¹ Kwaviya chiwagila chizumilwa kwa sila ya utondowazi ni Chohile kwa sila ya Zumbe dyetu Yesu Kulisito. ² Kujinkila uyo suwe nawi china luhenyo kwa sila ya utondowazi wa mbazi zakwe naswi chachimala chelelwa kwa ukankalu akuchinka Chohile. ³ Siyo ino du mna naho chelelwa mwe nkanto chinanayo kugamba inkanto yeleka kujijimiza. ⁴ Ujijimizi weleka kuzumilwa na kuzumilwa kweleka ukankalu kwa zuwa dikwiza. ⁵ Ukankalu uno hakufilwa chevu ungi wa Chohile witilwa mwe muye yetu kujinkila muye ukukile uletigwe. ⁶ Naumo chisokele mwe idizuwa dikungwa Kulisito niyo abanika kwa ubanasi. ⁷ Ivyo navitende vidala yumwenga abanike kwa uyo mntu awagile vino ni kugamba mntu ajezize kubanika kwa mntu ywedi. ⁸ Mna Chohile kajesa ulozize wakwe mwenye kwa suwe kwa viya umo chendile na wihi Kulisito nuyo abanike kwa chausa chetu. ⁹ Ikajinka kujinka ayo yose haluse kwaviya chiwagila kwe isankame yakwe na chambulwe kwa ivyo kulaila kwa amaya ya Chohile. ¹⁰ Kwaviya na chiwankondo na chivanywa ni Chohile kwa sila yo kubanika kwa mwanawe vitendese na umo chivyanywe kwa kuvululwa ko ujima wakwe. ¹¹ Siyo ivyodu mna naho chelelwa kwa Chohile kujinkila kwa Zumbe Yesu Kulisito kujinkila uyo vino haluse chihokela umwivano uno. ¹² Kwaviya naho kijinkila mntu yumwenga ubanasi wingila mo ulangazi kwa sila ya kubanika kwingile kwa sila yo ubanasi no kubanika kwenela kwa wantu wose kwa viya wose nawatenda ubanasi. ¹³ Kwaviya kubula lagizo dya ubanasi nawi umo mo ulangazi mna ubanasi haukuwazwa hehene lagizo ¹⁴ No ukubanika kulongoza kulawa Adamu na kubula Musa na kwa wadya hewebalangwe ko ukuzumila kwa Adamu eli lagano ongile abanike eze. ¹⁵ Ivyo jelekol dya bule havikunga wavu kwa ivyo uneva wavu wa mntu yumwenga walozize abanika mnalo mbazi za Chohile. najeleko dya wedi wa mntu yumwenga Yesu Kulisito yongezekela vilozize. ¹⁶ Kwaviya jeleko siyo ulailo wa yudya adamanye ubanasi kwa viya kwe tendele ntuhu jeleko dya bule dikulavigwa kwa kuwaziwa kuagilwa na kwiza ko ubanasi utendese. ¹⁷ Kwaviya ko ubanasi wa mntu yumwenga file yenela kijinkila yumwenga naho wadya nawahokele wedi ulozize hamwenga na jeleko dya kuwagila na walongoze kujinkila wikazi wa yumwenga Yesu Kulisito. ¹⁸ Ivyo naho kujinkila ubanasi wa mntu yumwenga wantu wose wengizwa mwe nkanto mna kujinkila ntendwa imwenga iwagile iza kuwawaziza kuwagila kwa wikazi wa wantu wose. ¹⁹ Ivyo hegu kujinkila mntu hezumile yumwenga awatuhu wotenda ni wabanasi naho kujinkila kuzumilwa kwa yumwenga wose watendwa wawagile. ²⁰ Mna lagizo dingila hamwenga chani ubanasi utende wenela mna hadya ubanasi utendesa wedi wongezekela vitendese. ²¹ Ino ilaila kwa viya ubanasi ulongola mwe file ivyo hata wedi wadaha kulongoza kujinkila kuwagila ujima wa kale na kale kujinkila Yesu Kulisito Zumbe dyetu.