¹ Hegu hammanyize walukolo weyangu kwa viya nalonga na wantu wamanyize lagizo kugamba lagizo dyamlanga mntu achei mjima? ² Chigambe mvyele asoligwe katozwa ni lagizo kwa yudya mgosiwe echei mjima mna akatenda mgosiwe kabanika uyo kalekeilwa mwe lagizo, natende kalekeilwa mwe sigilizi ya nyinka. ³ Ivyo uneva mgosiwe akatenda ni mjima uneva ekala na mgosi ntuhu netangwe mgoni . Mna uneva mgosiwe kabanika uyo kalekeilwa mwe lagizo ivyo hetangwe mgoni uneva ekala na mgosi mtuhu. ⁴ Ivvyo walukolo weyangu nyuwe nanywi namtendwa wabanike kwa lagizo kwa sila ya umwili wa Kulisito itenda vino chani mpate kuliganyizwa na mtuhu kwakwe uyo auyusigwe kulawa uyuso chani chidahe kumwelekela Chohile matunda. ⁵ Kwa viya Chohile mwe hali yo mwili tama zihiye nazimulwa mwe viyungo vyetu kwa sila ya lagizo na kuwalekela ubanasi matunda. ⁶ Mna haluse chichohwelwa kulawa mwe izisigilizi chibanikila imbuli ichitendile wasigilwa chani chipate kutenda mwe hali hya ya Muye na siyo mwe hali ya Muye na siyo mwe hali ya kale mwe mawndiko. ⁷ Chigambwe mbwani basi? sigilizi na masa? Bule hata ivyo samanyize masa hayatendile kwa sila ya sigilizi ivyo samanyize kutenda na tama hegu sigilizi hayalongile, "Usekunga." ⁸ Mna masa yapata luhenyo kwe dilagizo niyo yaleta mndani mwangu chila aina ya tama ivyo masa hahena sigilizi ibanika ⁹ Namiye nasitenda mjima aho nkongo bila sigilizi aho dizile idilagizo masa yapata ujima na miye niyo nabanika. ¹⁰ Diya idilagizo ambadyo nadileta ujima niyo dyahituka kuleta ubanasi kwangu. ¹¹ Kwaviya masa nayapata luhenyo kwa diya lagizo na niyo yanidanta kujinkila diya idilagizo dinikoma. ¹² Ivyo sigiligizi ikuka ne dilagizo dikuka dya chindedi na vyedi. ¹³ Ivyo mna yadya ambayo ni chindedi nayatenda file kwangu miye? Bule isekutenda ivyo mna masa yawonekane kugamba ni masa naho kujinkila udya uwedi nauleta file kwangu. Ivino navitenda kugamba kujinkila diya idilagizo masa nayajinkanya kutenda yehiye vidala. ¹⁴ Kwaviya chamanya kugamba sigilizi ye dikolwa dyakwe ni ya mwe muye, mna miye nji mtu wa momwili sitangwa hasi ho utumwa wa masa. ¹⁵ Mna diya hutenda sikudimanya pwilili kwa viya diya hunga sikuditenda na diya hudihiwa ndyo hutenda. ¹⁶ Mna unava hatenda diya sikudyunga nazumila sigilizi na kugamba sigilizi ni ntana. ¹⁷ Mna haluse siyo miye mndani mwenyu akudamanya dino mna ni yadya masa yakwikala mndani mwangu, ¹⁸ Kwaviya namanya kugamba mndani mwangu yaani mo mwili wangu ivyo mbuli yedi. kwa viya tama ya dyedi imndani mwangu mna sikudidamanya. ¹⁹ Kwa viya diya idyedi hunga sikudidamnya mna diya dihiye sikudyunga nidyo hudidamanya. ²⁰ Haluse uneva nadamanya diya sikudyunga siyo miye mwenye hudidamanya mna ni yadya masa yakwikala mndani mwangu. ²¹ Simanya naho iyumo mndani mwangu ya kunga kutenda diya idyedi mna wavu chindedi wiyumo mndani mwangu. ²² Kwaviya naibweda sigilizi ya Chohile kwa buntu wa mndani ²³ Mna nawona kanuni ya ichinyume mwe ivitago vyo mwili wangu yatowa nkondo ya kanuni impya mwe izifanyanyi zangu yanitenda miye mgwilwa ni kanuni ya masa imwe vitago vyo mwili wangu. ²⁴ Miye ni mntu wa mbazi! Ni uyhi akunka anambule na mwili uno wo kubanika? ²⁵ Mna ntogozi ni kwa Chohile na kwa Yesu Kulisito Zumbe dyetu ivyo miye mwenye kwe izifanyanyi zangu naitende sigilizi ya Chohile na ko mwili naitendela ikanuni ya masa.