¹ Nachilonge mbwani naho kugamba Abulahimu Tee ywetu kwa jisi ya mwili kapatikana? ² Uneva ikatenda Abulahimu nakawazizwa kuwagila kwa ntendwa nakatenda na chausa cha kwetogola mna suko kulongozi kwa Chohile. ³ Kwaviya mawandiko yagaze? "Abulahimu nakamzumila Chohile, na kuwazizwa kwakwe kutenda uwagilwa." ⁴ Haluse kwa mntu akudamanya ndima maliho yakwe hayakuwazwa kutenda ni vyedi mna kutenda deni. ⁵ Mna kwa mntu hekudamanya ndima mna amzumila uyo ambaye kawazizwa kuwagilwa hatendile kuwagila. ⁶ Daudi naye kalonga ujimbiko mlanga mwa wantu wadya cChohile kawasika uwagila hehena ntendwa. ⁷ Nakalonga wajimbikwe wadya ambawo ubanasi wawo ulekeilwa na wadya amasa yawo yakubikwa. ⁸ Kajimbikwa mntu yudya ambaye Zumbe hakumwaziza masa. ⁹ Togola jimbiko dino ni kwa wadya wajeligwe ngasu du hegu na wadya hewejeligwe ngasu? Kwaviya chagamba kwa Ibulahimu uzumizi wakwe nauwazizwa kutenda ni uwagila. ¹⁰ Ivyo kuwazwa zeze? uneva Ibulahimu nendile mwe ngasu hegu nyumani henati kujelwa ngasu? Havitendile mwe kujelwa ngasu mna mo kutokujelwa ngasu ¹¹ Abulahamu na kahokela alama ya kujelwa ngasu umo namtende vengelo dya kuwagila dya uzumizi uwo nendile nawo aho nkongo kubula hejeligwe ngasu ulailo wa lagizo dino ni kugamba nakadamanyika kutenda Tate wa wose wakuzumile hata hegu wekala mo kuleka kujelwa ngasu Ino ni kugamba kuwagilwa nakuwazizwe kwawo. ¹² ino nayo yalonga kugamba Abulahamu nakadamanyika Tate wa ngasu siyo du kwa wadya wakulawana na ngasu mna na wadya wakuzitongela nkacho za tate wetu Abulahamu ivyo nuwo uzumizi endile nawo kwa hewejeligwe ngasu. ¹³ Kwa viya haitendile kwa lagizo kugamba lagiso nadilavyigwa kwa Ibulahimu no lukolo lwakwe lagiso idyo ni kugamba nawatende walisi we isi ukaleka nawatende kujinkila kuwagila kwa uzumizi. ¹⁴ Kwaviya wadya wa lagiso nawo walisi, utondowazi wawo ni bule naho lagiso divunika. ¹⁵ Kwa viya lagizo dyegala maya mna hadya hehena lagizo hahana uzumizi. ¹⁶ Kwa vino dino dyalaila kwa utondowazi chani ditende kwa wedi malailo yakwe lagizo ndimanyika kwa welekwa wose. naho welekwa wano siwo du wadya wamanyize mna wadya wa uzumizi wa Ibulahimu kwaviya yeye Tate ywetu suwe chose. ¹⁷ Saviya idolonywe sikutenda weye kutenda Tate we isi zilozize Abulahamu nakatenda mwe uweop wa yudya amzumile kugamba Chohile yudya akuwenka wabanike ujima na kwika mbuli hezihale chani zitendeke ziyaho. ¹⁸ Izo izihali zose za kuse , Abulahamu kwa ukankalu nakamzumila Chohile mwa amazuwa yakwiza. Ivyo niyo atenda Tate we izisi kuligana na chiya chilongigwe, "Nivyo nautende lweleko lwako." ¹⁹ Uyo hatendile mnyonje mwe uzumizi Abulahamu nakazumila kugamba mwili wakwe mwenye nauheza kubanika nakutenda na mhilimo wa haguhi na gana dimwega naho nakiliganyiza ne hali yo kubanika ye inda ya sala. ²⁰ Mna kwa viya cheliso cha Chohile Abulahamu hajeligwe nkama mwe kumzumila mna nakajelwa nguvu mwe uzumizi nakamtunya Chohile. ²¹ Nakatenda adamanya chindedi kugamba chiya ambacho Chohile kaselisa nakatenda na udahi wa kuchiliganyiza. ²² Ivyo ino iwazwa kwakwe kugamba ni uwagilwa. ²³ Haluse haidolonywe du kwa chongezekelo chakwe kugamba naiwazwa kugamba ni uwagilwa. ²⁴ Naidolonywa kwa cahausa chetu suwe kwa waikigwe kuwazwa suwe wadya chizumile mwa uyo amuuyuse Zumbe dyetu Yesu kulaila ko uyuso. ²⁵ Yuno ni yudyd uyo alavigwe kwa chausa cha masa yetu na kumuuyusa chani chipate kuwazizwa kuwagila.