian wah o fa man amô,ofika Gnamian sciè wa fa zoriè assié y sou." ²⁸ Yiê bè han hréli :" Nzou yiê o fata ka yê yo nan ya di Gnamian djouman nion ?" ²⁹ Jésus han hréli : "Soi yiê Gnamian djouman tio : Y lê ka amô lê dafi bô souman nin min y sou." ³⁰ Yiê bè han hréli :" Nzou atrê djorè yiê é yo nan ya dafi sou nan ya dé wo a di ? " Nzou yiê é yo ? ³¹ Yê sci mô diri aliè bô o fi ahouno tôri katchè nou dô,ka bè hrèli :"O fari kpanhon bô fi Gnamian sou mannin bè bé diri ." ³² Yiê o han hréli bè :" Nanworè sou nanworè sou,man Moïse yiê o fari Gnamian sou kpanhon mannin amô, koussou min sci yiê o fari kpanhon kpa bô o fi Gnamian sou mannin amô. ³³ Afinin Gnamian kpanhon yiê o fi Gnamian sou djirali nan wa fa gouan a man mannin." ³⁴ Yiê bè han hréli :" Mian,fa kpanhon sô man yê dar." ³⁵ Jésus mannin bè moyé :"Min ti gouan kpanhon,bô o ba min nin ka éhoye ngou man y lé,bô o dafi min sou koussou nzué éhoye ngou man y lé. ³⁶ Y croir sou min ngan djréli amô :" Amô houni min koussou amô nafi sou lé." ³⁷ Bè bô sciè fa mannin min croir bè ba min nin kaa yiê min vidi sounan fi ndô man. ³⁸ Afinin min fi Gnamian sou djirali,man ma ka min yo min kroussou djorè,koussou bô o souman nin min y kroussou djorè yiê min yo. ³⁹ Sô nin yiê o ti bô o souman nin min y kroussou djorè,man min mini bô o fari bè mannin min kon,kousou nan man hroi tigué bè djian maa kassian. ⁴⁰ Afinin sô yiê sciè y kounou hrolè nigué tio,sounan bié ala bô o hou bah biéssoua nin bô y hroi wo y nou o lè gouan bô o lè ayuériè,yiê min tigué y djian maa kassian. ⁴¹ Juif mgbangni mô bè wountou-wountou y won afinin bô yiê o hannin ka:" Min ti kpanhon bô fi Gnamian sou djirali."Bè wan :" ⁴² Man Jésus, Joseph wah biéssoua,bô yê si y sci o nin y nih ? O yo sè bô o croi kan ka min fi Gnamian a djira ? " ⁴³ Jésus mannin bè moyé nan wa han ka :"Amô yaki amô wountou-wountou wa amô afian . ⁴⁴ Sounan fi ngroi ma min nika sè man sciè bô o soumannin hié wa frè y min yi fité éwoué nou ndjian ba kassian nou. ⁴⁵ Tchanmin mô bé hrèli : "Gnamian lè tiké bè croir bè adjounin tchambiè."Sounan bié ala bô o tiri nan o si sciè y nzouan o ba min nika . ⁴⁶ Sounan fi wa houn sciè nin sanan bô o fi Gnamian dô wari ,sounan sonin hiè wa houn sciè nin ⁴⁷ Nanwrè sou nanwrè sou bo o dedi o lè ngouan bo lè ahuériè ⁴⁸ Min ti ngouan kpanhon ⁴⁹ Amô sci mô bè diri aliè (manne) bô o fi Gnamian sou djirali katchè nou dô bè gnan éwoué . ⁵⁰ Ewa kpanhon bô o fi Gnamian sou djirali nian , sè sounan bié di y sô kpanhon o wou lé . ⁵¹ Min ti ngouan kpanhon bô o fi Gnamian sou djirali . Sounan bô o di kpanhon sonin ,wo tran ngouan nou daawou . Kpanhon bô min fa man amô o ti min won nan bô o man man nin ngouan." ⁵² Juif mô bè fèriya ba bo bè bou bè si bè won akprouwa nan ba han ka :"O yo sè bô assimansi croi fa y won nanh man yè nan yadio ?" ⁵³ Brè Jésus han hréli bè :"Nanwrè sou nanwrè sou ,sè amô ani sounan wah biéssoua won nanh nan anôn y modja amô sè gnan ngouan fi amô bôbô amô nou . ⁵⁴ Biè ala bô o di nin won nanh nan o nôn min modja o gnan ngouan bô o lè man ahuériè,Min yi fité éwoué nou ndjian mah kassian nou. ⁵⁵ Afinin min won nanh o ti aliè titré ,min modja o ti nzan titré. ⁵⁶ Bô o di min won nanh nan o nôn min modja o lè tranbrè min nou min wo y nou . ⁵⁷ Ka sciè bô wo gouan nou soumannin min,ka bô min wo gouan nou sciè douman nou,ka o yo sô nin bô o di min won nanhan bié o wo gouan nou min douman nou. ⁵⁸ Èwa kpanhon bô o fi Gnamian sou djirali,o ti man ka amô sci mô diè bô diri bô bè gnannin éwoué.Bo o di y sô kpanhon o tran gouan nou dawou." ⁵⁹ Jésus hannin y sô djorè sô mô asône soua nou,tem bô o man djrètchrè Capernaüm dô. ⁶⁰ Yiê y djassifouè souman,bô bè tiri sô nin,bè hannin ka :" o ti djrètchrè bô nou yéssi,wan yiê o croi ti y bou ? " ⁶¹ Jésus,o si sô y nou ka y djassifouè mô bè woutou-woutou sô sou,wa han hré bè :" Sô nin o dori amô ngassi ? " ⁶² Nan sè amô hou sounan wa biéssoua ofôn nika kon bô nin o wo dô dawa ? ⁶³ Wawouè nin yiê o man gouan.Awon nanhan o gnan mvassouè fi.Djorè bô yiê min ngan djréli amô bè ti wawouè nin gouan. ⁶⁴ O yô sô,amô nou mié mô né ni " afinin nin Jésus si y bou bobrè nou bè bô bè nafi sou o nin bè bô bè yi y man. ⁶⁵ Y wan :" Èka ti a man min ngan djréli amô ka sounan fi groi ma min nin ka nan min sci wa man y won atin ." ⁶⁶ Bô fi brè kô,y djassifouè souman bè sari bè scin bè nin y azan nou kon. ⁶⁷ Jésus han hréli brou nin gnon :"Amô kouro ka amô tchon amô won bié ? " ⁶⁸ Simon Pierre mannin moyé ka :" Mian wan nin ka yiê yê kô ? wo nouan djorè manh ananganman gouan, ⁶⁹ ya dé a di ka yê sci ka è ti wo gonmi sèsè bô è fi Gnamian dô." ⁷⁰ Jésus han hréli bè ka :" Man min yiê min gniri amô brou nin gnon nion,yiê amô nou kon wawouè tê wo y nou ? " ⁷¹ Judas won djorè nin wo kan,Simon Iscariot wah,afinin yiê bè brou nin gnon nou ,o yiri Jésus mannin.