¹ Naho niyo nawona mkono wa kulume wa yudya ekale mwe chiti cho Ukulu, gombo didolonywa kulongozi na kunyuma naho nendile dijelwa mihuli mfungate. ² Nasimuwona msigilwa ywa Chohile atendile na udahi wa ndima wa kulongesa, niyuhi akwagila kudivugula idigombo na kuvuna imihuli yakwe? ³ Hakuna mntu kwembingu hegu kwe isi hasi he isi akudaha kudivugula idigombo hegu kudisoma. ⁴ Sila kwa usungu kwavya haonekane yoyose akuwagila kudivugula idigombo hegu kudisoma. ⁵ Mna yumwenga ywa wadalahala niyo anigamba, usekwila kaula simba ywa lukolo lwa Daudi kashinda naho adaha kudifungula idigombo na mihuli yakwe mfungate. ⁶ Hagati he chiti cho Ukulu nawata ujima wane naniwamwenga wa wadalahale nasiwona mwa ngoto achimale akwoneka saviya abanike nana mahembe mfungate na meso mfungate ino ni myuye mfungate ya Chohile itumigwe mwe isi yose. ⁷ Kaita kudiguha gombo kulawa kwa mkono wa kulume wa yudya ekale mwe chiti cho Ukulu. ⁸ Eze adiguhe gombo wenye ujima wane na wadalahale milongo midi na wane, niyo wafunama kubula hasi kulongozi kwa mwana ngoto chila yumwenga na ana chinubi na bakuli dya zahabu dimemile ubani ambayo ni malombezo ya wazumile. ⁹ Wasema wimbo mhya ukuwagila kudiguha gombo na kudivugula imihuli yakwe kwaviya nakachinjwa kwa sakame yakwe niyo amguila Chohile wantu wa chila kabila, kulonga wehamwenga na si. ¹⁰ Niyo awatenda wakulu na walavyantambiko kwachausa cha kumdamanyiza Chohile ywetu nawo nawalongole kulanga kwe isi. ¹¹ Naho simanya nakwiva kulonga kwa wasigilwa wa Chohile walozize kuchizunguluka chiti cho Ukulu, mligano wawo nautenda 200,000,000 wa wata ujima na wadalahale. ¹² Nivyo walonga kwa izwi kulu, kwagila mwana ngoto uyo achinjigwe kuhokela udahi, ugoli, ntunyo, udahi, ntunyo, Ukuka ,ntogozi. ¹³ Niyo neva chila chumbigwe nachikwembingu na mwe isi na hasi he isi na kulanga kwe ibahali chila chintu mndani mwakwe chikulonga kwakwe uyo ekale kulanga kwe chiti cho Ukulu na kwa mwana ngoto kutende na ntogozi kutunywa, ukuk na udahi na kulongoza kale na kale. ¹⁴ Wenye ujima wane niyo walonga navikale ivyo, na wadalahale kufunama hasi na kuvika.