¹ Ivyo chongezekelo chani ananacho Myahudi? Nachongezekelo cha lagiso ni chihi? ² Nivitana chila sila kujinka yose Wayahudi nawenkigwa ugubulo kulaila kwa Chohile. ³ Mna navitende zeze awamwenga mwa Wayahudi hawtendile na utondowazi? Togola kuleka kuzumilwa kwawo nakutende na uzumizi mwa Chohile kutenda ubanike? ⁴ Bule ukaleka ayo leka Chohile awonene kutenda ywedi hata hegu chila mntu ni mlulimi. Saviya iidolonywe "Kugamba udahe kuwoneka kugamba awagile mwe milosi yako na udahi ukujinka ukwingla mwe nkanto." ⁵ Uneva ubanasi wetu walagisa uwagila wa Chohile chigeze? Chohile suyo zalimu akalavya maya yakwe Togola ivyo? Nalonga kulawana na untu wa mntu. ⁶ Bule! Nikugamba ivyo Chohile nakantile isi? ⁷ Mna uneva ichindedi cha Chohile kujinkila ululimi wangu chalavya ntogozi zilozize kwa chausa chakwe ni mbwani nichei nakantilwa kutenda mta masa? ⁸ Nimbwani chisekulonga saviya chizigigwe na saviya wantu walavyanye chalonga," Chidamanye yehiye, chani yedi yeze"? Nkanto yawo iwagila. ⁹ Nimbwani? Chigombela wenye? Bule kwaviya suwe chajika kuwakantila Wayahudi na Wayunani wose hamwenga, kugamba we hasi ha masa. ¹⁰ Ino ni saviya idolonywe " Hahali awagile hata yumwenga. ¹¹ Hahali akumanya hahali mntu akumzungula Chohile. ¹² Wose wahitukila . Awo kwa hamwenga watenda wewene chintu hahali akudamanya yedi bule, hata yumwenga ¹³ Wikazi wawo bome hedine uhelo dyegubule. Iimilimi yawo idanta Sumu ya nyoka imwe milomo yawo. ¹⁴ Milomo yawo imema kanto na usungu. ¹⁵ Viga vyo vyagulukila kwitila sakame. ¹⁶ Ubanasi ana nkuto zawo zimwe sila yawo. ¹⁷ Wantu wano hawamanyize sila ya utondowazi. ¹⁸ Hawana wogohi kwa Chohile kulongozi kwa meso yawo." ¹⁹ Haluse chimanya kugamba chochose lagizo dikulonga, dyalonga na wadya we hasi he dilagizo. Ino ni chani kugamba chila mlomo ugumbikwe na ivyo kugamba isi yose idahe kudaamanya kwa Chohile. ²⁰ Ino ni kwa viya hahana mwili ukunga uwazizwe uwagila kwa ntendwa za lagizo kulongozi kwa meso yakwe. Kwaviy kujinkila lagizo kwegala umanyi wa masa. ²¹ Mna haluse hehena lagizo, uwagilwa wa Chohile umanyika. Iukulwa kwa lagizo na wawoni, ²² Uwo ni uwagilwa wa Chohile kujinkila utondowazi mwa Yesu Kulisito kwa wadya wose wazumile. Kwaviya hahana kusimana. ²³ Kwa viya wose wadamanya masa na kuhungukila ni ukuka wa Chohile. ²⁴ wawazizwa uwagilwa bule kwa wedi wakwe kwa sila yo uwambulwa wimwe Kulisito Yesu. ²⁵ Kwaviya Chohile nakamlavya Yesu Kulisito atende wivanyi kwa sila ya utondowazi mwe sakame yakwe. Nakamlavya Kulisito saviya mukuzi wa uwagilwa wakwe, kwa chausa cha kulikeila masa yajinkile. ²⁶ Mo ujijimizi wakwe. Yno yose yalaila chani kulagisa uwagilwa wakwe mwe ichipindi chino. Ivno ni kwaviya adahe kwelavyanya mwenye kutenda wagila, na kulagisa kugamba amuwaziza uwagila mntu yoyose kwa chausa cho utondowazi mwa Yesu. ²⁷ Kwikuhi kwetogola? Kusentwa. Kwa mwegamo ihi? Bule, mna kwa myegamo ya utondowazi. ²⁸ Ivyo nokomeleze kugamba mntu awazizwe uwagila kwa utondowazi hehena ntendwa ya lagizo. ²⁹ Hegu Chohile ni Chohile ywa Wayahudi awodu? Togola suyo Chohile ywa wantu we isi? Ivyo we isi hamwenga. ³⁰ Uneva Chohile chindedi ni yumwenga awawazize uwagilwa wili wa ujelwa ngasu kwa utondowazi, naho hewejeligwe ngasu kwa sila ya utondowazi. ³¹ Togola suwe chabalanga idilagizo kwa utondowazi? Bule! chinyumwe chakwe suwe chalavyanya idilagizo.