¹ Ivyo hahana nkanto ya nkunto mwe wadya weli mwa Kulisito Yesu. ² Kwaviya lagiso dya Muye wa ujima udya wili mwa Kukisito Yesu inidamanya mie kutenda mlekeilwa hale na lagiso dya masa na kubanika. ³ Kwaviya chiya idilagizo dishindigwe kudamanya kwa chausa cho usokezi mwo mwili, Chohile kachidamanya. Nakamsigila mwana wakwe we ichedu kwa mligano wa mwili wa masa atende lavyo dya masa naho niyo akantila masa mo mwili. ⁴ Nakadamanya vino amalagiso ye dilagizo yachinte mndani mwetu suwe hechikutongela mbuli zo mwili, mna kwa kutimila mbuli za Muye. ⁵ Wadya wakotongela umwili wafanyanya mbuli zo mwili, mna wadya wakutongela Muye wafanyanya mbuli za Muye. ⁶ Kwaviya kunga kwa mwili ni file mbna kunga kwa muye ni ujima wa kutondolwa. ⁷ Vino ni kwaviya ukunga ko mwili ni ukondo kwamlanga Chohile kwaviya haikuzumilika nkanto dya Chohile naho haikudaha kuizumila. ⁸ Wadya wakutongela umwili hawakudaha kusankanila Chohile. ⁹ Hata ivyo hamwimomwili mna mo muye hegu ni chindedi kugamba muye wa Chohile ni ujima mndani mwenyu mna hegu mntu hana muye wa Kulisito uyo suyo wakwe. ¹⁰ Hegu Kulisito emndani mwenyu mwili ubanike kwa mbuli za masa mna muye ni mjima mwe mbuli za kuwagilwa. ¹¹ Uneva muye wa uydya amuyuse Yesu kulaila mwa wabanike ni mjima mndani mwenyu yudya amuyuse Kulisito kulaila kwa wabanike nainke naho imili yenyu ya kubanika ujima kwa sila ya muye wakwe ukwikala mndani mwenyu ¹² Ivyo walukolo wangu suwe chatigizwa mna suko kwa mwili kugamba kutenda wajima kwa chilagiso cha mwili. ¹³ Kwaviya uneva mwi wajima kwa chilagiso cha mwili mwihajihi na file mna uneva kwa muye mwakoma izintendwa zo mwili nanywi namtende wajima. ¹⁴ Mna saviya walozize wakulongozwa na Muye wa Chohile, wano ni wana wa Chohile. ¹⁵ Kwa viya hamhokele muye wa usigilwa naho kubula mogohe. Ukaleka namhokela muye wa kutendwa wana ivyo kwayo chaila "Abba , Tate! ¹⁶ Muye mwenye aukwila hamwenga na muye wetu kugamba chi wana wa Chohile. ¹⁷ Uneva chi wana ivyo chi walisi wa Chohile naswi chi walisi hamwenga na Kulisito uneva chindedi chasulumila naye chani chipate kutunywa hamwenga naye. ¹⁸ Kwa viya nawaza izinkunto ze ichipindi chino kutenda sicho chintu haliganya na ukuka ukunga ugubulwe mwetu. ¹⁹ Kwa viya vyumbe vyose vyakawila kwa kunga kugubuilwa kwa wana wa Chohile. ²⁰ Kwaviya umbi nawikigwa hasi ubatili suko kwa kunga kwakwe, mna kwa chausa chakwe uyo avikiye. Ni mwe sinyilo ²¹ Kwa viya umbi wenye nawo naulekeilwe na kulavya mwe usigilwa wa ubanasi na kwinkizwa mwe ulekeilwa ukuka wa wana wa Chohile. ²² Kwaviya simanya kugamba umbi nawo wasulumila na kupata nkunto kwa usungu hamwenga kubula haluse. ²³ Siyo ivyo du mna na suwe wenye china amalimbuko ya muye suwe naswi chaugula mwe myuye yetu chikagoja kutendwa wana kugamba wambulwa wi imili yetu. ²⁴ Kwaviya ni kwa kubesa chambulwa mna chintu chikubeswa uneva chilaila hachikubeswa naho kwa viya ni yuhi akubesa mwe chilaile? ²⁵ Uneva chikabeseza chintu hechikiwone chakigoja kwa fanyanyi. ²⁶ Kwe ichilagiso icho muye naye achambiza mo usokezi wetu , kwa viya hachidahile kulombeza saivyo vikungwa mna muye mwenye achilombezeza kwa kugula hekwikulongeka. ²⁷ Naye uyo akupelemba imyuye amanya izifanyanyi za muye kwa viya walombeza kwa chausa cha wazumile kuligana na ungi wa Chohile. ²⁸ Suwe naswi chimanya wose wakumunga Chohile uyo adamanye izimbuli zose hamwenga na wedi kwa wadya wose wetangwe kwa chausa chakwe. ²⁹ Kwa viya wadya wose wamanyize nkongo idikolwa awo nawsagulwa kukongela nkongo ke dikolwa waliganwye na mligano wa Mwana ywakwe chani yeye atende mwelekwa ywa nkongo mgati wa walukolo walozize. ³⁰ Wadya asagule kukongela nkongo awo nakawetanga nawo. na wadya awetange awo wawzilwa uwagilwa. awo awawazize uwagilwa awo nawo kawatunya. ³¹ Chigambe mbwani haluse mlanga mwe izimbuli zino? Chohile akatenda ntendele yetu ni yuhi emlanga mwetu? ³² Uyo hekumleka mwanawe mwenye mna nakamlavya kwa chausa chetu suwe chose naswese zeze kuchinka mbuli zose hamwenga naye? ³³ Ni yuhi akuga awalahe wasagulwe ni Chohile? Chohile nuyo mta kuwawaziza uwagilwa. ³⁴ Ni uyhi akunga awakantile nkanto? Kulisito Yesu nuyo abanike kwa chausa chetu na kijinka ayo uyo nye nakauyuswa. Uyo alongoza hamwenga na Chohile hantu ha ntunyo nho nuyo akuchombezeza suwe. ³⁵ Ni yuhi akunga achisente na ungi wa Kulisito? nkunto hegu tabu hegu kusawaniswa hegu sala hegu lusi hegu hatali hegubamba? ³⁶ Saviya iwandikwe, "Kwa chongezekelo chako chabanika msi mjima. Nachiwazwa saviya magoto ya kuchinjwa." ³⁷ Mwe izimbuli izo kujinka wazumizi mwa uyo achungila ³⁸ Kwa viya siheza kale kubunyanywa kugamba hegu file hegu ujima hegu wandima wa kwembingu hegu ulongozi hegu vintu viyaho hegu vintu vikwiza hegu udahi, ³⁹ hegu wekulanga hegu wahezi hegu chumbe chituhu chochose hachidahe kuchitenta na ungi wa Chohile uyo eli Kulisito Yesu Zumbe dyetu.