¹ Walukolo, kunga kwa muye wangu na lombozo dyangu kwa Chohile ni kwa chausa chawo kwa chausa cho uwambulwa wawo. ² Kwa viya wawaukuila kugamba wana wakazana mwa Chohile ³ Kwaviya hawamanyize ichindedi cha Chohile walonda kuhituka ichindedi chawo wawo wenye hawakumzumila kwa chindedi cha Chohile. ⁴ Kwaviya Kulisito nuyo achintile mwe lagizon kwa chausa cho uwagila wa chila mntu akuzumila. ⁵ Kwaviya Musa awandika kulanga uwagila ukwiza kulawana na lagizo " Mtu akudamanya uwagila wa lagizo nekale kwa uwagila uwo" ⁶ Mna uwagila ukulawana na utondowazi wagamba vino, "Usekwelongela mwenye, ' Ni yuhi akunga apuluke kwita kwe isi?"' ⁷ Naho ulonge ni yuhi akunga asele hasikwe idibome? '"Ino ni kumwigala Kulisito kulanga kulaila kwa wabanike. ⁸ Mna yalonga mbwani? Ulosi wi hajihi na wehiye umo mo mlomo wako na umo mo muye wako uwo ni ulosi wa ukukauwo chikuwagambila. ⁹ Kwaviya kwa mlomo wako unagamba Yesu kugamba ni Zumbe na kuzumila umuye wako kugamba Chohile kamwinula kulawa kwa wabanike na wambulwe. ¹⁰ Mna kwa viya muye mntu azumila kupata ikindedi mna mo mlomo fanyanyi na kwinkigwa uwambulwa. ¹¹ Kwaviya wandiko "Dyagamba Chila akumzumila hengilwe ni soni." ¹² Kwa viya hahana kusimana mgati mwa Myunani na Myunani. Kwaviya Zumbe uyudya ni Zumbe wa wose nho ni mgoli kwa wose wakumwitanga. ¹³ Kwaviya chila mntu akuditanga idizina dya Zumbe naambulwe. ¹⁴ Ni kwa zeze wadaha kumwitanga yudya hewemzumile? Naho ni zeze wadaha kuzumila mwa uyo hewemwivile? Naho naweve zeze hehena mlongi? ¹⁵ Naho ni kwa zeze nawadahe kulonga, ukaleka hawasigilwe? "Saviya idolonywe, " Ni kwa zeze ni mitana imigula ya wadya wakulonga mbuli za chinyemi cha mbuli zedi!" ¹⁶ Mna wose wawautegele ulosi kwa viya Isaya kugamba, "Zumbe ni ani evile ulosi wetu?" ¹⁷ Ivyo utondowazi wiza kulawana na kwiva, na kwiva kwa ulosi wa Kulisito. ¹⁸ Mna nagamba "Togola hawevile?" Heye kwa chindedi. "Izwi dyawo divika kulawa kuse kwe isi yose na milosi yawo kubula udumo we isi." ¹⁹ Kujinka yose nalonga "Togola Izulaeli hezile?" Nkongo , Musa alonga, " naniwasonge maya kuwajela chinyulu kwa wantu wadya sawo we isi. Kwa sila ye isi heikubunkula naniwakonkanye kubula mwihiwe." ²⁰ Naho Isaya ni mkankalu vitendese naho agamba, " Nasipatwa ni wadya hewekunilonda. Siwoneka kwa wadya hewekununga." ²¹ Mna kwa Izulaeli wagamba mazuwa yose nasinula mikono yanga kwa hewekuzumila naho kwa wantu watogile."