¹ Nalonga chindedi mndani mwa Kulisito sikulonga lulimi ivyo hunga vyaniukuila hamwenga na miye mwa Muye Ukukile, ² kugamba kuna mbazi zijinkanye na ulumi hewine udumo mndani mo muye wangu. ³ Kugamba nahabesa miye mwenye nihulukilwe na kusentwa hale na Kulisito kwa chausa cha walukolo wangu wadya walukolo wangu chimwili. ⁴ Nawo ni Waizulaeli wata kudamanywa wana wa ukuka wa malagano na jeleko dya lagizo kumvikila Chohile we dilagano. ⁵ Awo ni walongozi mwa Kulisito keza kwa kutunywa kuvala umwili uno uyo eli Chohile wa vyose. Uyo atogolwe ulo na ulo vitende ivyo. Taile. ⁶ Mna suko kugamba vyeliso vya Chohile vidunduga kuchinta Kwaviya chila mntu eli mwizulaeli chindedi. ⁷ Siyo ivyo hata kwecheleko cha Ibulahimu ni wana wakwe chindedi. "Mna ni kujinkila Isaka cheleko chako nachitangwe." ⁸ Vino ni kugamba wana wa mwili sawo wana wa Chohile mna wana wa lagano waonwa saviya welekwa. ⁹ Kwa viya uno nuwo ulosi wa cheliso, "mwe chipindi chino nanize, na Sala nenkwigwe mwana." ¹⁰ Siyo idino du, mna ukaleka Rebeka natende msoka kwa mntu yumwenga , Isaka tati yetu, ¹¹ Kugamba wana nahewenati kwelekwa naho nehenati kudamanya mbuli yoyose yedi hegu ihiye , chani kugamba kusudi dya Kulisito kuligana na usaguzi dichimale naho siyo kwa ntendwa mna kwa chausa cha yudya akwitangwa. ¹² Ilongwa kwakwe "mkulu namsankanile mdodo" ¹³ Saviya idolonywe "Yakobo nasimunga mna Esau nasimwihiwa.." ¹⁴ Ivyo naho wachigambe mbwani? kwani kunaubunyanyi mwa Chohile? hata kujeza. ¹⁵ Kwaviya alonga kwa Musa nanitende na mbazi kwa yudya nanifile mbazi naho nanitende na mbazi kwa yudya nanimfile mbazi ¹⁶ Ivyo siyo kwa yudya nho siyo kwa chausa cha uyo akuguluka mna kwa chausa cha Chohile uyo akulagisa wedi. ¹⁷ Kwaviya yalonga kwa Falao kwa kusudi dino dikungwa nasikwinula chani kugamba nilagise udahi wangu mwa weye naho chani kugamba zina dyangu dilongwe mwe isi yose ¹⁸ Ivyo Chohile atenda na wedi kwa yoyose akumunga naho kwa akunga amtenda kutenda mhigi. ¹⁹ 19 Ukajika naugambe kwangu kwambwani nawona kubalanga? ²⁰ Chinyume chakwe Mtu weye wi yuhi ukuhitula chinyume cha Cohile? vyadahika wowose chitonyangwe kugamba kwa mtonyanga kwa mbwani kudamanya vino miye? ²¹ Togola akutonyanga hana uwagila mwo ulongo kudamanya chiya kwa matumizi yakungwa kulawana donge idiya idiya naho chiya chituhu kwa matumizi ya chila zuwa? ²² Hegu Chohile uyo eli mgoli kulagisa maya yakwe na kudamanye udahi wakwe kumanyika ajijimize kwa ujijimizi utendese viya vya maya vimamalanywe kwa kubalanga? ²³ Ni zeze hegu nakatend vino chani kugamba alagise ulozize wo ukuka wakwe kulanga viya vya mbazi ahezaga kuvimalanya kwa chausa cha ukuka? ²⁴ Ni zeze hegu nakatenda viya hata kwetu uyo suwe nakachitanga siyo du kulaila kwa Wayahudi mna hata kulaila kwa wantu we izisi? ²⁵ Navitende kugamba hadya ilongigwe kwa Hosea, "Naniwetange wantu wangu wadya hewetendile wantu wangu, naho mungi wangu uyo hongigwe. ²⁶ Navitende kugamba hadya alongigwe nyuwe sawo wantu wangu hadya netangwe wana ywa Chohile akwikala."' ²⁷ Isaya aila kutongelana na Izulaeli Hegu ukuwazwa kwa wana wa Waizulaeli yatendele saviya msanga wa bahali naitende ni masigazo yadya nayambulwe. ²⁸ Kwaviya Zumbe naaguhe ulosi wakwe kulanga mwe isi nkongo na kwa uchinta. ²⁹ Naho saviya Isaya alongaga nkongo hegu Zumbe wa fyo hachasize nkongo cheleko kwa chausa chetu nkutende saviya Sodoma na ho nachitendwe saviya Gomola. ³⁰ Nchilonge zeze naho? kugamba wantu we izisi wadya nahewekulonda uwagila nawapata uwagila uwagilwa kwa utondowazi. ³¹ Mna Izulaeli yudya alondile lagizo dya uwagila haimbwile. ³² 32 Kwambwani sivyo ivyo? kwa viya hawailondile kwa utondowazi mna kwa ntendwa. kwekobanisa mwe yuwe dya nkobadiso, ³³ saviya yajikwe kudolonywa "Kaula nadika yuwe dye kobadiso mwe Sayuni na yuwe dya kulemela. Uyo akuzumila mwe dino hengile soni."