ebenezer-sako-peh_jhn_text

Jean Iti nan

¹ Tem bô Jésus houni nou ka Pharisiens mô ba sci ka o sonin djassifouè souman tra Jean, ² ( koussou Jésus bôbô o zonin,nin y djassifouè mô yiê bè sonin ) ³ o fitéri Judée nan wa scin a ho Galilée. ⁴ O ti y tchindjin ka o kpènou kô Samarie. ⁵ Yiê o djouri Samarie y kro kon bô bè frè y Sychar, Jacob y fié bouékon bô o fa mannin y wah Joseph. ⁶ Dô yiê Jacob y krôhô nin o.Jésus y atin bô o hori fèri nan wa tran krôhô nouan. Ehua djinan tem nou. ⁷ Samarie brah kon wari nzué sariwa nan Jésus wa séka:" Man min nzué nan man nôn." ⁸ Nin y djassifouè mô ba ho aliè toriwa kro nou dô. ⁹ Yiê Samarie brah mannin moyé ka:" O yo sè bô wo Juifs fouè, è srè min, min Samaritaine brah,è srè min nigué bié nan a nôn ? " Juifs mô nin Samarie fouè mô bè nouan zê . ¹⁰ Jésus bouali bié ka :" Sè è sci Gnamian yi atchèdiè bô o sé wo ka ,man min nzué nan man nôn han gan o bôbô yiê è srè yio,nan wa man wo nzué bô o man gouan." ¹¹ Nan brah nin wa séka :" Mian è lè frogo yiê krôhô nin wari." Nifan yiê è croi gnan y sô nzué djrindjrin ? ¹² Wo kpangni tra yê sci Jacob bô o fari krôhô héri yê bô y bôbô nônin bié,sô kongba y mah mô nin y nanhan mô ? ¹³ Jésus han hréli ka :" Sounan bié ala bô o nôn y sô nzué ,nzué hoïe lè kou yi biékou , ¹⁴ koussou sounan bô o nôn nzué bô min fa mangne,nzué hoïe sè ngou lé. Nzué bô min fa mangne o kaki nzué y gninmaa bô o bo sandi dé gouan bô o lè man ayuériè nou." ¹⁵ Brah nin han hréli ka :" Mian,fa nzué sone man min,nan nzué hoïe a ngou min kon,nan ma man nza nzué wa kon lé." ¹⁶ Jésus han hréli :" Kô frè o hou nan sa wo sci bra wa." ¹⁷ Brah mannin moyé nan wa han ka :" Min lè houan."Jésus han hréli,a han y kpa,è lè man houan. ¹⁸ È gnannin houan nou nan bô è nin wo brè è nê o ti wo hou,bô è hannin nou o ti nanworè." ¹⁹ Brah wa han hré :" Mian,man hou ka è ti tchian min. ²⁰ Amô sci mô bè souri Gnamian kpro è ka sou,nan o kouro wan nin ka kon bô o fata ka bè boutô y lè Jerusalem." ²¹ Jésus han hréli :" Brah dafi min sou,tem bié lè ba bô bè boutô sciè kpro è ka sou,bè boutô Jerusalem. ²² O manvouè mô bè boutô bô bè zi.Yê di yê boutô bô yê sci yio afinin gouan fi Juifs mô dô. ²³ Y sô croir, tem lè ba,kénouïe o wo brè,bô boutô fouè kpa mô bê boutô Sciè adjounin nin wawouè nou,afinin brè nin boutô fouè soi mô yiê sciè sè kpidèho. ²⁴ Gnamian ti wawouè,sounan bô bè boutô mô o fata ka bè boutô wawouè nou nin nanworè nou. ²⁵ Brah nin han hréli :"Min sci ka tchian min sè ba (bô yiê bè frè Christ )tem bô o ba o bô djorè croir sou tchré yê. ²⁶ Jésus han hréli :" Y lè min,min bô min djoudjô wo dô." ²⁷ y sô sou y djassifouè mô ba sa bè sci bè ba,nin bè croir wa bô bè nouan ka o nin brah bè djoudjô.Y sô croir, sounan fi gan djorè: " nzou djorè yiê è sè bissa ? " Anzère zou djorè