ebenezer-sako-peh_jhn_text

Jean iti nzan

¹ Assonin kpangni Kon bè frè Nicodème, o wo Juif man boufouè mô bê nou . ² Sounan sonin kongouè o hori Jésus nika nan wa séka :" kpangni yè sci ka êti ndjretchrèfouè bo efi Gnamian nika ,afinin sounan fi ngroi yo atrè djorè bo éyo mô ,sè Gnamian nin sounan sonin o nin bê ninou". ³ Jésus bouali bié :" Nanworè sou nanworè sou ,sè ba hon sounan foufrè ,wo ngroi houn gnamian y famian awouro." ⁴ Nicodème sérika yio:" sounan bô wa yo kpangni bè croi houye foufrè ? O ngroi hrô y nih kounou kon nan ba houye foufrè ,man yio ?" ⁵ Jésus mannin moyé ka nanworè sou nanworè sou ,sounan sè ba zonin nzué nou nin wawouè sanhou nou wo ngroi ngô Gnamian mgbrégbi awouro nou dô. ⁶ Bô bè wouri yi awonnan nou oti awonnan ,bô bè wouri yi wawouè nou oti wawouè. ⁷ Man o won boubou wo bô min ngan ndjeri wo sou:"O fata ka bè hou wo foufrè ." ⁸ Ahonman fita nika bô o kro. Èti y ngan koussou è nzi nika kon bo o fio o nin nika kon bô o sè kô .Oti sô , man sounan bô ba houyi wawouè nou ." ⁹ Nicodème yiri nouan nan wa han ka :"O yo sè nan sone wa yo yé? ¹⁰ Jésus manin y moyé : Èti ndjrètchrè fouè Israël wa koussou è ndi djorè so mô bou. ¹¹ Nanworè sou nanworè sou ,yê kan bô yê sci yé di bô yé wouni y won adaziè. Koussou manvouè mô ba ndié yê adaziè. ¹² Sè min kan assièssou wa nigué mô tchré sounan mô nan bé né ni ,oyo sè nan min kan ahoundo nigué mô bê won djorè tchré bè nan ba hroi dé a di ? ¹³ Sounan fi hori Gnamian sou sè man bô o fi Gnamian sou djirali, Gnamian wah . ¹⁴ Kabô Moïse yori éwoïe y sô sué siéri baka sou katchè nou dô nin,y sô kongba Gnamian wah bè fa y sié ahouno , ¹⁵ nan sounan bié ala bô o dafi y sou o gnan gouan bô o lè man ahuériè. ¹⁶ Ka Gnamian si hroli manh djouri o fari y wah biéssoua kongba tchéi a man,nan sounan bié ala bô o dédi o gnan gouan bô o lè man ahuériè. ¹⁷ Gnamian wa va y wah ni a ma ka o wa bou manh ni fouô,koussou manh nin wa gnan iti y douman nou. ¹⁸ Sounan bô o dafi y sou foboué fir nin sou,koussou sounan bô o nafi y sou wa doumoi bou y fouô,afinin wa nafi Gnamian wah biéssoua kongba tchégni y douman sou. ¹⁹ Djorè diri wa y Djorè bô o wo nou,y lè ka kannin wari manh nou,sounan mô hroli a wosci bourissou sou tra kannian afinin bè djouman mô bè ti kpa. ²⁰ Sounan bô tê o ti y sayériè o kpô kannian o ma kannian nou o souro ka y djouman sô mô bè hougni. ²¹ Sounan bié ala bô nanworè ti y nzouan o kouro kannian sou nan ba houyi y djouman mô,afinin o yo y diè mô Gnamian nou. ²² Nan sô scinin Jésus nin y assifouè mô bè hori Judée assiè sou dô; o nin bê bè hari brè nan ba sonin. ²³ Jean koussou o sonin sounan mô Enon bô o mantan Salim brè afinin nzué sounin brè.Sounan mô ba brè ba sonin bè won , ²⁴ nin bè touri Jean awanou a ka. ²⁵ Y sci,akprowa bié tori Jean y djassifouè mô nin Juifs mô bè afian bè agnia kpri bô o ti sanhou won djorè. ²⁶ Bè hori nan ba han hré Jean:" Kpangni,bô o nin bè wo Jourdain bouékon dô,bô nin édi y won adaziè, yiè,o sonin yiê bè croi bè kô y nika." ²⁷ Jean mannin moyé ka :" Sounan ngroi gnan nitché fi sè man Gnamian yiê o fa man yia. ²⁸ Amô bôbô amô croi di y won adaziè ka min gannin ka man Christ lè min koussou y dénou min gannin bè doumoi souman nin min y gnounou." ²⁹ Sounan bô adja bra o ti y diè ,adjaa biéssoua nion.Koussou adjaa biéssoua y davou bô o wo y won brè bô o ti y nin o gnan agnidié kpri adjaa fouè y nin bô o ti y ti.Y sô kongba ,agnidié , sô bô o ti min diè o ti sanhou. ³⁰ O fata ka o tra min nan min koussou man han min won asci. ³¹ Sounan bô o fi ahoudo o wo nigué croir ti sou.Sounan bô o fi assiè sou wa o ti assiè sou wa fouè yiè o kan assiè sou wa djorè mô. ³² Sounan bô o fi Gnamian sou o wo nigué croir ti sou.O di adaziè bô o houni y won o nin bô o tiri,sounan fi dié y adaziè. ³³ Sounan bô o tié y adaziè o hou huégni ka Gnamian ti nanworè. ³⁴ Ofika sounan bô Gnamian souman o kan Gnamian nouan djorè,afinin Gnamian nzou sou y wawouè nan wa fa mangne. ³⁵ Gnamian kouro bah nan wa fa nigué mô croir wroua y sanou. Sounan bô o dé bah di o lè gouan bô o lè ahuériè; ³⁶ Sounan bô o né bah ni o hou gouan fi ,koussou Gnamian yaha o wo y sou.