¹ Ivyo hana uzulu weye ukukantila kwachausa cha yadya ukukantila mtuhu wejela mwe nkuto yeye mwenye kwaviya weye ukukantila wadamanya mbuli iziya iziya. ² Naho chamanya kugamba nkanto ya Chohile ni ya chindedi mwa awo wakudamanya mbuli sa izo. ³ Mna weye fanyanya dino weye kwa viya wakantila wadya wakutenda mbuli izo? Hegu weye wadamanya sa ivyo Togola noinege inkkanto ya Chohile. ⁴ Togola wafanyanya hadodo mwe ulozize we wedi wakwe, hahanati nkunto yakwe na ujijimizi wakwe ? Togola humanyize kugamba wed wakwe waungwa kusinya mwe kweila? ⁵ Mna kwa chausa cha udala wako na kwa umuye wako hewine ukuka weikiya wenye mpamba ya maya mwe zuwa idiya dya maya, saviya idizuwa dya ugubulo we nkanto ye chindedi ya Chohile. ⁶ Uyo namlihe chila mntu chihimo chikuligana ne izindima zakwe. ⁷ Wadya wamanyize izimbuli zawo zedi walonda ntogozi na ntunyo naho hawabanike, nawenke ujima wa kale na kale. ⁸ Mna kwa wadya wakweungila vinyu weye hewekutunya ichindedi mna wazumila ubunyanyi maya naya yakulise nayeze . ⁹ Chohile negale gumbo na nkunto kwa chila luhenyo lwa mntu adamanye vihiye mwe Myahudi wa nkongo na kwe Myunani iviya. ¹⁰ Mna ntogozi na ntunyo na utondowazi navize kwa chila mntu adamanye yedi kwa Myahudi nkongo na kwa Myunani iviya. ¹¹ Ivyo hahana kuhingizwa kwa Chohile. ¹² Kwaviya viya vilozize waviswesa hehena lagizo nawage hehena lagizo, na saviya walozize waswesa kuligana ne dilagizo nawakantilwe kwa lagizo. ¹³ Kwaviya hawakwetegela idilagizo wadya wata ichindedi kwa Chohile mwa wadya wakutenda idilagizo wakungwa wawazwe mwe ichindedi. ¹⁴ Kwaviya wantu we isi hewene lagizo wadamanya kwa mila mbuli za lagizo awo watenda lagizo henyo zawo hata hegu wowo hawana lagizo. ¹⁵ Kwa viya walagisa kugamba mbuli ikungwa kwa wakusankana mwe lagizo yadolonwa mndani mwe muye yawo chani kunga kwa kwawalagisa wowo ne izifanyanyi zawo wenye hegu yawalanga yawadima wowo wenye. ¹⁶ Naho kwa Chohile yano nayalaile zuwa diya Chohile nakantile fiso za wantu waose kuligana no ulosi wangu kwa sila ya Yesu Kulisito. ¹⁷ Chilonge kugamba weitanga mwenye Myahudi ekale mwe lagizo bweda kwa kwetogola mwa Chohile. ¹⁸ Umanye ungi wakwe na kuhima mbuli nazitongele ukaleka kwingizwa mwe lagizo. ¹⁹ Nachilonge kugamba mnaukankalu weye mwenye wi chilongozi wa hewekuona lumuli kwa wadya wa mwe chiza. ²⁰ Mliganyi wa wahezi mhinyi wa wana na kugamba mnanayo mwe dilagizo kulanga umanyi na uchindedi. ²¹ Weye ukulonga mtuhu Togola hukwehinya mwenye? Weye ukulonga kumolanya Togola weye hukumolanya? ²² Weye ukulonga kugonya Togola hukugonya? Weye ukwihiwa vinyago Togola hukubawa we divikilo? ²³ Weye ukwetunya mwe lagizo, togola hukumbela Chohile mwe kubalanga lagizo? ²⁴ Kwaviya "zina dya Chohile dyabelwa mgati mwa wantu we isi kwa chausa chenyu" saviya idolonywe. ²⁵ Kwa viya kujelwa ngasu chindedi kwawagila saviya uzumizi wa lagizo, mna hegu weye wahitula lagizo, kujelwa ngasu kwako kwatenda hwijelingwe ngasu. ²⁶ Ivyo uneva mntu hejeligwe ngasu wajendeleza kutoza viya idilagizo dikunga togola kuleka kujelwa ngasu kwakwe hakuguhigwe kugamba kajelwa ngasu? ²⁷ Uyo hejeligwe ngasu kwa asili hakantilwe hegu anachintiza lagizo? Ino ni kwaviya kuna mawandiko yadolonywe na kujelwa ngasu mna wahituka idilagizo! ²⁸ Kwa viya yeye suyo Myahudi eli untu wa kuse, mna kujelwa ngasu si kudya kwa kuse du mo mwili. ²⁹ Mna uyo ni Myahudi eli kwa kundani na kujelwa ngasu ni muye mwe muye mna siyo kwa mawandiko. Ntogozi ya mntu eli saivyo haikulawana na wantu mna yalawa kwa Chohile.