yiê è nin bè sè kan ? " ²⁸ Ka o yori sô nin,o yakiri y scè yiè o sari y sci kronou dô nan wa han hré sounan mô, ²⁹ amô wa nian sounan bié wa han bô man yo mô croir ,man y lè Christ nin ? ³⁰ Bè fitéri kro nou dô nan ba wa Jésus nin ka. ³¹ Brè sô nou, y djassifouè mô bè miannin tchintchin,bè wan : " Kpangni,di nigué bié kanh." ³² Y koussou o mannin bè moyé :" Min lè haliè bié bô midi bô amô nzin man. " ³³ Y djassifouè mô nin bè kan y bè afian :" sounan bié a bra yi aliè wa di anzère ? " ³⁴ Jésus han hré bè ka:" Min aliè yi lè bô o souman nin min yi ahron sou djouman bô min yo. ³⁵ Man a mô kan ka,sra nan biékou y sci nan ba tou éloué ? Min min kan tchré amô :" Amô man amô gnin sou nan amô nian fié mô nou nigué mô bô ba gni bô bê tem wa djou ! ³⁶ Sounan bô o di fié nou djouman o gnan yi akatoua nan wa houan makaa maa mô nouan bô o mangne ananganman gouan nan bô o doua o nin bô o tou bè croir bè won yo bè fê." ³⁷ Yiè,bô bè kan ti nanworè,kon doua nan kon a tou. ³⁸ Min zouman nin amô nan amô wa tou bô amô anoua man.Mié mô ba di djouman yiè amô a di nou nvassuè. ³⁹ Samaritains fouè souman bô bè fi kro nou brè bè déri Jésus diri afrin brah o diri y won adaziè :" Wa han min sayériè mô croir a hré min. " ⁴⁰ Tem bô Samaritains fouè mô wari,bè srè ka o nin bè ha brè yiê o nin bè hari brè êlè gnon biékou. ⁴¹ Souman kpa bè déri y diri y nouan djorè ti. ⁴² Bè han hréli brah :" Sè yêdafiri y sou man bô è hannin tio,koussou yê bôbô mouan yê tiri,yê sci huégni ka yiê o ti manh nin défouè." ⁴³ Nguian gnon sonin scinin , bè fitéli brè nan ba ho Galiée. ⁴⁴ Afinin Jésus bôbô mouan kpa nin han nin ka be mou tchanmin y bôbô y man nou . ⁴⁵ O toili sou holi Galilée ,galilée fouè mô bè sori y nou. bè houn ni nigué croir bô o yori Jérusalem dô agnidié ndjian, afinin bê kousou ni bè ho dô. ⁴⁶ O sari y sci bikou Cana Galilée dô , nika bô o kakiri nzué nzan. o wo Capernaüm, famian sodja fouè kpangni kon y wah won yo ya. ⁴⁷ Bô o tiri ka Jésus fi Judée nan o sa y sci Galilée ,o hôli Jésus nika nan wa srè ka o djou y won dô nan y wah bô o wô èwoué nouan nou nan wa man y awonsa. ⁴⁸ Jésus hanli ka :"sè o manvouè mô ba houn nsorièmon nin atrè mô ,o nafi sou ." ⁴⁹ Sodja kpangni séri ka :" mian , djira nindè nan min wah wa hou man ." ⁵⁰ Jésus han réli ka :" Cô o wah o wô ngouan nou."Bian déli Jésus nouan djorè diri ,nan wa hô . ⁵¹ Tem bô o djira y soufouè bè wa hiari nan ba séka o wah biésua o wô ngouan nou . ⁵² Tem béni yiè y won kpadjaroi bori y bou .Bè manin moyé ka :"Amon man dôwon nzou sou yiè èhêrè kpiri fitéri y won ." ⁵³ Brè siènin djronin nan wa houn ka dôwon sone sou yiè Jésus han hréli ka :"o wa biésua o wô ngouan nou ."yiè y bôbô nin y ahouro fouè ba dé a di. ⁵⁴ O tian sou yon atrè bô Jésus yori Judée issi nan wa hô Galilée.