¹ Chigambe mbwani elo haluse? Chijendeleze mwe masa chani wedi ujenyele? ² Bule Suwe chibanikile mwe masa chadaha zezez kwikala mwe ayo? ³ Hegu hammanyize kugamba wadya wambulwe mwa Kulisito mwambulwa mwe file yakwe? ⁴ Na chihambwa hamwenga naye kujinkila ukwambulwa mwe file. Ino idamanyika kwaviya Kulisito auyuke kulaila mwe file kujinkila ukulu wa Chohile na umo suwe naswi chijendele mo ujima mhya. ⁵ Uneva suwe chilungana hamwenga na yeye saviya mwe file yakwe ivyo nachilungane naye mo ukuka wakwe. ⁶ Suwe chimanya vino untu we chikale utungigwa hamwenga naye na umo umwili wa masa ubalange, ino ilaila chisekujesa kwikala mo ubanasi. ⁷ Uyo abanike katendwa awagile kuligana na masa. ⁸ Mna hegu chibanika hamwenga na Kulisito chazumila kugamba na chikule hamwenga nauyo. ⁹ Chimanya kugamba Kulisito kauyuswa kulawa mo ubanika na kugamba suyo mbanika naho kubanika hakwimwakwe naho. ¹⁰ Naho kwe imbuli yo kubanika abanike kwa masa, nakabanika lumwenga du kwa chausa cha wose. hata ivyo wikazi akwikala ekala kwa chausa cha Chohile. ¹¹ Kwe isila iyo nyuwe nanywi naho mongigwa mwewaze saviya wafile mwe masa mna wekala mwa Chohile mwa Kulisito Yesu. ¹² Ivyo usekuleka masa yawalongoze mwe imili yenyu chani kugamba udahe kuzumila tama zakwe. ¹³ Usekulavya hta hadodo chitago unananacho chidamanye mbuli za wihi na masa na ubanasi saviya vintu hevikuwagila naho vilavyeni nyuwenye kwa Chohile saviya mwi meso mkulawa mo kubanika mna lavyani hadodo he mili yenyu saviya vintu vya chindedi kwa Chohile. ¹⁴ Mkaulise masa yasekuwalongoza. Kwaviya hammuli mwe lagizo mna hasi he wedi. ¹⁵ Ni mbwani naho? Chidamanye masa naho suwe hachihasi he mbuli suwe chi hasi mwo? Bule. ¹⁶ Hammanyize kugamba kwakwe uyo ilavize mwenye kutenda mndima nuyo alekile nyuwe mtendile wandima wakwe nuyo mkungigwa kumwiva? Chino nicho ichindedi hata hegu nyuwe hamwiwasigilwa mwa ayo amasa naho amjelani mwe kubanika hegu hamwiwasigilwa wa uzumizi ukwigala uwagila. ¹⁷ Mna atogolwe Chohile kwa viya na ni msigilwa ywa masa mna mumzumila kulaila mwe muye yenyu mwe diya idihinyo mhokele. ¹⁸ Mlekeilwa kulaila mwe masa naho mdamanywa wasigilwa wawagile. ¹⁹ Nalonga saviya mntu kwa chausa che mili yenyu ihwele mna saviya mvilavize ivitagwa vyenyu mo usigilwa kudamanya ubanasi vilavyeni ivitagwa vye mili yenyu vitende vya wasigilwa wakuwagila kwa usuntwa. ²⁰ Kwaviya na mwi wasigilwa wa masa namlekeilwa hale na uwagila. ²¹ Mwe idizuwa idyo na mwimwedihi kwa mbuli ziya walalekani mziwonele soni kwa viya ulailo wakwe we izimbuli izo ni kubanika ²² Mna kwa vino haluse mlekeilwa hale na masa mtendeka wasigilwa wa Chohile mwi mwe tunda dyo usuntwa ulailo ni ujima wa kale na kale. ²³ Kwa viya maliho ya mas ni file mna jeleko hedina maliho ni dya Chohile na ujima wa kale wa Kulisito Yesu Zumbe dyetu.